ମହାମହିମ ରାଷ୍ଟ୍ରପତି ପୁତିନ,
ରାଷ୍ଟ୍ରପତି ବଟ୍ଟୁଲଗା,
ପ୍ରଧାନମନ୍ତ୍ରୀ ଆବେ,
ପ୍ରଧାନମନ୍ତ୍ରୀ ମହାଥିର,
ବନ୍ଧୁଗଣ,
ନମସ୍କାର
ଦୋବ୍ରି ଦେନ!
ଭ୍ଲାଡିଭୋଷ୍ଟକର ଶାନ୍ତ ଓ ପ୍ରକାଶମୟ ବାତାବରଣରେ ଆପଣଙ୍କ ସହିତ ଆଲୋଚନା କରିବା ଏକ ସୁଖଦ ଅନୁଭବ । ସକାଳର ଆଲୋକ ଏଠାଦେଇ ବିଶ୍ୱକୁ ପ୍ରକାଶିତ କରିଥାଏ ଏବଂ ସମଗ୍ର ବିଶ୍ୱକୁ ଉର୍ଜାବାନ କରିଥାଏ । ମୋର ପୁରା ବିଶ୍ୱାସ କି ଆଜି ଆମର ଏହି ମନ୍ଥନ କେବଳ ସୁଦୂର ପ୍ରାଚ୍ୟ ନୁହେଁ ବରଂ ସମଗ୍ର ମାନବ ଜାତିର କଲ୍ୟାଣର ପ୍ରୟାସକୁ ଏକ ନୂତନ ଉର୍ଜା ଏବଂ ନୂତନ ଗତି ପ୍ରଦାନ କରିବ । ଏହି ମହତ୍ୱପୂର୍ଣ୍ଣ ଅବସରରେ ମୋତେ ଏକ ଅଂଶବିଶେଷ କରିଥିବାରୁ ମୁଁ ମୋର ବନ୍ଧୁ ରାଷ୍ଟ୍ରପତି ପୁତିନଙ୍କ ପାଖରେ କୃତଜ୍ଞ । ରାଷ୍ଟ୍ରପତି ମୋତେ ଏହି ନିମନ୍ତ୍ରଣ ଭାରତରେ ସାଧାରଣ ନିର୍ବାଚନ ହେବା ପୂର୍ବରୁ ଦେଇ ଦେଇଥିଲେ । 130 କୋଟି ଭାରତବାସୀ ମୋ ଉପରେ ବିଶ୍ୱାସ ପ୍ରକଟ କରିଥିଲେ ଏବଂ ଆପଣଙ୍କ ନିମନ୍ତ୍ରଣ ଦ୍ୱାରା ସେମାନଙ୍କ ବିଶ୍ୱାସ ଉପରେ ମୋହର ଲାଗି ଯାଇଥିଲା । ଦୁଇ ବର୍ଷ ପୂର୍ବରୁ ରାଷ୍ଟ୍ରପତି ପୁତିନ ମୋତେ ସେଣ୍ଟ ପିଟର୍ସବର୍ଗ ଆର୍ଥିକ ମଞ୍ଚକୁ ଆମନ୍ତ୍ରିତ କରିଥିଲେ । ୟୁରୋପର ଫ୍ରଣ୍ଟିୟରରୁ ପ୍ୟାସିଫିକର ଗେଟୱେ ପର୍ଯ୍ୟନ୍ତ ମୋର ମଧ୍ୟ ଏକପ୍ରକାରର ଟ୍ରାନ୍ସ-ସାଇବେରିଆନ ଯାତ୍ରା ହୋଇଗଲା । ଭ୍ଲାଡିଭୋଷ୍ଟକ ୟୁରୋସିଆ ଏବଂ ପ୍ୟାସିଫିକର ସଙ୍ଗମ । ଏହା ଆର୍କିଟିକ ଏବଂ ଉତ୍ତର ସମୁଦ୍ର ରୁଟ ପାଇଁ ଅବସର ଖୋଲୁଛି । ରୁଷର ପାଖାପାଖି ତିନି ଚତୁର୍ଥାଂଶ ଭୂଭାଗ ହେଉଛି ଏସିଆ । ସୁଦୂର ପ୍ରାଚ୍ୟ ଏହି ମହାନ ଦେଶର ଏସିଆନ ପରିଚୟକୁ ସୁଦୃଢ଼ କରିଥାଏ । ଏହି କ୍ଷେତ୍ରର ଆକାର ଭାରତଠାରୁ ପାଖାପାଖି ଦୁଇ ଗୁଣ, ଏହାର ଜନସଂଖ୍ୟା ମାତ୍ର 6 ମିଲିଅନ ମାତ୍ର ଏହି ଅଂଚଳ ପ୍ରାକୃତିକ ସମ୍ପଦ ଓ ତୈଳ ଓ ଗ୍ୟାସ ପରି