ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଉତ୍ତରାଖଣ୍ଡର ହର୍ଶଲିଠାରେ ଯବାନମାନଙ୍କ ସହ ଦୀପାବଳି ପାଳିଛନ୍ତି
ଏହି ଅବସରରେ ସେ ଯବାନମାନଙ୍କୁ ଶୁଭକାମନା ଜଣାଇ କହିଲେ, ସୁଦୂର ବରଫାବୃତ ଶିଖରରେ ଆପଣମାନେ ଦେଶକୁ ସୁରକ୍ଷା ଦେଉଛନ୍ତି, ଏହା ହିଁ ଆପଣଙ୍କ କର୍ତ୍ତବ୍ୟ ଯାହାକି 125 କୋଟି ଭାରତୀୟଙ୍କ ଭବିଷ୍ୟତ ଓ ସ୍ୱପ୍ନକୁ ପୂରଣ କରିବାରେ ସକ୍ଷମ ହୋଇଛି । ସେ କହିଲେ, ଦୀପାବଳି ଆଲୋକର ପର୍ବ, ଏହା ଦୟା ଓ ସକରାତ୍ମକ ଭାବନାର ପ୍ରଚାର କରିବା ସହ ଭୟକୁ ଦୂରେଇଥାଏ । ଆପଣ ଯବାନମାନେ ପ୍ରତିବଦ୍ଧତା ଓ ଅନୁଶାସନର ମାଧ୍ୟମରେ ସାଧାରଣ ଲୋକଙ୍କ ମନରେ ସୁରକ୍ଷା ଓ ନିର୍ଭୟର ଭାବନାକୁ ଉଦ୍ରେକ କରୁଛନ୍ତି ।
ପ୍ରଧାନମନ୍ତ୍ରୀ ଅତୀତକୁ ସ୍ମରଣ କରି କହିଲେ, ସେ ଯେତେବେଳେ ଗୁଜରାଟର ମୁଖ୍ୟମନ୍ତ୍ରୀ ଥିଲେ ସେବେଠାରୁ ଯବାନମାନଙ୍କ ସହ ଦୀପାବଳି ପାଳୁଛନ୍ତି । ସେ କିଛି ବର୍ଷ ପୂର୍ବେ କୈଳାସ ମାନସରୋବର ଯାତ୍ରା ସମୟର ଆଇଟିବିପି ଯବାନମାନଙ୍କ ସହ ହୋଇଥିବା ଭାବର ଆଦାନପ୍ରଦାନକୁ ମନେ ପକାଇଥିଲେ ।
ପ୍ରତିରକ୍ଷା କ୍ଷେତ୍ରରେ ଭାରତ ଦ୍ରୁତ ଗତିରେ ଆଗକୁ ବଢ଼ି ଚାଲିଥିବା ପ୍ରଧାନମନ୍ତ୍ରୀ କହିଥିଲେ । ସେ ପୂର୍ବତନ ସୈନିକମାନଙ୍କ କଲ୍ୟାଣ ପାଇଁ ନିଆଯାଇଥିବା ବିଭିନ୍ନ ପଦକ୍ଷେପ, ଯଥା ଓଆରଓପି (ୱାନ ରେଙ୍କ୍, ୱାନ ପେନସନ) ସମେତ ଅନେକ ପଦକ୍ଷେପ ପ୍ରସଙ୍ଗରେ ମତ ରଖିଥିଲେ ।
ଜାତିସଂଘର ଶାନ୍ତି ରକ୍ଷା ସଞ୍ଚାଳନ ଦ୍ୱାରା ଭାରତୀୟ ଯବାନମାନଙ୍କୁ ଅନେକ ପ୍ରଶଂସା ମିଳିଥିବା ପ୍ରଧାନମନ୍ତ୍ରୀ କହିଥିଲେ ।
ପ୍ରଧାନମନ୍ତ୍ରୀ ଯବାନମାନଙ୍କୁ ମିଷ୍ଟାନ୍ନ ପ୍ରଦାନ କରିଥିଲେ । ଦୀପାବଳି ଅବସରରେ ତାଙ୍କୁ ଶୁଭେଚ୍ଚା ଜଣାଇବାକୁ ପାଖଆଖ ଗ୍ରାମରୁ ଆସିଥିବା ଲୋକମାନଙ୍କ ସହ ମଧ୍ୟ ସେ ଆଲୋଚନା କରିଥିଲେ ।
Celebrated Diwali with our valorous Army and @ITBP_official personnel at Harsil in Uttarakhand.
— Narendra Modi (@narendramodi) November 7, 2018
India is immensely proud of all those who protect our nation, with utmost dedication and courage.
We salute them! pic.twitter.com/siW4Yz2UUd
While interacting with Army and @ITBP_official Jawans in Harsil, spoke about the numerous steps being taken by the Government of India for the strengthening of the defence sector, welfare of ex-servicemen and highlighted how Indian forces are admired globally for the skills. pic.twitter.com/DFAuJfrQwy
— Narendra Modi (@narendramodi) November 7, 2018
