گجرات میں سومناتھ سوابھیمان پرو کے دوران وزیر اعظم کے خطاب کا اردو ترجمہ
January 11th, 12:00 pm
گجرات کے مقبول وزیر اعلیٰ بھوپیندر بھائی پٹیل، پرجوش نوجوان نائب وزیر اعلیٰ ہرش سنگھوی جی، گجرات حکومت کے وزرا جیتو بھائی واگھانی، ارجن بھائی موڈھواڈیا، ڈاکٹر پردیومن واجا، کوشک بھائی وکریا، ایم پی راجیش بھائی، دیگر معززین، خواتین و حضرات۔ آج ملک کے کونے کونے سے جو لاکھوں لوگ ہمارے ساتھ شامل ہوئے، ان کو بھی میری طرف سے جے سومناتھ۔وزیر اعظم جناب نریندر مودی نے گجرات میں واقع سومناتھ مندر میں سومناتھ سوابھیمان پرو سے خطاب کیا
January 11th, 11:41 am
وزیر اعظم جناب نریندر مودی نے آج گجرات کے سومناتھ میں سومناتھ سوابھیمان پرو سے خطاب کیا۔ اس موقع پر خطاب کرتے ہوئے وزیراعظم نے کہا کہ یہ وقت غیر معمولی ہے، یہ ماحول غیر معمولی ہے، اور یہ جشن غیر معمولی ہے۔ انہوں نے روشنی ڈالی کہ ایک جانب بھگوان مہادیو خود کھڑے ہیں، اور دوسری جناب سمندر کی وسیع لہریں، سورج کی کرنیں، منتروں کی بازگشت، اور عقیدت کی لہر ہے۔ انہوں نے کہا کہ اس روحانی ماحول میں بھگوان سومناتھ کے تمام عقیدت مندوں کی موجودگی اس موقع کو روحانی اور عظیم الشان بنا رہی ہے۔ جناب مودی نے کہا کہ وہ اسے بڑی خوش قسمتی سمجھتے ہیں کہ سومناتھ مندر ٹرسٹ کے چیئرمین کی حیثیت سے انہیں سومناتھ سوابھیمان پرو میں فعال طور پر خدمت کرنے کا موقع حاصل ہوا ہے۔ انہوں نے 72 گھنٹے تک اومکار کے بلاتعطل جاپ اور 72 گھنٹے تک منتروں کے مسلسل جاپ کا ذکر کیا۔ انہوں نے روشنی ڈالی کہ کل شام، ایک ہزار ڈرونوں نے، ویدک گروکلوں کے ایک ہزار طلباء کی موجودگی کے ساتھ، سومناتھ کے ہزار سال کی داستان پیش کی، اور آج 108 گھوڑوں کے ساتھ ’شوریہ یاترا‘ مندر پہنچی۔ انہوں نے اس بات پر زور دیا کہ منتروں اور بھجنوں کی مسحور کن پیشکش الفاظ سے بیاں نہیں ہوسکتی، اور صرف وقت ہی اس تجربے کو اپنے اندر قید کر سکتا ہے۔ وزیر اعظم نے اس بات پر زور دیا کہ یہ جشن فخر اور عزت، وقار اور علم، عظمت اور وراثت، روحانیت اور احساس، تجربہ، خوشی اور قربت کی علامت ہے۔ انہوں نے زور دیتے ہوئے کہا کہ سب سے بڑھ کراس میں بھگوان مہادیو کا آشیرواد ہے۔