ପ୍ରାକୃତିକ ସମ୍ବଳରେ ସମୃଦ୍ଧ । ଏଠାକାର ଜନସାଧାରଣ ସେମାନଙ୍କ କଠିନ ପରିଶ୍ରମ, ସାହସ ଏବଂ ନବାଚାର ମାଧ୍ୟମରେ ପ୍ରକୃତିର ଆହ୍ୱାନ ଉପରେ ବିଜୟ ପାଇଛନ୍ତି । କେବଳ ଏହା ନୁହେଁ କଳା, ବିଜ୍ଞାନ, ସାହିତ୍ୟ. କ୍ରୀଡା, ଶିଳ୍ପ ଏବଂ ଦୁଃସାହସିକ ଗତିବିଧିର ଏପରି କୌଣସି କ୍ଷେତ୍ର ନାହିଁ, ଯେଉଁଥିରେ ସୁଦୂର ପ୍ରାଚ୍ୟର ଜନସାଧାରଣ, ଭ୍ଲାଡିଭୋଷ୍ଟକର ଜନସାଧାରଣ ସଫଳତା ହାସଲ କରିନାହାନ୍ତି । ଏଥିସହିତ ସେମାନେ ରୁଷ ଏବଂ ସେମାନଙ୍କ ବନ୍ଧୁମାନଙ୍କ ପାଇଁ ମଧ୍ୟ ଅନେକ ଅବସର ସୃଷ୍ଟି କରିଛନ୍ତି । ବରଫାବୃତ୍ତ ଭୂମିକୁ ଫୁଲର ଶଯ୍ୟାରେ ବଦଳାଇ ଏକ ସୁନେଲି ଭବିଷ୍ୟତର ଆଧାର ପ୍ରସ୍ତୁତ କରିଛନ୍ତି । ଗତକାଲି ରାଷ୍ଟ୍ରପତି ପୁତିନଙ୍କ ସହିତ ମୁଁ ‘ଷ୍ଟ୍ରୀଟ ଅଫ ଦ ଫାର ଇଷ୍ଟ’ ପ୍ରଦର୍ଶନୀ ଦେଖିଥିଲି । ଏଠାକାର ବିବିଧତା, ଲୋକମାନଙ୍କର ପ୍ରତିଭା ଓ ପ୍ରଯୁକ୍ତିବିଦ୍ୟାର ବିକାଶ ମୋତେ ଅନେକ ପ୍ରଭାବିତ କରିଛି । ଏମାନଙ୍କ ମଧ୍ୟରେ ପ୍ରଗତି ଓ ସହଯୋଗର ଅପାର ସମ୍ଭାବନା ମୁଁ ଅନୁଭବ କରିଛି ।
ବନ୍ଧୁଗଣ,
ଭାରତ ଓ ସୁଦୂର ପ୍ରାଚ୍ୟ ମଧ୍ୟରେ ସମ୍ପର୍କ ଆଜିର ନୁହେଁ । ଏହା ବହୁତ ପୁରୁଣା । ଭାରତ ହେଉଛି ପ୍ରଥମ ଦେଶ ଯିଏକି ଭ୍ଲାଡିଭୋଷ୍ଟକରେ ଏହାର ବାଣିଜ୍ୟିକ ଦୂତାବାସ ଖୋଲିଛି । ସେତେବେଳେ ଓ ଏହା ପୂର୍ବରୁ ମଧ୍ୟ ଭାରତ ଓ ରୁଷ ମଧ୍ୟରେ ଅନେକ ଭରସା ଥିଲା । ସୋଭିଏତ ରୁଷ ସମୟରେ ମଧ୍ୟ ଯେତବେଳେ ଅନ୍ୟ ବିଦେଶୀମାନଙ୍କୁ ଏଠାକୁ ଆସିବା ନେଇ ପ୍ରତିବନ୍ଧକ ଥିଲା, ଭ୍ଲାଡିଭୋଷ୍ଟକ ଭାରତୀୟ ନାଗରିକମାନଙ୍କ ପାଇଁ ଖୋଲା ଥିଲା । ରକ୍ଷା ଓ ବିକାଶର ଅନେକ ସାମଗ୍ରୀ ଭ୍ଲାଡିଭୋଷ୍ଟକ ଜରିଆରେ ଭାରତରେ ପହଂଚୁଥିଲା ଏବଂ ଆଜି ଏହି ଭାଗିଦାରୀତାର ବୃକ୍ଷ ଏହାର ଚେରକୁ ଆହୁରି ଗଭୀର କରୁଛି । ଦୁଇ ଦେଶର ଜନସାଧାରଣଙ୍କ ପାଇଁ ସୁଖ-ସମୃଦ୍ଧିର ସାହାରା ହେଉଛି । ଭାରତ ଏଠାରେ ଶକ୍ତି କ୍ଷେତ୍ର ଏବଂ ଅନ୍ୟ ପ୍ରାକୃତିକ ସମ୍ବଳ ଯେପରିକି ହୀରା କ୍ଷେତ୍ରରେ ମହତ୍ୱପୂର୍ଣ୍ଣ ନିବେଶ କରିଛି । ସାଖାଲିନର ତୈଳ କ୍ଷେତ୍ର ଭାରତୀୟ ନିବେଶର ସଫଳତା କ୍ଷେତ୍ରର ଏକ ପ୍ରକୃଷ୍ଟ ଉଦାହରଣ ।
