ଭାରତର "କନସର୍ଟ ଇକୋନୋମି": 2036 ଅଲିମ୍ପିକ୍ସ ପଥରେ ଏକ ଉଦୀୟମାନ ମନୋରଞ୍ଜନ ପାୱାରହାଉସ୍
January 29th, 04:28 pm
ବର୍ଷ ବର୍ଷ ଧରି ଭାରତରେ ବଡ଼ ଧରଣର ଅନ୍ତର୍ଜାତୀୟ ସଙ୍ଗୀତ ଆୟୋଜନ ପାଇଁ ଆବଶ୍ୟକ ଭିତ୍ତିଭୂମିର ଅଭାବ ରହିଥିଲା। ଯଦିଓ ବଲିଉଡ୍ ସଙ୍ଗୀତ ଘରୋଇ ସ୍ତରରେ ସମୃଦ୍ଧ ହୋଇଥିଲା, କିନ୍ତୁ ପର୍ଯ୍ୟାପ୍ତ ସ୍ଥାନ, ଅମଲାତାନ୍ତ୍ରିକ ଆହ୍ୱାନ ଏବଂ ଲଜିଷ୍ଟିକ୍ ପ୍ରତିବନ୍ଧକ କାରଣରୁ ବିଶ୍ୱସ୍ତରୀୟ କନସର୍ଟ ସଂସ୍କୃତି ଭାରତକୁ ମୁଖ୍ୟତଃ ଅଣଦେଖା କରିଥିଲା। ଲଣ୍ଡନ, ନ୍ୟୁୟର୍କ କିମ୍ବା ସିଙ୍ଗାପୁର ଭଳି ସହର ପରି ଭାରତ ବିଶ୍ୱସ୍ତରୀୟ ଷ୍ଟାଡିୟମର ଅଭାବ, ଇଭେଣ୍ଟ ଅନୁମତି ପାଇବାରେ ଅସୁବିଧା ଏବଂ ଅସଂଗଠିତ ଇଭେଣ୍ଟ ମ୍ୟାନେଜମେଣ୍ଟ କାରଣରୁ ଅନ୍ତର୍ଜାତୀୟ କଳାକାରଙ୍କୁ ଆକୃଷ୍ଟ କରିବାକୁ ସଂଘର୍ଷ କରୁଥିଲା । ଏପରିକି ଯେତେବେଳେ ବିଶ୍ୱସ୍ତରୀୟ ତାରକାମାନେ ପରିବେଷଣ କରୁଥିଲେ, କନସର୍ଟଗୁଡ଼ିକ ପ୍ରାୟତଃ ଭିଡ଼ ନିୟନ୍ତ୍ରଣ, ପରିମଳ ସମସ୍ୟା ଏବଂ ବୈଷୟିକ ବିଫଳତାର ସମ୍ମୁଖୀନ ହୁଅନ୍ତି, ଯାହା ଉଭୟ କଳାକାର ଏବଂ ଦର୍ଶକଙ୍କୁ ଅସନ୍ତୁଷ୍ଟ କରିଥାଏ ।