ଐତିହାସିକ ପର୍ତ୍ତୁଗାଲ ଗସ୍ତ ଯାଇ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଲିସବନଠାରେ ଭାରତୀୟ ସମୁଦାୟଙ୍କୁ ଭେଟିବା ସହ ସେମାନଙ୍କ ସହ ଭାବ ବିନିମୟ କରିଛନ୍ତି । ଏହି ଅବସରରେ ସେ ଭାରତୀୟ ବଂଶୋଦ୍ଭବମାନଙ୍କୁ ଉଦବୋଧନ ଦେଇ ଭାରତ - ପର୍ତ୍ତୁଗାଲ ସହଭାଗୀତାର ବିଭିନ୍ନ ପ୍ରସଙ୍ଗ ଉପରେ ଗୁରୁତ୍ୱ ଆରୋପ କରିଛନ୍ତି ।
ପର୍ତ୍ତୁଗାଲ ଗସ୍ତକାଳରେ ଶ୍ରୀ ମୋଦୀ ସେ ଦେଶର ପୂର୍ବତନ ପ୍ରଧାନମନ୍ତ୍ରୀ ଆଣ୍ଟୋନିଓ ଗୁଏଟେରେସଙ୍କୁ ସାକ୍ଷାତ କରିଛନ୍ତି । ପ୍ରଧାନମନ୍ତ୍ରୀ ଏହି ଅବସରରେ ଯୋଗ ଏବଂ ସାମଗ୍ରୀକ ସ୍ୱାସ୍ଥ୍ୟସେବା ପ୍ରସଙ୍ଗରେ ଉଲ୍ଲେଖ କରିବା ସହ ଯୋଗର ବାର୍ତ୍ତା ପ୍ରଚାର ଏବଂ ପ୍ରସାର ଦିଗରେ ପର୍ତ୍ତୁଗାଲର ଭୂମିକାକୁ ପ୍ରଶଂସା କରିଥିଲେ ।
ପ୍ରଧାନମନ୍ତ୍ରୀ କହିଲେ ଯେ ଭାରତ ଏବେ ବିଶ୍ୱର ଦ୍ରୁତଗାମୀ ସମୃଦ୍ଧିଶୀଳ ଅର୍ଥବ୍ୟବସ୍ଥାରେ ପରିଣତ ହୋଇଛି । ଇସ୍ରୋ ବୈଜ୍ଞାନିକମାନଙ୍କ ସଫଳତାକୁ ପ୍ରଶଂସା କରି ଶ୍ରୀ ମୋଦୀ କହିଛନ୍ତି ଯେ ମହାକାଶ ବିଜ୍ଞାନ କ୍ଷେତ୍ରରେ ଆମ ବୈଜ୍ଞାନିକମାନେ ମହାନ କାର୍ଯ୍ୟ କରିଦେଖାଇଛନ୍ତି । ନିକଟରେ ସେମାନେ 30 ଟି ନାନୋ ଉପଗ୍ରହକୁ ମହାଶୂନ୍ୟକୁ ପଠାଇବାରେ ସଫଳ ହୋଇଛନ୍ତି ।
ପୂର୍ବରୁ ଶ୍ରୀ ମୋଦୀ ପର୍ତ୍ତୁଗାଲରେ ସମ୍ପ୍ରତି ସଂଘଟିତ ଭୟଙ୍କର ଜଙ୍ଗଲପୋଡିରେ ଧନଜୀବନହାନି ଘଟଣାରେ ଗଭୀର ଦୁଃଖ ପ୍ରକଟ କରିଥିଲେ । ପ୍ରଧାନମନ୍ତ୍ରୀ ଶ୍ରୀ ମୋଦୀ ତାଙ୍କର ଏହି ଗସ୍ତ କାଳରେ ପର୍ତ୍ତୁଗାଲ ପ୍ରଧାନମନ୍ତ୍ରୀ ଆଣ୍ଟୋନିଓ କୋଷ୍ଟାଙ୍କୁ ଦରିଆପାରି ଭାରତୀୟ କାର୍ଡ ପ୍ରଦାନ କରିଛନ୍ତି ।