ବନ୍ଧୁଗଣ,
ରାଷ୍ଟ୍ରପତି ପୁତିନଙ୍କ ପ୍ରସ୍ତାବ ଏବଂ ତାଙ୍କ ପରିକଳ୍ପନା କେବଳ ଏହି କ୍ଷେତ୍ର ପାଇଁ ନୁହେଁ ବରଂ ଭାରତ ପରି ରୁଷର ଭାଗିଦାରୀତା ପାଇଁ ଅଦ୍ଭୁତପୂର୍ବ ଅବସର ନେଇ ଆସିଛି । ସେ ରୁଷର ସୁଦୂର ପ୍ରାଚ୍ୟର ବିକାଶକୁ ଏକବିଂଶ ଶତାବ୍ଦୀ ପାଇଁ ଜାତୀୟ ପ୍ରମୁଖତା ଭାବେ ଘୋଷଣା କରିଛନ୍ତି । ତାଙ୍କର ସାମଗ୍ରୀକ କାର୍ଯ୍ୟଧାରା ଏଠାରେ ଜୀବନର ସମଗ୍ର ଦିଗକୁ, ଅର୍ଥନୀତି ହେଉ, ଶିକ୍ଷା ହେଉ, ସ୍ୱାସ୍ଥ୍ୟ ହେଉ କିମ୍ବା କ୍ରୀଡା, ସଂସ୍କୃତି ହେଉ, ଯୋଗାଯୋଗ ହେଉ, ବାଣିଜ୍ୟ ହେଉ କିମ୍ବା ପରମ୍ପରା, ସବୁକିଛିକୁ ଉନ୍ନତ କରିବା ପାଇଁ ପ୍ରୟାସ କରିଛି । ଏକପକ୍ଷରେ ସେ ନିବେଶର ରାସ୍ତା ଖୋଲା ରଖିଛନ୍ତି ଏବଂ ଅନ୍ୟପକ୍ଷରେ ସାମାଜିକ ସ୍ତରରେ ମଧ୍ୟ ସମାନ ପରିମାଣର ଧ୍ୟାନ ଦେଇଛନ୍ତି । ମୁଁ ସ୍ୱୟଂ ତାଙ୍କ ଏହି ପରିକଳ୍ପନା ଦ୍ୱାରା ପ୍ରଭାବିତ ହୋଇଛି ଏବଂ ଏହାକୁ ସେୟାର ମଧ୍ୟ କରିଥାଏ । ଭାରତ ତାଙ୍କର ଏହି ଅନ୍ତର୍ଦ୍ଦୁଷ୍ଟି ସମ୍ପନ୍ନ ଯାତ୍ରାରେ ପାଦକୁ ପାଦ ମିଳାଇ ରୁଷ ସହିତ ଚାଲିବାକୁ ଚାହେଁ । ମୁଁ ନିଜର ଅନୁଭବ ଆଧାରରେ କହିପାରେ ଯେ ସୁଦୂର ପ୍ରାଚ୍ୟ ଓ ଭ୍ଲାଡିଭୋଷ୍ଟକର ଦ୍ରୂତ, ସନ୍ତୁଳିତ ଏବଂ ସାମଗ୍ରୀକ ବିକାଶ ପାଇଁ ରାଷ୍ଟ୍ରପତି ପୁତିନଙ୍କ ପରିକଳ୍ପନା ନିଶ୍ଚିତ ଭାବେ ସଫଳ ହେବ । କାରଣ ଏହା ବାସ୍ତବବାଦୀ ଏବଂ ଏହା ପଛରେ ରହିଛି ଏହାର ମୂଲ୍ୟବାନ ସମ୍ବଳ ଏବଂ ଲୋକମାନଙ୍କ ଅସୀମ ପ୍ରତିଭା । ତାଙ୍କ ପରିକଳ୍ପନାରେ ଏହି ଅଂଚଳ ପାଇଁ ଓ ଏଠାକାର ଲୋକମାନଙ୍କ ପାଇଁ ସମ୍ମାନ ଓ ଭଲପାଇବାର ଝଲକ ଦେଖିବାକୁ ମିଳିଥାଏ । ଭାରତରେ ମଧ୍ୟ ଆମେ ସବକା ସାଥ, ସବକା ବିକାଶ ଓ ସବକା ବିଶ୍ୱାସର ମନ୍ତ୍ର ସହିତ ଏକ ନୂତନ ଭାରତର ନିର୍ମାଣରେ ଜଡିତ ଅଛୁ । 