ତୁର୍କୀ ଗଣରାଜ୍ୟର ରାଷ୍ଟ୍ରପତି ମହାମହିମ ରିସେପ୍ ତାୟିପ୍ ଏର୍ଦୋଗାନ
ସମ୍ମାନନୀୟ ମନ୍ତ୍ରୀଗଣ,
ତୁର୍କୀ ପ୍ରତିନିଧି ଦଳର ସଦସ୍ୟ,
ଭାରତୀୟ ବ୍ୟବସାୟ ଗୋଷ୍ଠୀର ବନ୍ଧୁଗଣ
ଭାଇ ଓ ଭଉଣୀମାନେ!
ଆଜିର ସମାରୋହରେ ଅଗ୍ରଣୀ ବ୍ୟବସାୟୀଗଣଙ୍କ ସହ ଆଲୋଚନା କରିବାର ସୁଯୋଗ ପାଇଁ ମୁଁ ଆନନ୍ଦିତ । ଏଠାରେ ଉପସ୍ଥିତ ରାଷ୍ଟ୍ରପତି ଏର୍ଦୋଗାନ ଏବଂ ତୁର୍କୀ ବନ୍ଧୁଗଣଙ୍କୁ ମୁଁ ସାଦର ସ୍ୱାଗତ ଜଣାଉଛି । ରାଷ୍ଟ୍ରପତି ଏର୍ଦୋଗାନଙ୍କ ସହ ବହୁସଂଖ୍ୟାରେ ବ୍ୟବସାୟୀ ପ୍ରତିନିଧି ଆସିବା ଖୁସିର କଥା । ଏଠାରେ ଅଂଶଗ୍ରହଣ କରିଥିବା ଭାରତୀୟ ବ୍ୟବସାୟୀ ନେତୃବୃନ୍ଦଙ୍କୁ ଦେଖି ମଧ୍ୟ ମୁଁ ଆନନ୍ଦିତ ।
ବନ୍ଧୁଗଣ, ଭାରତ ଓ ତୁର୍କୀ ମଧ୍ୟରେ ଐତିହାସିକ ଏବଂ ସାଂସ୍କୃତିକ ସମ୍ପର୍କ ରହିଛି । ଆଧୁନିକ ବିଶ୍ୱ ଅର୍ଥନୀତିରେ ଆମର ସମାନ ଧାରଣା ରହିଛି ।
ବର୍ତ୍ତମାନ, ପ୍ରତ୍ୟେକ ଦ୍ୱିପାକ୍ଷିକ ସମ୍ପର୍କରେ ଅର୍ଥର୍ନୈତିକ ସହଯୋଗ ଗୁରୁତ୍ୱପୂର୍ଣ୍ଣ ହୋଇପଡ଼ିଛି । ଭାରତ ଏବଂ ତୁର୍କୀ ମଧ୍ୟରେ ଭଲ ବ୍ୟବସାୟିକ ସମ୍ପର୍କ ରହିଛି । ଆମ ଭିତରେ ବର୍ଷ ବର୍ଷ ଧରି ରହିଆସିଥିବା ଦ୍ୱିପାକ୍ଷିକ ବାଣିଜ୍ୟ ଅଗ୍ରଗତି ପ୍ରଶଂସନୀୟ ରହିଆସିଛି । ରାଷ୍ଟ୍ରପତି ଏର୍ଦୋଗାନ୍ ଗତ ଥର ଭାରତ ଗସ୍ତରେ ଆସିବା ପରେ ଦ୍ୱିପାକ୍ଷିକ ବାଣିଜ୍ୟରେ ଉଲ୍ଲେଖନୀୟ ଅଗ୍ରଗତି ଘଟିଛି । ଏହା ୨୦୦୮ରେ ୨.୮ ବିଲିୟନ ଆମେରିକୀୟ ଡଲାରରୁ ବୃଦ୍ଧି ପାଇ ୨୦୧୬ରେ ୬.୪ ବିଲିୟନ ଡଲାରରେ ପହଂଚିଛି । ଏହା ଉତ୍ସାହଜନକ ହୋଇଥିଲେ ବି ବାସ୍ତବ ସମ୍ଭାବନା ତୁଳନାରେ ବର୍ତ୍ତମାନର ଅର୍ଥନୈତିକ ଏବଂ ବାଣିଜ୍ୟିକ ସମ୍ପର୍କ ସେହିସ୍ତରକୁ ଯାଇପାରିନାହିଁ ।
ବନ୍ଧୁଗଣ!
