ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନାରୀ ଶକ୍ତି ପୁରସ୍କାର ହାସଲ କରିଥିବା କୃତି ମହିଳାମାନଙ୍କୁ ଭେଟିବା ସହିତ ସେମାନଙ୍କ ସହ ମତ ବିନିମୟ କରିଛନ୍ତି ।
ଆଲୋଚନା କାଳରେ ପ୍ରଧାନମନ୍ତ୍ରୀ “ସେବା ପରମ ଧର୍ମ”ର ତାତ୍ପର୍ଯ୍ୟ ଏବଂ ଏହା ଆମ ସଂସ୍କୃତିର କିଭଳି ଅଂଶ ବିଶେଷ ହୋଇଛି ସେ ସମ୍ପର୍କରେ କହିଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ, ପୁରସ୍କାର ବିଜୟିନୀମାନେ ଜନସେବା ତଥା ପରୋପକାର ପାଇଁ ନିଜ ଜୀବନକୁ ସମର୍ପିତ କରିଛନ୍ତି । କେବଳ ଯେ ସେମାନଙ୍କ ସେବା ଓ ଅବଦାନ ହେତୁ ଅନେକ ଲୋକ ଉପକୃତ ହୋଇଛନ୍ତି ତା’ ନୁହେଁ ବରଂ ସେମାନେ ସମାଜ ପାଇଁ ପ୍ରେରଣାର ଉତ୍ସ ହୋଇପାରିଛନ୍ତି । ପ୍ରଧାନମନ୍ତ୍ରୀ କହିଥିଲେ ଯେ, ରାଷ୍ଟ୍ର ଏବେ ଭଗିନୀ ନିବେଦିତାଙ୍କର 150ତମ ଜୟନ୍ତୀ ପାଳନ କରୁଛି ଯିଏକି ନିଷ୍କାମ ସେବାର ମୂର୍ତ୍ତିମନ୍ତ ପ୍ରତୀକ ଥିଲେ ।
ପ୍ରଧାନମନ୍ତ୍ରୀ କହିଥିଲେ ଯେ, ନିସ୍ଵାର୍ଥପର ସେବା ହେଉଛି ଭାରତୀୟ ଭାବଧାରର ଏକ ଅଂଶ ବିଶେଷ ଯାହାକି ଧର୍ମଶାଳା, ଗୋଶାଳା ଏବଂ ଦାତବ୍ୟ ଶିକ୍ଷାନୁଷ୍ଠାନ ଭଳି ଦେଶର ବିଭିନ୍ନ ସ୍ଥାନରେ ପରିଦୃଶ୍ୟ ହେଉଛି ।
କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ମେନକା ଗାନ୍ଧୀ ଏହି ଅବସରରେ ଉପସ୍ଥିତ ଥିଲେ ।