2024 ପର୍ଯ୍ୟନ୍ତ ଭାରତକୁ 5 ଟ୍ରିଲିଅନ ଡଲାର ଅର୍ଥନୀତିରେ ପରିବର୍ତ୍ତନ କରିବାର ସଂକଳ୍ପକୁ ସିଦ୍ଧ କରିବାର ପ୍ରୟାସରେ ଲାଗିଛୁ । ଦ୍ରୂତ ଗତିରେ ବଢ଼ୁଥିବା ଭାରତ ଏବଂ ଏହାର ପ୍ରତିଭାଙ୍କ କାରଣରୁ ଭାଗିଦାରିତା ‘ଏକ ଆଉ ଏକ ମିଶି 11’ରେ ପରିଣତ ହେବାର ଐତିହାସିକ ସୁଯୋଗ ରହିଛି ।
ବନ୍ଧୁଗଣ,
ଏହି ମୋଟିଭେସନ ଫଳରେ ପ୍ରାଚ୍ୟ ଅର୍ଥନୈତିକ ମଞ୍ଚରେ ଆମର ଅଂଶଗ୍ରହଣ ପାଇଁ ଅଦ୍ଭୁତପୂର୍ବ ପ୍ରସ୍ତୁତି ହୋଇଛି । ଅନେକ ମନ୍ତ୍ରୀ, ଚାରୋଟି ରାଜ୍ୟର ମୁଖ୍ୟମନ୍ତ୍ରୀ ଏବଂ ପାଖାପାଖି 150 ବ୍ୟାବସାୟିକ ନେତା ଏଠାକୁ ଆସିଛନ୍ତି । ସେମାନେ ରାଷ୍ଟ୍ରପତିଙ୍କ ବିଶେଷ ଦୂତ, ସୁଦୂର ପ୍ରାଚ୍ୟର ସମସ୍ତ 11 ଗଭର୍ଣ୍ଣର ଏବଂ ସେମାନଙ୍କ ବ୍ୟାବସାୟିକ ନେତାମାନଙ୍କୁ ଭେଟିଛନ୍ତି । ରୁଷର ମନ୍ତ୍ରୀ ଓ ସୁଦୂର ପ୍ରାଚ୍ୟର ବ୍ୟବସାୟିକ ନେତୃବୃନ୍ଦ ମଧ୍ୟ ଭାରତ ଆସନ୍ତୁ । ଏହା ପ୍ରକାଶ କରିବା ଅବସରରେ ମୁଁ ଖୁବ ଆନନ୍ଦିତ ଯେ ଆମର ଏହି ପ୍ରୟାସ ଦ୍ୱାରା ଭଲ ପରିଣାମ ଆସୁଛି । ଶକ୍ତିରୁ ଆରମ୍ଭ କରି ସ୍ୱାସ୍ଥ୍ୟ, ଶିକ୍ଷାରୁ ଆରମ୍ଭ କରି ଦକ୍ଷତା ବିକାଶ, ଖଣି ଖୋଦନରୁ ଆରମ୍ଭ କରି ଟିମ୍ବର, ଅନେକ କ୍ଷେତ୍ରରେ ପାଖାପାଖି 50 ରାଜିନାମା ହୋଇଛି । ଏହାଦ୍ୱାରା ଅନେକ ବିଲିଅନ ଡଲାରର ବ୍ୟବସାୟର ନିବେଶର ଆଶା ରହିଛି ।
ବନ୍ଧୁଗଣ,
ସୁଦୂର ପ୍ରାଚ୍ୟର ବିକାଶରେ ଅଧିକ ଯୋଗଦାନ ପ୍ରଦାନ କରିବା ପାଇଁ ଭାରତ 1 ବିଲିଅନ ଡଲାରର ଲାଇନ ଅଫ କ୍ରେଡିଟ ପ୍ରଦାନ କରିବ । ଏହା ହେଉଛି ପ୍ରଥମ ସୁଯୋଗ ଯେତବେଳେ କି ଆମେ କୌଣସି ଦେଶର କ୍ଷେତ୍ର ବିଶେଷକୁ ଲାଇନ ଅଫ କ୍ରେଡିଟ ପ୍ରଦାନ କରୁଛି । ମୋ ସରକାରଙ୍କ ଆକ୍ଟ ଇଷ୍ଟ ନୀତି ପୂର୍ବ ଏସିଆକୁ ସକାରାତ୍ମକ ଭାବେ ସଂଶ୍ଳିଷ୍ଟ କରିଛି । ମୋର ସମ୍ପୂର୍ଣ୍ଣ ବିଶ୍ୱାସ ଯେ ଆଜିର ଏହି ଘୋଷଣା ଆକ୍ଟ ଫର ଇଷ୍ଟର ଟେକ ଅଫ ବିନ୍ଦୁ ସାବ୍ୟସ୍ତ ହେବ । ଏହି ପଦକ୍ଷେପ ଆମର ଅର୍ଥନୈତିକ କୁଟନୀତିରେ ଏକ ନୂତନ ଦିଗ ଯୋଡିଛି । ବନ୍ଧୁ ରାଷ୍ଟ୍ରମାନଙ୍କ ବିକାଶରେ ଆମେ ସେମାନଙ୍କ ପ୍ରାଥମିକତାକୁ ହିସାବ କରି ସକାରାତ୍ମକ ଭାଗିଦାର ହେବୁ ।
ବନ୍ଧୁଗଣ,
ଭାରତର ପ୍ରାଚୀନ ସଭ୍ୟତାର ମୂଲ୍ୟବୋଧ ଆମକୁ ଶିଖାଇଛି କି ପ୍ରକୃତିରୁ ଆମେ ସେତିକି ନେବୁ ଯେତିକି ଆମର ଆବଶ୍ୟକ । ପ୍ରାକୃତିକ ସମ୍ବଳର ସମ୍ବର୍ଦ୍ଧନରେ ଆମେ ବିଶ୍ୱାସ କରୁ । ପ୍ରକୃତି ସହିତ ଆମର ତାଳମେଳ ବର୍ଷ ବର୍ଷ ଧରି ଆମ ଅସ୍ତିତ୍ୱର ବିକାଶର ପ୍ରମୁଖ ଅଂଶବିଶେଷ ଭାବେ ରହିଆସିଛି ।
ବନ୍ଧୁଗଣ,
ଯେଉଁ ଦେଶମାନଙ୍କରେ ଭାରତୀୟ ସମ୍ପ୍ରଦାୟ ରହିଛନ୍ତି, ସେଠାକାର ନେତୃବୃନ୍ଦ ଯେତବେଳେ ମୋତେ ଭେଟନ୍ତି ଭାରତୀୟମାନଙ୍କ ଶ୍ରମ, ସଚ୍ଚୋଟତା, ଅନୁଶାସନ ଏବଂ ନିଷ୍ଠାକୁ ଭରପୁର ପ୍ରଶଂସା କରନ୍ତି । ଭାରତୀୟ କମ୍ପାନୀ, ବ୍ୟବସାୟୀ ସମଗ୍ର ବିଶ୍ୱରେ ଅନେକ କ୍ଷେତ୍ରରେ ବିକାଶରେ ଯୋଗଦାନ କରିଛନ୍ତି, ସମ୍ପଦ ସୃଷ୍ଟି କରିବାର କାମ କରିଛନ୍ତି । ଏଥିସହିତ ଭାରତୀୟମାନେ ଏବଂ ଆମର କମ୍ପାନୀମାନେ ସ୍ଥାନୀୟ ସମ୍ବେଦନଶୀଳତା ଏବଂ ସଂସ୍କୃତିକୁ ସବୁବେଳେ ଆଦର କରିଛନ୍ତି । ମୋର ସମ୍ପୂର୍ଣ୍ଣ ଭରସା ରହିଛି କି ଭାରତୀୟମାନେ ବୃତ୍ତି, ପରିଶ୍ରମ, ପ୍ରତିଭା ଏବଂ ପ୍ରାଚ୍ୟ ପାଇଁ ବୃତ୍ତିଗତ କାର୍ଯ୍ୟଧାରାରେ ଦ୍ରୂତ ବିକାଶ ଆଣିବେ । ପ୍ରାଚ୍ୟ ଆର୍ଥିକ ମଞ୍ଚରେ ଭାରତର ଅଂଶଗ୍ରହଣ ନେଇ ଯେଉଁ ଉତ୍ତମ ପରିଣାମ ଆସିଛି ତାହାକୁ ଆଗକୁ ବଢ଼ାଇବା ପାଇଁ ସୁଦୂର ପ୍ରାଚ୍ୟର ସମସ୍ତ 11 ଗଭର୍ଣ୍ଣରଙ୍କୁ ଭାରତ ଆସିବା ପାଇଁ ନିମନ୍ତ୍ରଣ ପ୍ରଦାନ କରୁଛି ।
ବନ୍ଧୁଗଣ,
