مرکزی بجٹ پر وزیر اعظم کے تبصرے کا متن
February 01st, 01:38 pm
آج کا بجٹ تاریخی ہے، اس میں ملک کی خواتین کی طاقت کی مضبوط عکاسی ہے۔ ایک خاتون وزیر خزانہ کے طور پر نرملا سیتا رمن جی نے مسلسل نویں بار ملک کا بجٹ پیش کرکے ایک نیا ریکارڈ قائم کیا ہے۔ یہ بجٹ بے پناہ مواقع کی شاہراہ ہے۔ یہ بجٹ حال کے خوابوں کو پورا کرتا ہے اور ہندوستان کے روشن مستقبل کی بنیاد کو مضبوط کرتا ہے۔ یہ بجٹ 2047 میں وکست بھارت کی ہماری بلند پرواز کی مضبوط بنیاد ہے۔مرکزی بجٹ- 2026 پر وزیر اعظم جناب نریندر مودی کا اظہار خیال
February 01st, 01:00 pm
وزیر اعظم جناب نریندر مودی نے آج ویڈیو پیغام کے ذریعے مرکزی بجٹ- 2026 پر اپنے خیالات کا اشتراک کیا۔ اس موقع پر خطاب کرتے ہوئے وزیراعظم نے کہا کہ آج کا بجٹ تاریخی ہے اور ملک کی خواتین کے بااختیار جذبے کی عکاسی کرتا ہے۔ انہوں نے اس بات پر روشنی ڈالی کہ مرکزی وزیر خزانہ محترمہ نرملا سیتا رمن نے بطور خاتون وزیر خزانہ مسلسل نویں بار ملک کا بجٹ پیش کر کے ایک نیا ریکارڈ قائم کیا ہے۔ وزیر اعظم نے کہا کہ یہ بجٹ بے پناہ مواقع کی شاہراہ ہے، جو حال کے خوابوں کو پورا کرتا ہے اور ہندوستان کے روشن مستقبل کی بنیاد کو مضبوط کرتا ہے۔ انہوں نے اس بات پر زور دیا کہ بجٹ 2047 تک ایک ترقی یافتہ ملک بننے کی طرف ہندوستان کی بلند پرواز کی بنیاد کے طور پر کام کرتا ہے۔اسٹارٹ اپ انڈیا کے دس سال مکمل ہونے کے پروگرام کے موقع پر وزیر اعظم کی تقریر کا متن
January 16th, 01:30 pm
آج ہم سب یہاں ایک بہت ہی خاص موقع پر جمع ہوئے ہیں ۔ میں اپنے سامنے ایک نئے اور ترقی پذیر ہندوستان کا مستقبل دیکھ رہا ہوں جس میں ‘نیشنل اسٹارٹ اپ ڈے’ کے اس موقع پر ، اسٹارٹ اپ کے بانیوں اور اختراع کاروں کا یہ گروپ شامل ہے۔ ابھی مجھے اسٹارٹ اپس کی دنیا کے کچھ لوگوں کو ، ان کی کچھ کامیابیوں کو ، ان کے تجربات کو دیکھنے اور کچھ ساتھیوں کو سننے کا موقع ملا ۔ زراعت ، مالیاتی ٹکنالوجی، موبلٹی سیکٹر ، صحت اور پائیداری کے شعبے میں کام کرنے والے اسٹارٹ اپس ، آپ کے خیالات صرف مجھے ہی نہیں بلکہ سب کو متاثر کرنے والے ہیں ۔ لیکن میرے لیے جو چیز زیادہ اہم ہے وہ آپ کا اعتماد اور آپ کے عزائم ہیں جنہوں نے مجھے متاثر کیا ۔ آج 10 سال پہلے وگیان بھون میں 500 سے 700 نوجوانوں کے ایک گروپ نے یہ پروگرام شروع کیا تھا ، رتیش یہاں بیٹھے ہیں، تب یہ ان کی شروعات تھی۔ اور ان نئے لوگوں کے تجربے کو سن کر جو اس وقت اسٹارٹ اپ کی دنیا میں قدم رکھ رہے تھے، اور مجھے ایک بیٹی یاد آتی ہے جو کارپوریٹ کی دنیا میں اپنی نوکری چھوڑ کر اسٹارٹ اپ کی طرف جا رہی تھی ۔ تو نوکری چھوڑنے کے بعد وہ اپنی ماں سے ملنے کولکتہ گئی اور اس نے اپنی ماں کو بتایا کہ میں نے نوکری چھوڑ دی ہے ، تو ماں نے کہا ، کیوں ؟ یہ سب اس نے اس دن وگیان بھون میں بیان کیا تھا، اس لیے اس نے کہا نہیں ، ابھی میں ایک اسٹارٹ اپ شروع کرنا چاہتی ہوں ، اس لیے اس کی ماں نے اسے جو بتایا تھا ، اس نے بیان کیا تھا ، اس نے کہا تھا-سروناش، تم تباہی کی راہ پر کیوں جا رہی ہو ۔ اسٹارٹ اپس کے بارے میں یہ سوچ ہمارے ملک میں تھی اور جہاں سے ہم آج پہنچے ہیں ، آج وگیان بھون سے بھارت منڈپم میں جگہ نہیں ہے ، اور میں خوش قسمت ہوں کہ مجھے اس ایک ہفتے میں دوسری بار ملک کے نوجوانوں سے ملنے کا موقع مل رہا ہے۔ ابھی تو 12 جنوری کو یوم نوجوان کے موقع پر میں ڈھائی گھنٹے تک ملک بھر سے تقریباً 3000 نوجوانوں کو سن رہا تھا اور ان کے ساتھ بیٹھا تھا ۔ اور آج مجھے آپ سب کی بات سننے اور اپنے ملک کے نوجوانوں کو ، ان کی طاقت کو دیکھنے کا اعزاز حاصل ہوا ہے ۔ہندوستان ٹائمز لیڈرشپ سمٹ کے دوران وزیر اعظم کے خطاب کا متن
December 06th, 08:14 pm
یہاں ہندوستان ٹائمز سمٹ میں ملک اور بیرونِ ملک سے متعدد مہمانان موجود ہیں۔ میں منتظمین اور تمام ساتھیوں کو مبارکباد پیش کرتا ہوں جنہوں نے اپنے خیالات کا اظہار کیا۔ شوبھنا جی نے ابھی دو باتوں کا ذکر کیا، جو میں نے محسوس کیا۔ ایک تو انہوں نے کہا کہ جب مودی جی پچھلی بار تشریف لائے تھے تو انہوں نے یہ مشورہ دیا تھا۔ اس ملک میں کوئی بھی میڈیا ہاؤسز کو کام بتانے کی ہمت کوئی نہیں کر سکتا۔ لیکن میں نے کی تھی، اور مجھے خوشی ہے کہ شوبھنا جی اور ان کی ٹیم نے یہ کام بڑے جوش و خروش سے کیا۔ اور ملک کو، جب میں ابھی نمائش دیکھ کے آیا، میں سب سے درخواست کروں گا کہ اس کو ضرور دیکھیئے۔ ان فوٹوگرافروں نے اس لمحے کو اس طرح قید کیا ہے کہ اسے امر کر دیا ہے۔ دوسری بات جو انہوں نے کہی، اور وہ بھی ذرا میں الفاظ کو جیسے میں سمجھ رہا ہوں، انہوں نے کہا کہا آپ آگے بھی، ایک تو یہ کہہ سکتی تھیں، کہ آپ آگے بھی ملک ملک خدمت کرتے رہئے، تاہم ہندوستان ٹائمز یہ کہے، آپ آگے بھی ایسے ہی خدمت کرتے رہئے، میں اس کے لیے بھی خصوصی طور پر اظہار تشکر کرتا ہوں۔وزیر اعظم جناب نریندر مودی کا نئی دہلی میں ہندستان ٹائمز لیڈر شپ سمِٹ 2025 سے خطاب
December 06th, 08:13 pm
وزیر اعظم جناب نریندر مودی نے آج نئی دہلی میں ہندستان ٹائمز لیڈرشپ سمٹ 2025 سے خطاب کیا۔ اس موقع کی مناسبت سے گفتگو کرتے ہوئے انہوں نے اس بات کا ذکر کیا کہ اس سمٹ میں ملک اور بیرون ملک سے آئے ہوئے متعدد معزز مہمان موجود ہیں اور انہوں نے منتظمین سمیت تمام ان لوگوں کو مبارکباد پیش کی جنہوں نے اپنے خیالات رکھے۔ جناب مودی نے بتایا کہ شوبھانا جی نے اپنی گفتگو میں دو نکات کا ذکر کیا تھا جن پر انہوں نے خصوصی توجہ دی۔ پہلا نکتہ ان کے اُس مشورے سے متعلق تھا جو انہوں نے اپنی گزشتہ آمد کے وقت دیا تھا، ایسا مشورہ جو عموماً میڈیا اداروں کو نہیں دیا جاتا، لیکن انہوں نے دیا۔ انہیں خوشی ہے کہ شوبھانا جی اور ان کی ٹیم نے اسے پوری دلچسپی کے ساتھ عملی جامہ پہنایا۔ انہوں نے کہا کہ جب وہ نمائش دیکھنے گئے تو انہوں نے محسوس کیا کہ فوٹوگرافرز نے لمحوں کو اس طرح محفوظ کیا ہے کہ وہ امر ہو گئے ہیں اور انہوں نے سب کو اسے دیکھنے کا مشورہ دیا۔ جناب مودی نے شوبھانا جی کے دوسرے نکتے کا بھی حوالہ دیا، جسے انہوں نے صرف یہ خواہش نہیں سمجھا کہ وہ ملک کی خدمت جاری رکھیں، بلکہ یہ ہندستان ٹائمز کی طرف سے یہ کہنے کے برابر ہے کہ وہ اسی جذبے سے خدمت کرتے رہیں جس پر انہوں نے خاص طور پر اظہارِ تشکر کیا۔