Share
 
Comments
“মহৌশাগীদমক কাঙলোন শীজিন্নবা, তেক্নোলোজীগা থৱায়গী ওইবা খোঙচৎপা পুনশিন্নবা, হায়রিবশিং অসিনা ইচঙ থৌরবা ভারতকী থৱায় ওইরিবনি”
ঙসি মালেম অসিনা ঐখোয়গী স্তার্তঅপশিংদা তুংগীদমক মীৎয়েঙ থম্লি। ঐখোয়গী ইন্দস্ত্রী, ঐখোয়গী ‘মেক ইন ইন্দিয়া’ মালেমগী মঙলান কয়াগী মঙাল অমা ওইরক্লি

ইকায়খুম্নরবগী মশক ওইরবা শ্রী গনবথী সচ্চিদানন্দ স্বামিজী

তিনবিরিবা লম্বোইবা পুম্নমক, দত্তা পীথমবু নীংবিরিবা খুদিংমক, অমদি ইবুংঙো অমসুং ইবেম্মশিং!

এল্লরিকগু…

জয় গুরু দত্ত!

অপ্পাজী অবরিগে,

এম্ভত্তনে বর্ধান্তিয় সন্দর্ভদল্লি,

খুরুমজরি,

হাগু সুভকামনে গত্থু!

মরূপশিং

চহি খরগী মমাঙদা ঐ দত্ত পীথমদা চৎনবগী তাঞ্জা ফংজখি‍। মতমদুদনি অদোম্না ঐবু থৌরম অসিদা শরুক য়ারনবা হায়বিরকখিবা‍। মতমদুদা ঐ শোয়দনা অদোমগী থৌজাল লৌবা লাকখিগনি হায়না পুক্নিংদা লেপখি, অদুবু ঐ লাকপা ঙমখিদে‍। ঐ ঙসি জপানগী খোঙচৎ অমা চৎপা তারে‍। দত্ত পীথমগী চীং লেম্লবা থৌরম অসিদা ঐ হকথেংননা য়াওবা ঙমদ্রবসু, এগী পুক্নিং ৱাখলদি ময়ামগী মরক্তা তিল্লরি‍।

ঙসিগী য়াইফরবা মীৎকুপ অসিদা ঐনা শ্রী গনপথী সচ্চিদানন্দ স্বামি জীগী মফমদা য়াইফ পাউজেল পীজরি‍। পুন্সিগী চহি ৮০ শুরকপা তাঙ্কক অসি য়াম্না মরুওইবা তাঙ্কক্নি হায়না ঐনা লৌজৈ‍। চহি ৮০গী তাঞ্জা অসিবু ঐখোয়গী নাৎ-চৎনবীদা সাহাস্রা চন্দ্রদর্শন হায়নসু লৌনৈ‍। ঐনা ইকায়খুম্নবগী মশক ওইরবা স্বামিজীবু পুন্সি নুংশাংনা পানবা ওইরসনু হায়না য়াইফ পাউজেল পীজরি‍। মহাক্কু তুংইনবা খুদিংগী মফমদসু য়াইফবা ওইরসনু হায়না থম্মোয়নুংদগী য়াইফরোল পীজরি‍।

ঙসি ইকায়খুম্নবগী মশক ওইরবা লাইনিংবা অমদি অখন্নবা মীথুং কয়ানা ‘হনুমত দ্বার’ অসিবুসু শঙ্গাবিরে‍। মসিগীদমক্তসু ঐনা ময়ামগী মফমদা নুংঙাইবা ফোঙদোকচরি‍। গুরুদেব দত্তনা শন্দোকপিরমবা খুন্নাইগী ৱায়েলগী ৱাখল্লোন্না লমজিং ওইদুনা ময়াম অসিনা মালেমসিদা লম্বী অদুদা চঙশিল্লি‍। ঙসি অতোপ্পা লাইশঙ অমসু শঙ্গারে‍।

মরূপশিং,

ঐখোয়গী পুয়াশিংদা অসুম্না হায়রম্মি –

“পরোপকরায়া সতম বিইভুতয়হ”