ମୁଁ ଏବଂ ରାଷ୍ଟ୍ରପତି ପୁତିନ ଭାରତ-ରୁଷ ସହଯୋଗ ପାଇଁ ଅଭିଳାଷାପୂର୍ଣ୍ଣ ଲକ୍ଷ୍ୟ ନିର୍ଦ୍ଧାରଣ କରିଛୁ । ଆମ ସମ୍ପର୍କରେ ଆମେ ନୂତନ ଦିଗ ଯୋଗ କରିଛୁ । ଏହାକୁ ବିବିଧତା ପ୍ରଦାନ କରିଛୁ । ସମ୍ପର୍କକୁ ସରକାରୀ କ୍ଷେତ୍ରରୁ ବାହାରକୁ ଆଣି ଘରୋଇ ଶିଳ୍ପ ମଧ୍ୟରେ ସହଯୋଗ ପର୍ଯ୍ୟନ୍ତ ପହଂଚାଇଛୁ । ଏହାକୁ ରାଜଧାନୀରୁ ବାହାର କରି ରାଜ୍ୟ ଏବଂ ଅଂଚଳ ପର୍ଯ୍ୟନ୍ତ ନେଇଯାଇଛୁ । ଆମେ ସବୁକ୍ଷେତ୍ରରେ ସହଯୋଗକୁ ଆମର ସ୍ୱତନ୍ତ୍ର ଓ ବିଶେଷ ରଣନୈତିକ ଭାଗିଦାରୀର ଢ଼ାଂଚାରେ ବୃଦ୍ଧି କରିଛୁ ତଥା ପକାଇଛୁ । ଆମେ ମିଳିତ ଭାବେ ମହାକାଶର ଦୂରତା ମଧ୍ୟ ଅତିକ୍ରମ କରିବୁ ଓ ସମୁଦ୍ରର ଗଭୀରତାରୁ ସମୃଦ୍ଧି ବାହାର କରି ଆଣିବୁ ।
ବନ୍ଧୁଗଣ,
ଭାରତ-ପ୍ରଶାନ୍ତ ମହାସାଗର ଅଂଚଳରେ ସହଯୋଗର ନୂତନ ଅଧ୍ୟାୟ ଆମେ ଆରମ୍ଭ କରିବାକୁ ଯାଉଛୁ । ଭ୍ଲାଡିଭୋଷ୍ଟକ ଓ ଚେନ୍ନାଇ ମଧ୍ୟରେ ଯେତବେଳେ ଜାହାଜ ଚାଲିବାକୁ ଆରମ୍ଭ କରିବ, ଯେତବେଳେ ଭ୍ଲାଡିଭୋଷ୍ଟକ ଉତ୍ତର ପୂର୍ବ ଏସିଆ ବଜାରରେ ଭାରତର ସ୍ପ୍ରିଙ୍ଗବୋର୍ଡର ନିର୍ମାଣ ହେବ, ସେତବେଳେ ଭାରତ-ରୁଷ ମଧ୍ୟରେ ଭାଗିଦାରିତା ଅଧିକ ଗଭୀର ହେବ, ଆହୁରି ବ୍ୟାପକ ହେବ । ସେତବେଳେ ସୁଦୂର ପ୍ରାଚ୍ୟରେ ଏକପକ୍ଷରେ ୟୁରୋସିୟନ ୟୁନିଅନ ଏବଂ ଅନ୍ୟପକ୍ଷରେ ଓପନ, ଫ୍ରି ଏବଂ ସାମଗ୍ରୀକ ଇଣ୍ଡୋ-ପ୍ୟାସିଫିକର ସଙ୍ଗମ ସୃଷ୍ଟିହେବ । ଏହି କ୍ଷେତ୍ରରେ ଆମର ସମ୍ପର୍କର ମଜଭୁତ ଆଧାର ହେବ-ନିୟମ ଆଧାରିତ ଆଦେଶ, ସାର୍ବଭୌମ୍ୟତା ଓ ଆଂଚଳିକ ସମନ୍ୱୟ ପାଇଁ ସମ୍ମାନ ଏବଂ ଆଭ୍ୟନ୍ତରୀଣ ବିଷୟରେ ଦଖଲ ।
ବନ୍ଧୁଗଣ,
ପ୍ରସିଦ୍ଧ ଦାର୍ଶନିକ ଓ ଲେଖକ ଟଲଷ୍ଟୟ ଭାରତର ବେଦରେ ଥିବା ଅପାର ଜ୍ଞାନ ଦ୍ୱାରା ଅନେକ ପ୍ରଭାବିତ ଥିଲେ ଏବଂ ଏହି ବେଦବାକ୍ୟ ତ ତାଙ୍କୁ ବହୁତ ପସନ୍ଦ ଥିଲା । ଏକମ ସତ ବିପ୍ରଃ ବହୁଧା ବଦନ୍ତି । ସେ ନିଜ ଶବ୍ଦରେ ଏହାକୁ ଏପରି କହିଥିଲେ-
ଯାହା ସବୁ ରହିଛି ତାହା ଏକ । ଜନସାଧାରଣ ଏହି ଏକକୁ ବିବିଧ ନାମରେ ଡାକିଥା’ନ୍ତି ।