ଭାରତ ଏବଂ ତୁର୍କୀ ବିଶ୍ୱର ୨୦ଟି ବୃହତ ଅର୍ଥନୀତି ମଧ୍ୟରୁ ଅନ୍ୟତମ । ଗୁରୁତ୍ୱପୂର୍ଣ୍ଣ କଥା ହେଉଛି, ବିଶ୍ୱ ଅର୍ଥନୀତି ଅସ୍ଥିର ରହିଥିଲେ ହେଁ ଏହି ଦୁଇ ଅର୍ଥନୀତି ଉଲ୍ଲେଖନୀୟ ସ୍ଥିରତା ପ୍ରଦର୍ଶନ କରିଛନ୍ତି । ଆମର ଅର୍ଥନୀତି ଦୃଢ଼ ମୂଳଦୁଆ ଉପରେ ଆଧାରିତ ଏବଂ ଏହି କାରଣ ପାଇଁ ଆମ ଅର୍ଥନୀତିର ଅଭିବୃଦ୍ଧି ନେଇ ଆମେ ଆଶାବାଦୀ ।
ଦୁଇ ଦେଶର ଲୋକମାନଙ୍କ ମନରେ ପରସ୍ପର ପ୍ରତି ଭଲ ସଦ୍ଭାବ ରହିଛି । ଆମେ ରାଜନୈତିକ ସମ୍ପର୍କ ସୁଦୃଢ଼ କରିବା ଦିଗରେ କାର୍ଯ୍ୟ କରୁଥିବାରୁ ଅର୍ଥନୈତିକ ସମ୍ପର୍କକୁ ଆହୁରି ଗଭୀର କରିବା ଦିଗରେ ଅଧିକ ଉତ୍ସାହଜନକ ପଦକ୍ଷେପ ନେବାରେ ସହାୟକ ହେବ । ପରସ୍ପର ସହ ବ୍ୟବସାୟ କରିବାରେ ଆମର ଏକ ଲମ୍ବା ଇତିହାସ ରହିଛି । ଆମକୁ ଏକ ସମୃଦ୍ଧ ଐତିହ୍ୟ ନିର୍ମାଣ କରିବାକୁ ହେବ ।
ଦ୍ୱିପାକ୍ଷିକ ସମ୍ପର୍କକୁ ବଢ଼ାଇବା ଲାଗି ଅନେକ ସମ୍ଭାବନା ଏବଂ ସୁଯୋଗ ରହିଛି । ଏହା ବ୍ୟବସାୟୀ ଏବଂ ଏଫଡିଆଇ ଆଗମନ, ଟେକ୍ନୋଲୋଜି ହସ୍ତାନ୍ତରଣ ଏବଂ ବିଭିନ୍ନ ପ୍ରକଳ୍ପ ପାଇଁ ସହଯୋଗ ଦ୍ୱାରା ସମ୍ଭବ ହୋଇପାରିବ । ଗତ କିଛି ବର୍ଷ ମଧ୍ୟରେ ଏଫଡିଆଇ ରୁଟ୍ ଏବଂ ଭାରତୀୟ ବ୍ଲୁ-ଚିପ୍ କମ୍ପାନୀରେ ନିବେଶ ମାଧ୍ୟମରେ ଏହା ସମ୍ଭବ ହୋଇପାରିଛି । ଆଜିର ଜ୍ଞାନ ଆଧାରିତ ଅର୍ଥନୀତି ନିରନ୍ତର ଭାବେ ନୂଆ ନୂଆ କ୍ଷେତ୍ର ଉନ୍ମୁକ୍ତ କରୁଛି । ଆମେ ଆମର ଅର୍ଥନୈତିକ ଓ ବାଣିଜ୍ୟିକ ସମ୍ପର୍କରେ ଏଥିପ୍ରତି ଦୃଷ୍ଟି ଦେବା ଆବଶ୍ୟକ ।
ଆପଣମାନେ ଦେଖିପାରିବେ ଯେ ଉଭୟ ଦେଶର ସରକାର ବ୍ୟବସାୟ-ସହଯୋଗୀ ବାତାବରଣ ସୃଷ୍ଟି କରିବା ଦିଗରେ ସମର୍ପିତ । ତେବେ ଆପଣମାନଙ୍କ ଭଳି ବ୍ୟବସାୟୀ ନେତୃମଣ୍ଡଳୀ ଦୁଇ ଦେଶର ଆପୋଷ ଉନ୍ନତି ପାଇଁ ଜାତୀୟ ଲକ୍ଷ୍ୟକୁ ବାସ୍ତବ ରୂପ ଦେଇପାରିବେ ।
ବନ୍ଧୁଗଣ!
ଭାରତୀୟ ରାଜନୈତିକ ବ୍ୟବସ୍ଥା ଏହାର ବିବିଧ, ଉନ୍ମୁକ୍ତ ଏବଂ ଗଣତାନ୍ତ୍ରିକ ସହଭାଗୀତା ପାଇଁ ପରିଚିତ । ସ୍ଥିର ରାଜନୈତିକ ଏବଂ
ପ୍ରଶାସନିକ ପ୍ରକ୍ରିୟା ଏବଂ ଆଇନର ଶାସନ ଆମ ବ୍ୟବସ୍ଥାର ପ୍ରମାଣଚିହ୍ନ । କୌଣସି ଦୀର୍ଘସ୍ଥାୟୀ ଅର୍ଥନୈତିକ ସମ୍ପର୍କ ଲାଗି ଏଗୁଡ଼ିକ ଗୁରୁତ୍ୱପୂର୍ଣ୍ଣ ଉପାଦାନ ।
ମୋ ସରକାର ତିନି ବର୍ଷ ପୂର୍ବେ ଠିକ୍ ଏହି ମାସରେ କ୍ଷମତାକୁ ଆସିଥିଲା । ସେବେଠାରୁ ଅର୍ଥନୈତିକ ଏବଂ ପ୍ରଶାସନିକ ବ୍ୟବସ୍ଥାରେ ସଂସ୍କାର ଆଣିବା ଲାଗି ଆମେ ଅନେକ ପଦକ୍ଷେପ ନେଇଛୁ । ଡିଜିଟାଲ୍ ଇଣ୍ଡିଆ, ମେକ୍ ଇନ୍ ଇଣ୍ଡିଆ, ଷ୍ଟାର୍ଟ ଅପ୍ ଇଣ୍ଡିଆ ଭଳି ଆମେ କେତେକ ଫ୍ଲାଗସିପ କାର୍ଯ୍ୟକ୍ରମ ହାତକୁ ନେଇଛୁ । ଭାରତୀୟ ଅର୍ଥନୀତିର ସୁଧାର ମାଧ୍ୟମରେ ଏସବୁ ପଦକ୍ଷେପର ସୁଫଳ ମିଳିଛି । ବର୍ତମାନ ଭାରତୀୟ ଅର୍ଥନୀତି ବିଶ୍ୱର ସବୁଠୁ ଅଭିବୃଦ୍ଧିଶୀଳ ଅର୍ଥନୀତି ହୋଇପାରିଛି । ଏହି ଅଭିବୃଦ୍ଧି ବଜାୟ ରଖିବା ଲାଗି ଆମେ ପ୍ରଶାସନିକ ବ୍ୟବସ୍ଥା ଭିତରେ ଥିବା ଅଦକ୍ଷତା ଦୂର କରିବା ଲାଗି ଲକ୍ଷ୍ୟ ରଖିଛୁ । ଆମେ ନୂତନ ଭାରତ ଗଠନ ପ୍ରକ୍ରିୟାରେ ରହିଛୁ । ତେଣୁ କାର୍ଯ୍ୟ ପ୍ରକ୍ରିୟାକୁ ସହଜ କରିବା ପାଇଁ, ବିଶେଷ କରି ବ୍ୟବସାୟ ନିମନ୍ତେ, ଆମେ ଲକ୍ଷ୍ୟ ରଖିଛୁ । ନୀତି, ପ୍ରକ୍ରିୟା ଏବଂ ପଦ୍ଧତିରେ ସଂସ୍କାର ଅଣାଯିବ । ଘରୋଇ ଏବଂ ବୈଦେଶିକ ନିବେଶ ପାଇଁ ସୁଯୋଗ ସୃଷ୍ଟି କରାଯିବ ।
ଏ କ୍ଷେତ୍ରରେ ଆମେ ଅନେକ ସଫଳତା ଏବଂ ଗ୍ରହଣୀୟତା ହାସଲ କରିଛୁ । ଆମର ବିଶ୍ୱ ରାଙ୍କିଙ୍ଗ ଅନେକ ପାରାମିଟରରେ ଉପରକୁ ଉଠିଛି । ତେବେ ଏହା ଏକ ନିରନ୍ତର ପ୍ରକ୍ରିୟା ।
