पंतप्रधान 14 एप्रिल रोजी उत्तराखंड आणि उत्तर प्रदेशला भेट देणार
April 13th, 04:11 pm
पंतप्रधान नरेंद्र मोदी 14 एप्रिल 2026 रोजी उत्तराखंड आणि उत्तर प्रदेशच्या दौऱ्यावर जाणार आहेत. सकाळी सुमारे 11:15 वाजता, पंतप्रधान उत्तर प्रदेशातील सहारनपूरला भेट देतील आणि दिल्ली-डेहराडून आर्थिक कॉरिडॉरच्या उन्नत भागावरील वन्यजीव कॉरिडॉरचा आढावा घेतील. त्यानंतर, सकाळी सुमारे 11:40 वाजता पंतप्रधान डेहराडूनजवळील जय माँ दात काली मंदिरात दर्शन आणि पूजा करतील. त्यानंतर, दुपारी सुमारे 12:30 वाजता डेहराडून येथे एका सार्वजनिक कार्यक्रमात पंतप्रधान दिल्ली-डेहराडून आर्थिक कॉरिडॉरचे उद्घाटन करतील आणि उपस्थितांना संबोधित करतील.