ଆଜି ଜଳ ଜୀବନ ମିଶନର ଛଅ ବର୍ଷ ପୂର୍ତ୍ତି ଅବସରରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଖୁସି ପ୍ରକାଶ କରିଛନ୍ତି । ଏହା ଏକ ପ୍ରମୁଖ ପଦକ୍ଷେପ ଯାହା ବ୍ୟକ୍ତିଗତ ଘରୋଇ ଟ୍ୟାପ ସଂଯୋଗ ମାଧ୍ୟମରେ ନିରାପଦ ଏବଂ ପର୍ଯ୍ୟାପ୍ତ ପାନୀୟ ଜଳର ଉପଲବ୍ଧତା ସୁନିଶ୍ଚିତ କରି ସମଗ୍ର ଭାରତରେ ଲକ୍ଷ ଲକ୍ଷ ପରିବାରରେ ପରିବର୍ତ୍ତନ ଆଣିଛି ।
୨୦୧୯ରେ ଆରମ୍ଭ ହୋଇଥିବା ଜଳ ଜୀବନ ମିଶନ ମାତ୍ର କିଛି ବର୍ଷ ମଧ୍ୟରେ ୧୫ କୋଟିରୁ ଅଧିକ ପରିବାରକୁ ସ୍ୱଚ୍ଛ ପାନୀୟ ଜଳ ଯୋଗାଇ ସରକାରଙ୍କ ପ୍ରତିବଦ୍ଧତାର ଆଧାର ପାଲଟିଛି । ଫଳରେ ସ୍ୱାସ୍ଥ୍ୟରେ ସୁଧାର ଆସିବା ସହ ସମ୍ପ୍ରଦାୟ ସଶକ୍ତ ହୋଇଛି ଏବଂ ଅଗଣିତ ସ୍ୱପ୍ନ ସାକାର ହୋଇଛି ।
ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ଯେ, ଏହି ଯୋଜନା କେବଳ ଗ୍ରାମୀଣ ଭାରତରେ ଜୀବନକୁ ଉନ୍ନତ କରିନାହିଁ ବରଂ ସ୍ୱାସ୍ଥ୍ୟସେବାକୁ ମଧ୍ୟ ଉଲ୍ଲେଖନୀୟ ଭାବରେ ସୁଦୃଢ଼ କରିଛି, ବିଶେଷକରି ମହିଳାମାନେ – ଦେଶର ନାରୀ ଶକ୍ତି ଲାଭାନ୍ୱିତ ହୋଇଛନ୍ତି ।
ଏକ୍ସରେ ମାଇଗଭ୍ଇଣ୍ଡିଆ ପକ୍ଷରୁ କରାଯାଇଥିବା ପୃଥକ ପୋଷ୍ଟ ଉପରେ ପ୍ରତିକ୍ରିୟା ଦେଇ ଶ୍ରୀ ମୋଦୀ ଲେଖିଛନ୍ତି;
“ଆମେ ଜଳ ଜୀବନ ମିଶନର ଛଅ ବର୍ଷ ପୂର୍ତ୍ତୀ ପାଳନ କରୁଛୁ । ଏହା ଏପରି ଏକ ଯୋଜନା ଯାହା ମର୍ଯ୍ୟାଦା ଏବଂ ଜୀବନକୁ ପରିବର୍ତ୍ତନ କରିବା ଉପରେ କେନ୍ଦୀତ । ଏହା ବିଶେଷକରି ଆମର ନାରୀ ଶକ୍ତି ପାଇଁ ଉନ୍ନତ ସ୍ୱାସ୍ଥ୍ୟସେବା ମଧ୍ୟ ସୁନିଶ୍ଚିତ କରିଛି ।”
“ସମଗ୍ର ଭାରତରେ ଜଳ ଜୀବନ ମିଶନର ସ୍ଥାୟୀ ପ୍ରଭାବର ଏକ ଝଲକ ।
#6YearsOfJalJeevanMission”
We mark #6YearsOfJalJeevanMission, a scheme that focuses on dignity and transforming lives. It has also ensured better healthcare, especially for our Nari Shakti. https://t.co/N7jTHDyrLb
— Narendra Modi (@narendramodi) August 14, 2025
A glimpse of the lasting impact of Jal Jeevan Mission across India. #6YearsOfJalJeevanMission https://t.co/jd2BotNcuC
— Narendra Modi (@narendramodi) August 14, 2025