ଲୋକମାନଙ୍କୁ ସେମାନଙ୍କ ସମ୍ଭାବନା ସହ ପରିଚୟ କରାଇବା ଲାଗି ଭାରତକୁ ଏକ ଶ୍ରେଷ୍ଠ ସ୍ଥାନରେ ପରିଣତ କରିବା ଆମର ଲକ୍ଷ୍ୟ । ଆମର ଯୁବକମାନଙ୍କ ନିମନ୍ତେ ନିଯୁକ୍ତି ଏବଂ ଆତ୍ମନିଯୁକ୍ତି ସୁଯୋଗ ସୃଷ୍ଟି କରିବାର ଆବଶ୍ୟକତା ରହିଛି । ନିକଟରେ ପ୍ରଣିତ ହୋଇଥିବା ଜିଏସଟି ଅଧ୍ୟାଦେଶ ମୋ ସରକାରର ସେପରି ଏକ ପଦକ୍ଷେପ । ଦେଶରେ ଏକ ବ୍ୟବସ୍ଥିତ ଏବଂ ଦକ୍ଷ ବ୍ୟବସାୟ ପରିବେଶ ସୃଷ୍ଟି କରିବା ଲାଗି ବହୁଦିନରୁ ଦାବି ହୋଇ ଆସୁଥିଲା ।
ମୁଁ ଜାଣିଛି ଯେ ତୁର୍କୀର ନିର୍ମାଣ କମ୍ପାନୀଗୁଡ଼ିକ ବିଭିନ୍ନ ଦେଶରେ ବହୁ ସଂଖ୍ୟାରେ ନିର୍ମାଣ ଏବଂ ଭିତ୍ତିଭୂମି ପ୍ରକଳ୍ପଗୁଡ଼ିକୁ ସଫଳତାପୂର୍ବକ କାର୍ଯ୍ୟକାରୀ କରିଛନ୍ତି । ଆମର ଭିତ୍ତିଭୂମି ଆବଶ୍ୟକତା ବ୍ୟାପକ, ଏଥିରେ ମୌଳିକ, ସାମାଜିକ ଓ ଶିଳ୍ପ ଭିତ୍ତିଭୂମି ରହିଛି । ଆମେ ସୁଦୃଢ଼ ଏବଂ ଦ୍ରୁତ ନିର୍ମାଣ ଚାହୁଁ । ତୁର୍କୀ କମ୍ପାନୀଗୁଡ଼ିକ ସହଜରେ ଏହି କାର୍ଯ୍ୟ କରିପାରିବେ । ମୁଁ ଆପଣଙ୍କୁ କେତେକ ଉଦାହରଣ ଦେବାକୁ ଚାହୁଁଛି :
୨୦୨୨ ସୁଦ୍ଧା ଆମେ ୫୦ ନିୟୁତ ଗୃହ ନିର୍ମାଣ କରିବାକୁ ଯୋଜନା କରିଛୁ । ଏହି କାରଣରୁ ଆମେ ବାରମ୍ବାର ନିର୍ମାଣ କ୍ଷେତ୍ରରେ ଏଫଡିଆଇ ନୀତିରେ ପରିବର୍ତନ ଆଣୁଛୁ ।
ଆମେ ୫୦ଟି ସହରରେ ମେଟ୍ରୋ ରେଳ ପ୍ରକଳ୍ପ ଯୋଜନା କରିଛୁ ଏବଂ ବିଭିନ୍ନ ଜାତୀୟ କରିଡରରେ ହାଇ ସ୍ପିଡ୍ ରେଳ ଚଳାଚଳ କରିବା ଲାଗି ମଧ୍ୟ ଯୋଜନା ରହିଛି ।
ଆସନ୍ତା କିଛିବର୍ଷ ମଧ୍ୟରେ ଆମେ ୧୭୫ ଜିଗାହର୍ଜ ନବୀକରଣଯୋଗ୍ୟ ଶକ୍ତି ଉତ୍ପାଦନ ପାଇଁ ଲକ୍ଷ୍ୟ ରଖିଛୁ ।
