ପ୍ରଧାନମନ୍ତ୍ରୀ ଶିଗେରୁ ଇଶିବାଙ୍କ ନିମନ୍ତ୍ରଣରେ, ମୁଁ ୧୫ତମ ବାର୍ଷିକ ଶିଖର ସମ୍ମିଳନୀ ପାଇଁ ଦୁଇ ଦିନିଆ ଜାପାନ ଗସ୍ତରେ ଯାଉଛି।
ଏହି ଗସ୍ତ ସମୟରେ, ଆମେ ଆମର ସ୍ୱତନ୍ତ୍ର ରଣନୈତିକ ଏବଂ ବିଶ୍ୱସ୍ତରୀୟ ସହଭାଗୀତାକୁ ଦୃଢ଼ କରିବା ଉପରେ ଧ୍ୟାନ ଦେବୁ, ଯାହା ଗତ ଏଗାର ବର୍ଷ ମଧ୍ୟରେ ନିରନ୍ତର ଏବଂ ଗୁରୁତ୍ୱପୂର୍ଣ୍ଣ ପ୍ରଗତି ହାସଲ କରିଛି। ଆମେ ଆମର ସହଯୋଗକୁ ନୂତନ ଉଚ୍ଚତାକୁ ନେଇଯିବୁ, ଅର୍ଥନୈତିକ ଏବଂ ନିବେଶ ସମ୍ପର୍କର ପରିସର ଏବଂ ମହତ୍ୱାକାଂକ୍ଷାକୁ ବିସ୍ତାର କରିବାକୁ ଚେଷ୍ଟା କରିବୁ, ଏବଂ କୃତ୍ରିମ ବୁଦ୍ଧିମତ୍ତା (ଏଆଇ) ଏବଂ ସେମିକଣ୍ଡକ୍ଟର ସମେତ ନୂତନ ଓ ଉଦୀୟମାନ ପ୍ରଯୁକ୍ତିବିଦ୍ୟାରେ ସହଯୋଗକୁ ଆଗକୁ ବଢ଼ାଇବାକୁ ଚେଷ୍ଟା କରିବୁ। ଏହି ଗସ୍ତ ଆମର ସଭ୍ୟତାଗତ ବନ୍ଧନ ଏବଂ ଆମର ଲୋକଙ୍କୁ ସଂଯୋଗ କରୁଥିବା ସାଂସ୍କୃତିକ ସମ୍ପର୍କକୁ ମଜବୁତ କରିବାର ଏକ ସୁଯୋଗ ମଧ୍ୟ ହେବ।
ଜାପାନ ପରେ ମୁଁ ରାଷ୍ଟ୍ରପତି ସି ଜିନପିଙ୍ଗଙ୍କ ନିମନ୍ତ୍ରଣକ୍ରମେ ତିଆନଜିନରେ ସାଂଘାଇ ସହଯୋଗ ସଂଗଠନ (ଏସସିଓ) ଶିଖର ସମ୍ମିଳନୀରେ ଯୋଗଦେବା ପାଇଁ ଚୀନ୍ ଯାତ୍ରା କରିବି। ଭାରତ ଏସସିଓର ଏକ ସକ୍ରିୟ ସଦସ୍ୟ। ଆମର ଅଧ୍ୟକ୍ଷତା ସମୟରେ, ଆମେ ନବସୃଜନ, ସ୍ୱାସ୍ଥ୍ୟ ଏବଂ ସାଂସ୍କୃତିକ ଆଦାନପ୍ରଦାନ କ୍ଷେତ୍ରରେ ନୂତନ ଚିନ୍ତାଧାରା ପ୍ରଣୟନ କରିଥିଲୁ ଏବଂ ସହଯୋଗ ଆରମ୍ଭ କରିଥିଲୁ। ଭାରତ ଏସସିଓ ସଦସ୍ୟମାନଙ୍କ ସହିତ ମିଳିତ ଚ୍ୟାଲେଞ୍ଜର ମୁକାବିଲା ଏବଂ ଆଞ୍ଚଳିକ ସହଯୋଗକୁ ଆହୁରି ଗଭୀର କରିବା ପାଇଁ ପ୍ରତିବଦ୍ଧ। ମୁଁ ଶିଖର ସମ୍ମିଳନୀ ସମୟରେ ରାଷ୍ଟ୍ରପତି ସି ଜିନପିଙ୍ଗ, ରାଷ୍ଟ୍ରପତି ପୁଟିନ ଏବଂ ଅନ୍ୟାନ୍ୟ ନେତାମାନଙ୍କୁ ଭେଟିବାକୁ ମଧ୍ୟ ଅପେକ୍ଷା କରିଛି।
ମୁଁ ନିଶ୍ଚିତ ଯେ ମୋର ଜାପାନ ଏବଂ ଚୀନ ଗସ୍ତ ଆମର ଜାତୀୟ ସ୍ୱାର୍ଥ ଏବଂ ପ୍ରାଥମିକତାକୁ ଆଗକୁ ବଢ଼ାଇବ, ଏବଂ ଆଞ୍ଚଳିକ ଓ ବିଶ୍ୱ ଶାନ୍ତି, ସୁରକ୍ଷା ଓ ସ୍ଥାୟୀ ବିକାଶକୁ ଆଗକୁ ବଢ଼ାଇବା ଲାଗି ଫଳପ୍ରଦ ସହଯୋଗ ଗଠନ ଦିଗରେ ଯୋଗଦାନ ଦେବ।
Over the next few days, will be in Japan and China to attend various bilateral and multilateral programmes. In Japan, will take part in the 15th Annual India-Japan Summit and hold talks with PM Shigeru Ishiba. The focus would be on deepening our Special Strategic and Global…
— Narendra Modi (@narendramodi) August 28, 2025
In China, I will take part in the SCO Summit in Tianjin, a forum where India has always played an active and constructive role. India will keep working with SCO members to address various shared challenges. I will also be meeting President Xi Jinping, President Putin and other…
— Narendra Modi (@narendramodi) August 28, 2025
