آندھرا پردیش کے وشاکھاپٹنم میں یوگا کے 11ویں عالمی دن کی تقریبات میں وزیر اعظم کی تقریر کا متن
June 21st, 07:06 am
ملک اور دنیا بھر کے تمام لوگوں کو عالمی یوگا دن کی بہت بہت مبارکباد۔ آج 11ویں بار پوری دنیا 21 جون کو ایک ساتھ یوگا کر رہی ہے۔ یوگا کا سیدھا سادہ مطلب ہے جڑنا اور یہ مشاہدہ کرنا خوشی کی بات ہے کہ یوگا نے پوری دنیا کو کس طرح جوڑا ہے۔ جب میں پچھلے ایک دہائی میں یوگا کے سفر کو دیکھتا ہوں تو بہت کچھ یاد آتا ہے۔ وہ دن جب اقوام متحدہ میں بھارت نے تجویز پیش کی کہ 21 جون کو عالمی یوگا ڈے کے طور پر تسلیم کیا جائے اور تب کم سے کم وقت میں دنیا کے 175 ممالک ہماری اس تجویز کے ساتھ کھڑے ہوئے۔ آج کی دنیا میں ایسی یکجہتی، ایسی حمایت کوئی معمولی واقعہ نہیں ہے۔ یہ صرف ایک تجویز کی حمایت نہیں تھی، یہ انسانیت کے بھلے کے لیے دنیا کی اجتماعی کوشش تھی۔ آج 11 سال بعد، ہم دیکھ رہے ہیں کہ یوگا دنیا بھر میں کروڑوں لوگوں کے طرز زندگی کا حصہ بن چکا ہے۔ مجھے فخر ہوتا ہے جب میں دیکھتا ہوں کہ ہمارے معذور ساتھی بریل میں یوگا شاستر پڑھتے ہیں، سائنسدان خلاء میں یوگا کرتے ہیں، گاؤں گاؤں میں نوجوان ساتھی یوگا اولمپیاڈ میں حصہ لیتے ہیں۔ یہاں سامنے دیکھیں، یہ نیوی کے تمام جہازوں میں بھی اس وقت بہت شاندار یوگا پروگرام چل رہا ہے۔ چاہے سڈنی اوپیرا ہاؤس کی سیڑھیاں ہوں، یا ایورسٹ کی چوٹی ہو، یا پھر سمندر کا پھیلاؤ ہو، ہر جگہ سے ایک ہی پیغام آتا ہے— یوگا سبھی کا ہے، اور سبھی کے لیے ہے۔ یوگا سب کے لیے ہے، سرحدوں سے ماورا، پس منظر سے ماورا، عمر یا صلاحیت سے ماورا۔وزیر اعظم جناب نریندر مودی نے آندھرا پردیش کے وشاکھاپٹنم میں یوگا کے 11 ویں بین الاقوامی دن کی تقریبات سے خطاب کیا
June 21st, 06:30 am
وزیر اعظم جناب نریندر مودی نے آج آندھرا پردیش کے وشاکھاپٹنم میں یوگا کے 11 ویں بین الاقوامی دن (آئی وائی ڈی) کی تقریب سے خطاب کیا ۔ وزیر اعظم نے یوگا کے عالمی دن کی تقریبات کی قیادت کی اور یوگا سیشن میں حصہ لیا۔