ବିଦ୍ୟୁତ ଉତ୍ପାଦନ ବ୍ୟତୀତ ପ୍ରସାରଣ, ସଂରକ୍ଷଣ ଏବଂ ଆବଣ୍ଟନ ମଧ୍ୟ ଆମ ପାଇଁ ଗୁରୁତ୍ୱପୂର୍ଣ୍ଣ ।
ଆମେ ରେଳବାଇର ଆଧୁନିକୀକରଣ ଏବଂ ହାଇୱେର ଉନ୍ନତିକରଣ କରୁଛୁ । ଗତ ତିନି ବର୍ଷ ମଧ୍ୟରେ ଏହି ଦୁଇ କ୍ଷେତ୍ରକୁ ଆମେ ସର୍ବାଧିକ ପାଣ୍ଠି ଯୋଗାଣ କରିଛୁ ।
ଆମେ ମହତ୍ୱାକାଂକ୍ଷୀ ସାଗରମାଳା ଯୋଜନା ମାଧ୍ୟମରେ ନୂଆ ବନ୍ଦର ନିର୍ମାଣ କରୁଛୁ ଏବଂ ପୁରୁଣାଗୁଡ଼ିକର ଆଧୁନିକୀକରଣ କରୁଛୁ ।
ଅର୍ଥନୈତିକ ଏବଂ ପର୍ଯ୍ୟଟନ ଦୃଷ୍ଟିରୁ ଗୁରୁତ୍ୱବହନ କରୁଥିବା ଅଞ୍ଚଳ ସହ ବିମାନ ଯୋଗାଯୋଗ ବ୍ୟବସ୍ଥାର ଉନ୍ନତି ପାଇଁ ଆମେ ନୂଆ ବିମାନବନ୍ଦର ନିର୍ମାଣ କରୁଛୁ ଏବଂ ପୁରୁଣାଗୁଡ଼ିକର ଉନ୍ନତିକରଣ କରୁଛୁ ।
ତୁର୍କୀ ପର୍ଯ୍ୟଟନ କ୍ଷେତ୍ର ବିଶ୍ୱପ୍ରସିଦ୍ଧ । ଗତ କିଛିବର୍ଷ ମଧ୍ୟରେ ତୁର୍କୀକୁ ଯାଉଥିବା ଭାରତୀୟ ପର୍ଯ୍ୟଟକଙ୍କ ସଂଖ୍ୟାରେ ବୃଦ୍ଧି ଘଟିଛି ।
ଭାରତୀୟ ଚଳଚ୍ଚିତ୍ର ଏବଂ ଟିଭି ଇଣ୍ଡଷ୍ଟ୍ରି ପାଇଁ ତୁର୍କୀ ଏକ ଲୋକପ୍ରିୟ ଶୁଟିଂ ସ୍ଥଳରେ ପରିଣତ ହୋଇଛି । ଆମେ ଦ୍ୱିପାକ୍ଷିକ ପର୍ଯ୍ୟଟନକୁ ପ୍ରୋତ୍ସାହିତ କରିବା ଉଚିତ୍, ଏହି କ୍ଷେତ୍ରରେ ଥିବା ସମ୍ଭାବନାକୁ ଚଳଚ୍ଚିତ୍ର ଇଣ୍ଡଷ୍ଟ୍ରି ଆଗକୁ ଆଣିବା ଦରକାର । ଆମର ସମୃଦ୍ଧି ଆଞ୍ଚଳିକ ଚଳଚ୍ଚିତ୍ର ଇଣ୍ଡଷ୍ଟ୍ରିଗୁଡ଼ିକରେ ପହଂଚିବା ଆବଶ୍ୟକ ।
ଆମେ ସଚେତନ ଯେ ଉଭୟ ଭାରତ ଏବଂ ତୁର୍କୀ ଶକ୍ତି ନିଅଣ୍ଟିଆ ରାଷ୍ଟ୍ର, ଆମର ଶକ୍ତି ଆବଶ୍ୟକତା ନିରନ୍ତର ବଢ଼ିଚାଲିଛି । ଉଭୟ ରାଷ୍ଟ୍ରର ଶକ୍ତି ଆବଶ୍ୟକତା ପାଇଁ ହାଇଡ୍ରୋକାର୍ବନ କ୍ଷେତ୍ର ଗୁରୁତ୍ୱପୂର୍ଣ୍ଣ । ସୌର ଏବଂ ବାୟୁ ଶକ୍ତି ମଧ୍ୟ ଗୁରୁତ୍ୱପୂର୍ଣ୍ଣ ।
