पंतप्रधानांनी एक्रा येथील नक्रुम्हा मेमोरियल पार्कमध्ये केले अभिवादन
July 03rd, 03:50 pm
पंतप्रधान नरेंद्र मोदी यांनी घाना येथील एक्रा शहरातील नक्रुम्हा मेमोरियल पार्कला भेट दिली आणि घानाचे पहिले राष्ट्राध्यक्ष आणि आफ्रिकन स्वातंत्र्य चळवळीचे अग्रणी डॉ. क्वामे नक्रुम्हा यांना श्रद्धांजली अर्पण केली. त्यांच्यासोबत घानाच्या उपराष्ट्राध्यक्ष महामहीम प्रा. नाना जेन ओपोकू-अजेमांग उपस्थित होत्या. पंतप्रधानांनी डॉ. नक्रुम्हा यांच्या स्मृतीस्थळी पुष्पचक्र अर्पण केले आणि स्वातंत्र्य, एकता आणि सामाजिक न्यायाप्रति त्यांच्या अमूल्य योगदानाबद्दल एक मिनिट मौन पाळून श्रद्धांजली अर्पण केली.