କର୍ଣ୍ଣାଟକର ଟୁମକୁରଠାରେ 2.1.2020 ଗୁରୁବାର ଦିନ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୃଷିକର୍ମଣ ପୁରସ୍କାର ଏବଂ ପ୍ରଶଂସାଭାଜନ ସମ୍ମାନ ପ୍ରଦାନ କରିବେ । ଅଗ୍ରଣୀ ଚାଷୀମାନଙ୍କ ପାଇଁ କୃଷିମନ୍ତ୍ରୀଙ୍କ କୃଷିକର୍ମଣ ପୁରସ୍କାର ମଧ୍ୟ ସେ ପ୍ରଦାନ କରିବେ । ପ୍ରଧାନମନ୍ତ୍ରୀ କିଷାନ ସମ୍ମାନ ବାବଦକୁ 2000 ଟଙ୍କା ଲେଖାଏଁ ଦ୍ୱିତୀୟ କିସ୍ତି ଡିସେମ୍ବର 2019ରୁ ମାର୍ଚ୍ଚ 2020 ପର୍ଯ୍ୟନ୍ତ ଏହି ଅବସରରେ ପ୍ରଦାନ କରାଯିବ । ଏହା ପାଖାପାଖି 6 କୋଟି ହିତାଧିକାରୀଙ୍କୁ ଲାଭପ୍ରଦ ହେବ । 8ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ପିଏମ କିଷାନ ଯୋଜନାରେ ହିତାଧିକାରୀମାନଙ୍କୁ ମଧ୍ୟ ପ୍ରଧାନମନ୍ତ୍ରୀ ପ୍ରମାଣପତ୍ର ପ୍ରଦାନ କରିବେ । ଏହି ଅବସରରେ ମଧ୍ୟ ପ୍ରଧାନମନ୍ତ୍ରୀ ତାମିଲନାଡୁର କିଛି ବଛା ବଛା ଚାଷୀଙ୍କୁ ଗଭୀର ସମୁଦ୍ର ମାଛ ଧରା ପୋତ ଏବଂ ମାଛ ଧରା ପୋତ ଟ୍ରାନ୍ସପଣ୍ଡର ପ୍ରଦାନ କରିବେ । କର୍ଣ୍ଣାଟକର କେତେକ ବଛା ବଛା ଚାଷୀଙ୍କୁ ସେ କିଷାନ କ୍ରେଡିଟ୍ କାର୍ଡ ପ୍ରଦାନ କରିବେ । ସଭାସ୍ଥଳରେ ପ୍ରଧାନମନ୍ତ୍ରୀ ଏକ ପ୍ରଦର୍ଶନୀର ପରିଦର୍ଶନ କରିବା ସହିତ ସମବେତ ଜନତାଙ୍କୁ ମଧ୍ୟ ଉଦବୋଧନ ଦେବେ ।
