مغربی بنگال کے کولکاتا میں 12ویں عالمی یومِ یوگا کی تقریبات سے وزیرِ اعظم کے خطاب کا اردو متن
June 21st, 06:45 am
21 جون وہ دن ہے جب زمین کے بعض حصوں میں سال کا سب سے طویل دن ہوتا ہے۔ اور عالمی یومِ یوگا کی بدولت 21 جون دنیا کے سب سے بڑے اجتماعی جشن کا دن بھی بن گیا ہے۔ دنیا کے مختلف گوشوں سے یوگا کے شاندار اور متاثر کن مناظر سامنے آ رہے ہیں۔ بھارت میں ہمالیہ سے لے کر بحرِ ہند تک، مشرق میں شمال مشرقی خطے اور بنگال سے لے کر مغرب میں سوراشٹر تک، پورا ملک یوگا کی توانائی اور شعور سے سرشار نظر آتا ہے۔ پورا ملک اور پوری دنیا ایک دوسرے سے جڑی ہوئی محسوس ہوتی ہے، اور یہی یوگا کی حقیقی طاقت ہے۔ یوگا سب کو جوڑتا ہے، یوگا سب کو قریب لاتا ہے۔ اس موقع پر میں عالمی یومِ یوگا کے حوالے سے پوری دنیا اور تمام انسانیت کو دل کی گہرائیوں سے مبارک باد پیش کرتا ہوں۔وزیرِ اعظم جناب نریندر مودی نے مغربی بنگال کے شہر کولکاتا کے ریڈ روڈ سے بارہویں عالمی یومِ یوگا کی قومی تقریب کی قیادت کی
June 21st, 06:30 am
وزیرِ اعظم جناب نریندر مودی نے آج کولکاتا کے ریڈ روڈ سے بارہویں عالمی یومِ یوگا کی قومی تقریب کی قیادت کی۔ اس موقع پر وزیرِ اعظم نے ہزاروں یوگا سادھکوں کے ساتھ مشترکہ یوگا پروٹوکول کے سیشن میں شرکت کی۔ عالمی یومِ یوگا کے موقع پر دنیا بھر کے لوگوں کو مبارک باد پیش کرتے ہوئے جناب مودی نے کہا کہ 21 جون دنیا کے کئی حصوں میں سال کا طویل ترین دن ہوتا ہے اور یوگا کے ذریعے یہ دن انسانیت کے سب سے بڑے اجتماعی جشن کی صورت اختیار کر چکا ہے۔