ଏହି କାରଣରୁ ଶକ୍ତି କ୍ଷେତ୍ର ଆମର ଦ୍ୱିପାକ୍ଷିକ ସମ୍ପର୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ । ଖଣି ଏବଂ ଖାଦ୍ୟ ପ୍ରକ୍ରିୟାକରଣ କ୍ଷେତ୍ରରେ ମଧ୍ୟ ଅନେକ ସମ୍ଭାବନା ରହିଛି । ଆମେ ବସ୍ତ୍ର ଏବଂ ଅଟୋ କ୍ଷେତ୍ରରେ ନିଜ ସାମର୍ଥ୍ୟର ମଧ୍ୟ ଉପଯୋଗ କରିବା ଉଚିତ । ତୁର୍କୀରେ ଏକ ସୁଦୃଢ଼ ବିନିର୍ମାଣ କ୍ଷେତ୍ର ରହିଛି ଏବଂ ଭାରତ ଏକ ଶସ୍ତା ବିନିର୍ମାଣ ବଜାର । ମୂଲ୍ୟ ବ୍ୟତୀତ ଆମ ପାଖରେ ବିଶାଳ କୁଶଳୀ ଏବଂ ଅର୍ଦ୍ଧକୁଶଳୀ ଶ୍ରମ ଶକ୍ତି ରହିଛି ଏବଂ ଆମର ଆରଆଣ୍ଡଡି ଦକ୍ଷତା ମଧ୍ୟ ସୁଦୃଢ଼ ।
ମୁଁ ଖୁସି ଯେ ଅର୍ଥନୈତିକ ଏବଂ ବୈଷୟିକ ସହଯୋଗ ଲାଗି ଭାରତ-ତୁର୍କୀ ଯୁଗ୍ମ କମିଟି ଭଲ ଭାବେ କାମ କରୁଛି ।
କମିଟି ଏହାର ପରବର୍ତୀ ବୈଠକରେ ଦ୍ୱିପାକ୍ଷିକ ବାଣିଜ୍ୟ ଏବଂ ନିବେଶକୁ ପ୍ରୋତ୍ସାହନ ଲାଗି ନିଆଯାଇଥିବା ପଦକ୍ଷେପ ସମୀକ୍ଷା କରିବ ।
ସମାନଭାବେ, ମୁଁ ଉଭୟପକ୍ଷର କମର୍ସ ଆଣ୍ଡ ଇଣ୍ଡଷ୍ଟ୍ରି ଚାମ୍ବରକୁ ପରସ୍ପର ସହ ସକ୍ରିୟ ଭାବେ କାର୍ଯ୍ୟ କରିବା ଲାଗି ଆହ୍ୱାନ ଜଣାଉଛି । ଉଭୟ ସରକାର ବିଭିନ୍ନ ସ୍ତରରେ ନିକଟତର ହୋଇ କାର୍ଯ୍ୟ କରିବା ଆବଶ୍ୟକ ।
ଆଜିର କାର୍ଯ୍ୟକ୍ରମରେ ଭାଗ ନେଇଥିବାରୁ ମୁଁ ରାଷ୍ଟ୍ରପତି ଏର୍ଦୋଗାନ, ପ୍ରତିନିଧି ଦଳର ସଦସ୍ୟ ଏବଂ ଇଣ୍ଡୋ-ତୁର୍କୀ ବ୍ୟବସାୟ ଚାମ୍ବରର ସଦସ୍ୟମାନଙ୍କୁ ଧନ୍ୟବାଦ ଜଣାଇବାକୁ ଚାହୁଁଛି । ଭାରତ ଏବଂ ତୁର୍କୀ ବ୍ୟବସାୟୀ ଗୋଷ୍ଠୀକୁ ମିଶାଇବା ଲାଗି ଏହା ଏକ ଚମତ୍କାର ଅବସର ଥିଲା ।
ବନ୍ଧୁଗଣ!
