ସାମୁଦ୍ରିକ ଝଡ ଫନୀର ମୁକାବିଲା ଲାଗି ପ୍ରସ୍ତୁତିର ସମୀକ୍ଷା ପାଇଁ ଏକ ଉଚ୍ଚସ୍ତରୀୟ ବୈଠକରେ ଅଧ୍ୟକ୍ଷତା କରିଛନ୍ତି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ । କ୍ୟାବିନେଟ ସଚିବ, ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ, ଅତିରିକ୍ତ ପ୍ରମୁଖ ସଚିବ, ଗୃହ ସଚିବ ଏବଂ ଆଇଏମଡି, ଏନଡିଆରଏଫ, ଏନଡିଏମଏ ଓ ପିଏମଓର ଅନ୍ୟାନ୍ୟ ବରିଷ୍ଠ ପଦାଧିକାରୀମାନେ ଏହି ବୈଠକରେ ଯୋଗଦେଇଥିଲେ ।
ଝଡର ସମ୍ଭାବ୍ୟ ଗତିପଥ ଏବଂ ଗ୍ରହଣ କରାଯାଇଥିବା ସତର୍କତାମୂଳକ ଓ ପ୍ରସ୍ତୁତି ପଦକ୍ଷେପ ସମ୍ବନ୍ଧରେ ପ୍ରଧାନମନ୍ତ୍ରୀଙ୍କୁ ସଂକ୍ଷିପ୍ତ ସୂଚନା ପ୍ରଦାନ କରାଯାଇଥିଲା ।
ଏଥିରେ ସାମିଲ ରହିଛି ପ୍ରଚୁର ପରିମାଣରେ ସାଧନ, ଏନଡିଆରଏଫ ଓ ସଶସ୍ତ୍ର ସେନା ଦଳ ମୁତୟନ, ପାନୀୟ ଜଳ ବ୍ୟବସ୍ଥା ଏବଂ ଶକ୍ତି ଓ ଟେଲିକମ ସେବା ପୁନରୁଦ୍ଧାର କାର୍ଯ୍ୟ ପାଇଁ ମହଜୁଦ ବ୍ୟବସ୍ଥା ।
ପରିସ୍ଥିତିର ସମୀକ୍ଷା କରିବା ପରେ ସତର୍କତାମୂଳକ ପଦକ୍ଷେପ ନିଶ୍ଚିତ କରିବା ଓ ରିଲିଫ ଏବଂ ଉଦ୍ଧାର କାର୍ଯ୍ୟ ଲାଗି ଆବଶ୍ୟକୀୟ ପଦକ୍ଷେପ ଗ୍ରହଣ କରିବା ପାଇଁ ପ୍ରଧାନମନ୍ତ୍ରୀ କହିଛନ୍ତି । ଏଥି ସହିତ ପ୍ରଭାବିତ ରାଜ୍ୟମାନଙ୍କର ପଦାଧିକାରୀଙ୍କ ସହ ଉତ୍ତମ ଯୋଗାଯୋଗ ରକ୍ଷା କରିବା ଲାଗି ପ୍ରଧାନମନ୍ତ୍ରୀ ବରିଷ୍ଠ ପଦାଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
Chaired a high level meeting to review the preparedness relating to Cyclone Fani. The Central Government is ready to provide all possible assistance that would be required.
— Chowkidar Narendra Modi (@narendramodi) May 2, 2019
Prayers for the safety and well-being of our citizens. pic.twitter.com/GLoCzmV1io