হায়বদি, লাইনীংবা অমদি চীংলেম্লবা মীওইশিংগী মীংচৎনা ঐখোয়গী থৌগলনি‍। লাইনীংবশিং অসি মীয়ামগী থৌগল তৌনবা অমদি থৱায়বু লমজিংনবা পোক্লকপনি‍। মরম অসিনা লাইনীংবা অমা পোক্লকপা, মহাক্কী পুন্সি অসি মহাকখক্তগী খোঙচৎ নত্তে, মসিদা খুন্নাইগী চাওখৎনবা অমদি নুংঙাই য়াইফনবগী খোঙচৎ অমসু য়াওরি‍। শ্রী গনবথী সচ্চিদানন্দ স্বামিজীগী পুন্সি অসি অচঙবা খুদম অমনি‍। লৈবাকসিগী অমদি মালেমগী কাচিন কোয়া কয়াদা আস্রম কয়া লৈরি, অসিগুমবা অচৌবা লূপশিং অসিগী খেন্নবা থৌরাং লৈজরবসু মখোয়না চঙশিল্লিবা মায়ওন অমদি ইচেলদি চপ মান্নৈ – থৱায় পানবশিংগী থৌগল, থৱায় পানবশিংগী য়াইফবা হায়বসিদনি‍।

 

ইচিল ইনাওশিং,

দত্ত পীথমনা হোৎনরমবশিংগী মরক্তা ঐনা খ্বাইদগী পেঞ্জবা হায়রগদি, থৱায়গী ওইবা লমজিংগা লোয়ননা মতমগী খোঙচৎপুসু য়াওহনবা অসিনি‍। মফমসিদা অচৌবা হনুমানগী লাইশঙ অমা লৈরি, মরম অসিনা মসিদা ৩দি মেপ্পিং, খোঞ্জেল অমসুং মৈগী কুম্হৈ উৎপা য়াবগী মতিং লৈ‍। মফমসিদা অচৌবা উচেকশিংগী লম্পাক অমা লৈবগা লোয়ননা মসিবু চলাইনবগী মতমগা চুনবা থৌওং অমা লৈরি‍।

দত্ত পীথম ঙসি ভেদ নৈননবা অচৌবা মফম অমা ওইরে‍। মসিদসু নত্তনা ঐখোয়গী ইপা ইপুশিংনা থমবিরমবা ঈশৈ, নোংমাই অমসুং খোঞ্জেলবু মীওইবগী হকচাঙ ফনা থম্নবগীদমক কমদৌনা শীজিন্নগদগে হায়বা হীরমসিদা স্বামিজীগী লমজিং মখাদা অনৌবা ৱাখল্লোন অমদা থবক পায়খৎলি‍। মহৌশাগীদমক কাঙলোন শীজিন্নবা, তেক্নোলোজীগা থৱায়গী ওইবা খোঙচৎপা পুনশিন্নবা, হায়রিবশিং অসিনা ইচঙ থৌরবা ভারতকী থৱায় ওইরিবনি‍। স্বামিজীগুম্বা লাইনীংবশিংগী হোৎনজমলগী মপালনা ঙসি লৈবাকসিগী নহাশিংনা মখোয়গী চৎনবীগী মতিং খঙবা ঙম্লিবা অমদি মদুবু মাঙদা পুখৎলিবসিদা ঐ নুংঙাইবা ফাওই‍।

মরূপশিং,

ঙসি লৈবাকসিনা নীংতমবগী ৭৫শুবা চহিগী কুমওন থৌরম পাঙথোক্লিবা মতমসিদা স্বামিজীগী ৮০শুবা মপোক কুমওন থৌরম পাঙথোক্লি‍। ঐখোয়গী লাইনীংবশিংনা মতম পুম্নমক্তা ইশাগী হায়বা ৱাখল্লোনসিগী ৱাংম লান্দুনা পুম্নমক্কী হায়বা ৱাখল্লোনসিদা থবক তৌনবা পুক্নিং থৌগত্তুনা লাক্লি‍। ঙসি লৈবাক অসিনসু ঐখোয়গী ইফমদা ‘সবকা সাথ, সবকা বিকাস, সবকা বিস্বাস অমসুং সবকা প্রয়াস’ হায়রিবা লাইৱা অসিগা লোয়ননা অপুনবগী ফিরেপ অমা লৌমিন্ননবা কৌরক্লি‍। ঙসি লৈবাকসিনা মশাগী অরিবা মতমগী নাৎ-চৎনবীবু মাঙহন্দনা থম্লি, মসিবু য়োকখৎলি অমদি মসিবু অনৌবা মাইওন পীদুনা মতমগা চুনহন্নবা হোৎনরি‍। ঙসি ভারতকী মশক য়োগ অমসুং মসিগী নহাশিংনা তাক্লি‍। ঙসি মালেম অসিনা ঐখোয়গী স্তার্তঅপশিংদা তুংগীদমক মীৎয়েঙ থম্লি‍। ঐখোয়গী ইন্দস্ত্রী, ঐখোয়গী ‘মেক ইন ইন্দিয়া’ মালেমগী মঙলান কয়াগী মঙাল অমা ওইরক্লি‍। হায়রিবা ফিরেপশিং অসি ফংবা ঙম্নবগীদমক ঐখোয় হোৎনবা তাই‍। ঐখোয়গী থৱায়গী ওইবা মফমশিং অসিনা মায়কৈ অসিদা চঙশিনবদা পুক্নিং থৌগৎনবগী মফম অমা ওইহনবা ঐনা পাম্মি‍।