ଆମ ଲୋକମାନଙ୍କ କଲ୍ୟାଣ ପାଇଁ ଆମର ଅର୍ଥନୈତିକ କାର୍ଯ୍ୟକ୍ରମର ପରିସର ବୃଦ୍ଧି ଲାଗି ଆସନ୍ତୁ ଆମେ ମିଳିମିଶି କାର୍ଯ୍ୟ କରିବା ।
ମୁଁ ଆତ୍ମବିଶ୍ୱାସର ସହିତ କହିପାରେ ଯେ ଆଜି ଭାରତରେ ଯେତେ ସମ୍ଭାବନା ସୃଷ୍ଟି ହୋଇଛି ତାହା ପୂର୍ବରୁ ନଥିଲା ।
ଏହାକୁ ଆହୁରି ଭଲ କରିବା ଲାଗି ମୋର ବ୍ୟକ୍ତିଗତ ପ୍ରଯତ୍ନ ଏବଂ ସହଯୋଗ ଲାଗି ମୁଁ ପ୍ରତିଶ୍ରୁତି ଦେଉଛି ।
ଧନ୍ୟବାଦ!
India and Turkey enjoy good economic ties: PM @narendramodi
— PMO India (@PMOIndia) May 1, 2017
While this is encouraging, the level of present economic and commercial relations is not enough against the real potential: PM @narendramodi pic.twitter.com/4hTeLfjTtZ
— PMO India (@PMOIndia) May 1, 2017
As we strive to build stronger political ties, the time has come to also make more aggressive effort to deepen the economic relations: PM pic.twitter.com/DvmvSUkEE3
— PMO India (@PMOIndia) May 1, 2017
Economic cooperation has become pillar of every bilateral relationship - PM @narendramodi addresses India-Turkey Business Forum pic.twitter.com/2AGDZ0poP0
— Gopal Baglay (@MEAIndia) May 1, 2017
Today’s knowledge-based global economy is continuously opening new areas. We must factor this in our economic & commercial interactions: PM
— PMO India (@PMOIndia) May 1, 2017
Indian economy is fastest growing major economy. Apart from maintaining this pace, our focus is to remove inefficiencies from the system: PM
— PMO India (@PMOIndia) May 1, 2017
PM: Impct of several govt initiates 4 eco n admn rfrms n flgsh'p progs like Make in India in last 3 yrs is seen in perfrmnce of Indian ecnmy pic.twitter.com/3cf6xZJmoH
— Gopal Baglay (@MEAIndia) May 1, 2017
We have planned to build 50 million houses by 2022. For this purpose we have repeatedly refined our FDI Policy in construction sector: PM
— PMO India (@PMOIndia) May 1, 2017
PM @narendramodi : We are in the process of building New India; reforming policies, processes and procedures are govt. priorities
— Gopal Baglay (@MEAIndia) May 1, 2017
We are planning metro rail projects in fifty cities and high speed trains in various national corridors: PM @narendramodi
— PMO India (@PMOIndia) May 1, 2017
We are putting up new ports and modernizing the old ones through an ambitious plan called Sagarmala: PM @narendramodi
— PMO India (@PMOIndia) May 1, 2017
Hydrocarbon sector is a common area of interest for both countries. The same would also be relevant for solar and wind energy: PM
— PMO India (@PMOIndia) May 1, 2017
I would also urge the Chambers of Commerce & Industry of both sides to engage with each other pro-actively: PM @narendramodi
— PMO India (@PMOIndia) May 1, 2017