ଚଳିତ ବର୍ଷ ସମଗ୍ର ବିଶ୍ୱ ମହାତ୍ମା ଗାନ୍ଧୀଙ୍କ 150ତମ ଜନ୍ମଜୟନ୍ତୀ ପାଳନ କରୁଛି । ଟଲଷ୍ଟୟ ଓ ଗାନ୍ଧୀ ପରସ୍ପର ଉପରେ ଗଭୀର ପ୍ରଭାବ ଛାଡିଥିଲେ । ଆସନ୍ତୁ ଭାରତ ଓ ରୁଷ ମଧ୍ୟରେ ପ୍ରେରଣାର ଏହି ଭାଗିଦାରୀକୁ ଆହୁରି ଅଧିକ ମଜଭୁତ କରିବା । ପରସ୍ପରର ଉନ୍ନତିରେ ଆହୁରି ଅଧିକ ଭାଗିଦାର ହେବା । ପରସ୍ପରର ଆବଂଟିତ ପରିକଳ୍ପନା ଏବଂ ବିଶ୍ୱକୁ ସ୍ଥିର ଏବଂ ସୁରକ୍ଷିତ କରିବା ପାଇଁ ଆଗାମୀ ଭବିଷ୍ୟତ ଦିଗରେ ମିଳିତ ଭାବେ କାମ କରିବା । ଏହାଫଳରେ ଆମ ଭାଗିଦାରୀ କ୍ଷେତ୍ରରେ ଏକ ନୂତନ ଅଧ୍ୟାୟ ସୃଷ୍ଟି ହେବ । ମୁଁ ଯେତେବେଳେ ରୁଷ ଆସେ ସେତେବେଳେ ଏଠାରେ ଭାରତ ପାଇଁ ପ୍ରେମ, ମୈତ୍ରୀଭାବ ଓ ସମ୍ମାନ ଦେଖିଛି । ଆଜି ମଧ୍ୟ ସେହି ଭାବନାର ଅମୂଲ୍ୟ ଉପହାର ଓ ଗଭୀର ସହଯୋଗର ସଂକଳ୍ପ ଏଠାରୁ ନେଇକରି ଯାଉଛି । ମୁଁ ମୋର ମିତ୍ର ରାଷ୍ଟ୍ରପତି ପୁତିନଙ୍କୁ ବିଶେଷ ଧନ୍ୟବାଦ ପ୍ରଦାନ କରିବାକୁ ଚାହିଁବି । ଆମେ ଯେତେବେଳେ ବି ପରସ୍ପରକୁ ଭେଟୁ ତେବେ ଖୋଲା ହୃଦୟରେ ଅନେକ ସମୟ ନେଇ ମିଶୁ । ଗତକାଲି ତାଙ୍କର ସମସ୍ତ କାର୍ଯ୍ୟବ୍ୟସ୍ତତା ସତ୍ୱେ ମୋ ସହିତ ଭିନ୍ନ ଭିନ୍ନ ସ୍ଥାନମାନଙ୍କରେ କେତେ ଘଣ୍ଟା ବିତାଇଥିଲେ ଏବଂ ରାତି ଗୋଟାଏ ପର୍ଯ୍ୟନ୍ତ ଆମେ ଏକା ସାଙ୍ଗରେ ରହିଥିଲୁ । କେବଳ ମୋ ପାଇଁ ନୁହେଁ ବରଂ ଭାରତ ପ୍ରତି ତାଙ୍କ ମନରେ ଯେଉଁ ପ୍ରେମ ଅଛି ତାହା ସେଥିରେ ଝଲକୁଥିଲା । ମୋତେ ଏଠାକାର ଓ ଭାରତର ଆଉ ଏକ ସାଂସ୍କୃତିକ ସମାନତା ଦେଖାଯାଉଛି । ମୋର ଘରୋଇ ରାଜ୍ୟ ଗୁଜୁରାଟରେ ବାଏ-ବାଏ ସ୍ଥାନରେ ବାଏ-ବାଏ କହନ୍ତି ନାହିଁ, ବାଏ-ବାଏ ସ୍ଥାନରେ ଆବଜୋ କହିଥା’ନ୍ତି ଯାହାର ଅର୍ଥ ହେଉଛି-ଆପଣ ପୁଣି ଶୀଘ୍ର ଆସନ୍ତୁ । ଏଠାରେ କହନ୍ତି-ଦାସଭିଦାନିଆ ।
ତେଣୁ ମୁଁ ସମସ୍ତଙ୍କୁ କହେ-ଆବଜୋ, ଦାସଭିଦାନିଆ,
ଅନେକ-ଅନେକ ଧନ୍ୟବାଦ !