 

 

মরূপশিং,

নীংতমবগী ৭৫শুবা চহিসিদা ঐখোয়না লাক্কদৌরিবা চহি ২৫গী ফিরেপ লৌরি, লাক্কদৌরিবা চহি ২৫গী পান্দম থম্লি‍। দত্ত পীথমগী ফিরেপশিং অসিগা নীংতমবগী মহাউগা মরী শমজিন্নবা য়াগনি হায়না ঐনা খল্লি‍। অদোম্না মহৌশা লাইরেমবীবু য়োকখৎনবা, উচেকশিংগী থৌগলদা মশক থোকপা থবক কয়া তৌরি‍। মায়কৈ অসিদা ঐসু অনৌা ফিরেপ খরা লৌবা পাম্মি‍। ঐখোয় পুম্নমক্না ঈশিং য়োকশিন্নবা, ঐখোয়গী ঈশিংগী হৌরকফমশিং য়োকখৎনবা অমদি তুরেলশিং শাফনা থম্নবগীদমক মীয়ামদা হেন্না মমুৎ তানা খঙহন্নবা পুন্না হোৎনমিন্ননবা ৱাফম ঐনা ময়ামগী মফমদা থমজরি‍।

অমৃৎ মহোৎসবকী মতমসিদা দিস্ত্রিক্ত খুদিংদা অমৃৎ সরোবর ৭৫ শেমগৎলি‍। হায়রিবা পাৎশিং অসি ঙাক শেন্দুনা থম্নবগীদমক ঐখোয়না খুন্নাইগা পুন্না চৎমিন্নবা মথৌ তাই‍। মতৌ অসুম্না স্বচ্চ ভারত অভিয়ানবু লেপ্পা নাইদবা মীয়ামগী ইহৌ অমা ওইনা ঐখোয়না মাঙদা পুখৎপা মথৌ তাই‍। মায়কৈ অসিদা ৱাইশিৎ লমশেংবা মীওইশিংগীদমক্তা স্বামিজীনা লৌরিবা থৌদাং অমসুং খেন্নবা থমবগী মায়োক্তা মখোয়না চঙশিল্লিবা খোঙফমগীদমক্তা ঐনা অখন্ননা থাগৎচরি‍। পুম্নমক্কা মরী শাগৎনবা হোৎনবা হায়বসিনা লাইনীংগী অশেংবা মশক্নি, অমদি ৱাফমসিবু স্বামিজীনা থবক ওইনা উৎলি‍। খুন্নাই শেমগৎপগী, লৈবাক শেমগৎপগী মরুওইবা থৌদাং অসিদা দত্ত পীথম্না লৌরিবা মরুওইবা থৌদাং অসি মখা তানা লৌখিগনি অমদি অনৌবা মতমগী পুন্সি মহিংদা পীরিবা থৌগলগী মশক অসি মখা তানা পীখিগনি হায়না ঐনা থাজৈ‍। মসিমক থৱায়গী থৌগল তৌদুনা সিভগী থৌগল তৌবগী ফিরেপ ওইরিবনি‍।

ঐনা অমুক্কা হন্না শ্রী গনপতি সচ্চিদানন্দ স্বামিজীগী পুন্সি নুংশাংনবগীদমক তাইবং মপুগী মফমদা থৌনিজরি‍। মহাক্কী হকচাঙ ফনা লৈবা ওইরসনু‍। খুন্নাই অসিগী মতিংসু দত্ত পীথমগী মতৌগুম হেন্না হেন্না কনখৎলকপা ওইরসনু‍ হায়বা ৱাখল্লোনসিদা ময়াম পুম্নমকপু হন্না হন্না থাগৎচরি!

Share beneficiary interaction videos of India's evolving story..
Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
India's cumulative Covid-19 vaccination coverage exceeds 1.96 bn mark

Media Coverage

India's cumulative Covid-19 vaccination coverage exceeds 1.96 bn mark
...

Nm on the go

Always be the first to hear from the PM. Get the App Now!
...
Social Media Corner 26th June 2022
June 26, 2022
Share
 
Comments

The world's largest vaccination drive achieves yet another milestone - crosses the 1.96 Bn mark in cumulative vaccination coverage.

Monumental achievements of the PM Modi government in Space, Start-Up, Infrastructure, Agri sectors get high praises from the people.