• ନୂଆ ନୀତିରେ ଦୀର୍ଘକାଳୀନ ଲକ୍ଷ୍ୟର ପ୍ରତିଫଳନ
• ଘରୋଇ ଉପଯୋଗ ବୃଦ୍ଧି ଓ ଉଚ୍ଚ ଗୁଣାତ୍ମକ ମାନର ଇସ୍ପାତ ଉତ୍ପାଦନ ସହ ବିଶ୍ୱସ୍ତରୀୟ ପ୍ରତିଯୋଗିତା ଉପରେ ଗୁରୁତ୍ୱ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ଜାତୀୟ ଇସ୍ପାତ ନୀତି(NSP)-2017 କୁ ଅନୁମୋଦନ ଦେଇଛନ୍ତି ।
ନୂଆ ଇସ୍ପାତ ନୀତିରେ ଇସ୍ପାତ କ୍ଷେତ୍ରକୁ ପ୍ରୋତ୍ସାହନ ଦେବା ପାଇଁ ସରକାର ଦୀର୍ଘକାଳୀନ ଲକ୍ଷ୍ୟକୁ ସାମିଲ କରିଛନ୍ତି । ଏହା ଘରୋଇ ଇସ୍ପାତ ଉପଯୋଗକୁ ବୃଦ୍ଧି ଓ ଉଚ୍ଚ ଗୁଣାତ୍ମକ ମାନର ଇସ୍ପାତ ଉତ୍ପାଦନକୁ ସୁନିଶ୍ଚିତ କରିବା ଓ ଜ୍ଞାନକୌଶଳ ଦୃଷ୍ଟିରୁ ଉନ୍ନତ ଓ ବିଶ୍ୱସ୍ତରର ପ୍ରତିଯୋଗିତାପୂର୍ଣ୍ଣ ଷ୍ଟିଲ ଉଦ୍ୟୋଗ ନିମନ୍ତେ ପ୍ରୋତ୍ସାହିତ କରିବ ।
NSP-2017ର ପ୍ରମୁଖ ବୈଶିଷ୍ଟ୍ୟ :
1- ଘରୋଇ ନିର୍ମାତା, ଏମ୍ଏସଏମ୍ଇ ଇସ୍ପାତ ଉତ୍ପାଦନକାରୀ, ସିପିଏସ୍ଇକୁ ନୀତି ସହଯୋଗ ଓ ମାର୍ଗଦର୍ଶନ ପ୍ରଦାନ କରି ଷ୍ଟିଲ ଉତ୍ପାଦନକୁ ଆତ୍ମନିର୍ଭରଶୀଳ କରିବା
2- ପର୍ଯ୍ୟାପ୍ତ କ୍ଷମତାରେ ବୃଦ୍ଧିକୁ ପ୍ରୋତ୍ସାହିତ କରିବା
3- ବିଶ୍ୱସ୍ତରରେ ପ୍ରତିଯୋଗିତାପୂର୍ଣ୍ଣ ଷ୍ଟିଲ ଉତ୍ପାଦନ ସାମର୍ଥ୍ୟର ବିକାଶ
4- ମୂଲ୍ୟଭିତ୍ତିକ ଉତ୍ପାଦନ
5- ଲୁହାପଥର, କୁକିଙ୍ଗ୍ କୋଇଲା ଓ ପ୍ରାକୃତିକ ଗ୍ୟାସର ଘରୋଇ ଉପଲବ୍ଧତା
6- ବିଦେଶୀ ପୁଞ୍ଜିନିବେଶ ପାଇଁ ସୁଯୋଗ
7- କଂଚାମାଲ ଅଧିଗ୍ରହଣ ଓ
8- ଘରୋଇ ଷ୍ଟିଲ ଚାହିଦା ବୃଦ୍ଧି
ଏହି ନୀତିରେ 300 ମିଲିୟନ ଟନ୍(ମେଟ୍ରିକ ଟନ୍)ର କଂଚା ଇସ୍ପାତର କ୍ଷମତା, 255 ମେଟ୍ରିକ ଟନ ଉତ୍ପାଦନ ଓ 2030-31 ସୁଦ୍ଧା ମୁଣ୍ଡପିଛା ଇସ୍ପାତ ଉପଯୋଗ ଏବେ 61 କିଲୋ ଥିବାବେଳେ ଏହାକୁ 158 କିଲୋଗ୍ରାମ କରିବା ପାଇଁ ପ୍ରସ୍ତାବ ରହିଛି । ଏହି ନୀତିରେ ଘରୋଇସ୍ତରରେ ଉଚ୍ଚ ବର୍ଗର ଅଟୋମୋଟିଭ ଷ୍ଟିଲ, ଇଲେକ୍ଟ୍ରିକାଲ ଷ୍ଟିଲ, ବିଶେଷ ଷ୍ଟିଲ ଓ ମିଶ୍ରିତ ଧାତୁର ରଣନୀତିକ ଚାହିଦାକୁ ପୂରଣ କରିବା ଓ କୋକିଂ କୋଇଲାର ଘରୋଇ ଉପଲବ୍ଧତାକୁ ପୂରଣ କରିବାର ମଧ୍ୟ ପରିକଳ୍ପନା କରାଯାଇଛି । ଏଥିରେ 2030-31 ମସିହା ସୁଦ୍ଧା କୋକିଂ କୋଇଲା ଆମଦାନୀ ନିର୍ଭରଶୀଳତା ପ୍ରାୟ 85%ରୁ ହ୍ରାସପାଇ 65% ହୋଇପାରିବ ।