ସ୍ପାସିବୋ ବୋଲଶୋଇ !
Honoured to be addressing the Eastern Economic Forum, says PM @narendramodi. pic.twitter.com/45aNYb3LsU
— PMO India (@PMOIndia) September 5, 2019
Was in St. Petersburg two years ago and here I am today in Vladivostok. In a way, it’s been a trans-Siberian journey for me as well. pic.twitter.com/rYXzFzOCgL
— PMO India (@PMOIndia) September 5, 2019
PM @narendramodi pays tributes to the hard work and courage of those living in Russia’s Far East. pic.twitter.com/nQhAeR1o3p
— PMO India (@PMOIndia) September 5, 2019
Got a glimpse of the culture of Russia’s Far East last evening, says PM @narendramodi at the Eastern Economic Forum. pic.twitter.com/BxMRWC3Wnp
— PMO India (@PMOIndia) September 5, 2019
India and Russia’s Far East have enjoyed close ties for ages. pic.twitter.com/wfM3IKyUCX
— PMO India (@PMOIndia) September 5, 2019
At the Eastern Economic Forum, PM @narendramodi appreciates the vision of President Putin for the welfare for Russia’s Far East. pic.twitter.com/tNMOMpmxpc
— PMO India (@PMOIndia) September 5, 2019
PM @narendramodi emphasises on India’s commitment to become a five trillion dollar economy. pic.twitter.com/wCCtVT9Tyd
— PMO India (@PMOIndia) September 5, 2019
India is a proud and active participant in the various activities of the Eastern Economic Forum. Participation has come from top levels of government and industry. pic.twitter.com/svMGc9qf15
— PMO India (@PMOIndia) September 5, 2019
A landmark announcement made by PM @narendramodi that will further India’s cooperation with regions of friendly nations. pic.twitter.com/1hfxCvwQoV
— PMO India (@PMOIndia) September 5, 2019
At the core of Indian culture is to live in harmony with nature. pic.twitter.com/X4ig5bgsmH
— PMO India (@PMOIndia) September 5, 2019
India is proud of the achievements of the Indian diaspora. I am sure here in the Russian Far East too the Indian diaspora will make an active contribution towards the region’s progress. pic.twitter.com/8b3T29EKJX
— PMO India (@PMOIndia) September 5, 2019
India and Russia friendship isn’t restricted to governmental interactions in capital cities. This is about people and close business relations. pic.twitter.com/CLC56SbuX3
— PMO India (@PMOIndia) September 5, 2019
India and Russia friendship isn’t restricted to governmental interactions in capital cities. This is about people and close business relations. pic.twitter.com/CLC56SbuX3
— PMO India (@PMOIndia) September 5, 2019
Let us deepen the bond between India and Russia even further, says PM @narendramodi. pic.twitter.com/3kRC0D7Sw6
— PMO India (@PMOIndia) September 5, 2019
In Russia, I have always experienced warm hospitality and friendship.
— PMO India (@PMOIndia) September 5, 2019
Whenever President Putin and me meet, we do so in a very informal atmosphere. Our discussions are also extensive. pic.twitter.com/IBNkHJzrPo
India and Russia friendship isn’t restricted to governmental interactions in capital cities. This is about people and close business relations. pic.twitter.com/jetGLoiomX
— PMO India (@PMOIndia) September 5, 2019
