पंतप्रधान 11 जानेवारी रोजी राजकोटला भेट देणार
January 09th, 12:07 pm
पंतप्रधान 11 जानेवारी 2026 रोजी राजकोटला भेट देतील आणि कच्छ व सौराष्ट्र प्रदेशासाठी आयोजित व्हायब्रंट गुजरात प्रादेशिक परिषदेत सहभागी होतील. दुपारी सुमारे 1:30 वाजता ते परिषदेतील व्यापार प्रदर्शनाचे उद्घाटन करतील. त्यानंतर दुपारी सुमारे 2 वाजता पंतप्रधान राजकोट येथील मारवाडी विद्यापीठात कच्छ आणि सौराष्ट्र प्रदेशासाठीच्या व्हायब्रंट गुजरात प्रादेशिक परिषदेचे उद्घाटन करतील. या प्रसंगी ते उपस्थितांना संबोधितही करतील. या कार्यक्रमादरम्यान, पंतप्रधान 14 ग्रीनफिल्ड स्मार्ट गुजरात औद्योगिक विकास महामंडळ लिमिटेड (जीआयडीसी) वसाहतींच्या विकासाची घोषणा करतील आणि राजकोट येथील जीआयडीसीच्या वैद्यकीय उपकरण पार्कचे उद्घाटन करतील.