“অম্মাগী মশেক-মঙাল অমসুং মহাক্কী থৌজাল ৱাহৈশিংনা ফোঙদোকপা ৱাগনি, ঐখোয়না মসি পুক্নিং খক্তদা ফাওগনি”
“নুংশিবা, মীগী অৱাবা খঙবা, থবক অমসুং কৎথোকপনা অম্মা শেম্বনি। মহাক ভারতকী অধ্যাতিক্কী চৎনবী লমজিংবীনি”
“হকশেল নত্ত্রগা লাইরিক-লাইশুগী লমদা ওইগেরা, অম্মাগী লমজিং মখাদা লৈবা লোয়শঙ খুদিংমক্না মীওইবা অমসুং খুন্নাইগী য়াইফনবা অনৌবা থবকশিং পায়খৎলি”
“মালেম শীনবা থুংনা অম্মাগী তুংইনবশিং লৈরি অমসুং মহাক্না মতম পুম্নমক্তা ভারতকী মিংচৎ অমসুং লৈবাক অসিগী তৌবা মপাঙ্গল কনখৎহল্লি”
“লায়চৎ মতুংগী ঙসিগী মালেম্না য়ানরবা ভারতকী মীওইবদা য়ুম্ফম ওইবা চাউখৎপগী থবক্কী মমি অমা অম্মানা ওইরে”

ঙসি ভিদিও মেসেজগী খুৎথাংদা প্রধান মন্ত্রী শ্রী নরেন্দ্র মোদীনা অম্মা, মাতা অমৃতানন্দময়ী জিগী ৭০শুবা মপোক নুমিৎ থৌরমদা ৱা ঙাংখ্রে।

মহাক্কী ৭০শুবা মপোক নুমিৎতা পুন্সি শাংবা অমসুং হকচাং ফবা পুন্সি অমা লৈনবা মাতা অমৃতানন্দময়ী জিগী মফমদা য়াইফ-পাউজেল পীরদুনা প্রধান মন্ত্রীনা মহাক্কী ৱারোল হৌখি অমসুং মহাক্না হায়খি মহাক থবক অমসুং অধ্যাতিক্কী খুদম অমনি। মালেম শীনবা থুংনা নুংশিবা অমসুং মীওইবগী অৱাবা খঙবা শন্দোক্নবা মহাক্কী মিসন মখা তানা খুমাঙ চাউশিনগনি হায়বগী থাজবা থম্লি। থৌরম অদুদা তিনখিবা অম্মাগী তুংইনবশিং য়াওনা তোঙান-তোঙানবা শীনফমশিংগী মীওইশিংদা প্রধান মন্ত্রী মোদীনা মহাক্কী য়াইফ-পাউজেল পীখি অমসুং থাগৎপা ফোঙদোকখি।

চহি ৩০ হেন্না অম্মাগা মহাক্কা লোয়নরকখিবা অদু পল্লদুনা কুছতা য়ুহা হাখ্রবা মতুংদা মতম শাংনা মহাক্কা থবক তৌমিন্নখিবা অদু প্রধান মন্ত্রীনা নিংশিংখি। অমৃতপুরিদা অম্মাগী চহি ৬০শুবা মপোক নুমিৎ থৌরম পাংথোকখিবা অদু প্রধান মন্ত্রীনা নিংশিংখি। প্রধান মন্ত্রীনা হায়খি ঙসি ফাওবা, অম্মাগী মোমোন নোকপা মাইথোং অমসুং লুনা-চান্না তৌবা মতৌ অদু হান্নগুম লেংদনা লৈরি। হৌখিবা চহি ১০ অসিদা অম্মাগী থবক অমসুং মালেম শীনবা থুংনা মহাক্কী ইথিল অঙকপা ফংনা হেনগৎলক্লে অমসুং অম্মাগা লোয়ননা হরিয়ানাগী ফরিদবাদতা অমৃত হোস্পিতাল শঙ্গাখিবা অদু নিংশিংখি। মহাক্না হায়খি অম্মাগী মশেক-মঙাল অমসুং মহাক্কী থৌজাল ৱাহৈশিংনা ফোঙদোকপা ৱাগনি, ঐখোয়না মসি পুক্নিং খক্তদা ফাওগনি। নুংশিবা, মীগী অৱাবা খঙবা, থবক অমসুং কৎথোকপনা অম্মা শেম্বনি। মহাক ভারতকী অধ্যাতিক্কী চৎনবী লমজিংবীনি।

লৈবাক মনুং অমসুং মপান লৈবাকশিংদা অম্মাগী থবকশিং অমসুং লোয়শঙশিং য়োকখৎপা অদু পল্লদুনা প্রধান মন্ত্রীনা হায়খি হকশেল নত্ত্রগা লাইরিক-লাইশুগী লমদা ওইগেরা, অম্মাগী লমজিং মখাদা লৈবা লোয়শঙ খুদিংমক্না মীওইবা অমসুং খুন্নাইগী য়াইফনবা অনৌবা থবকশিং পায়খৎলি। লৈবাক অসিদা লু-নানবগী খোঙজং হৌদোকপা মতমদা মসি মাইপাক্নবা অহানবা ওইনা মাংজিল থানবা থোরকখিবা মীওইশিংগী মনুংদা অম্মা য়াওখি। লু-নানবা হেনগৎহন্নবা গঙ্গাগী তোর্বানশিংদা তোইলেতশিং শানবা মহাক্না লুপা করোর ১০০ কৎখি। মালেম শীনবা থুংনা অম্মাগী তুংইনবশিং লৈরি অমসুং মহাক্না মতম পুম্নমক্তা ভারতকী মিংচৎ অমসুং লৈবাক অসিগী তৌবা মপাঙ্গল কনখৎহল্লি। ইথিল কল্লবা মতমদা, থবকশিংশু মপাঙ্গল কনখৎলকই।

প্রধান মন্ত্রীনা হায়খি লায়চৎ মতুংগী ঙসিগী মালেম্না য়ানরবা ভারতকী মীওইবদা য়ুম্ফম ওইবা চাউখৎপগী থবক্কী মমি অমা অম্মানা ওইরে। হকচাংগী ফিবমদা মীমান্নদ্রবশিং য়াইফনবা মতম পুম্নমক্তা অম্মানা থবক তৌখি অমসুং তোল্লবশিংগী মীৎয়েং চঙখি। নুমিৎ খরনিগী মমাঙদা সংসদতা নারী শক্তি বন্দন অধিনিয়ম পাস তৌখ্রে। অম্মাগুম্বা মীওইনা ইথিল পীদুনা নুপীনা মাংজিল থাবা চাউখৎপা পুরক্নবা ভারত মাঙলোমদা চঙশিল্লি। মালেমদা শান্তি অমসুং চাউখৎপা পুরক্নবা অম্মাগী তুংইনবশিংনা মখা তানা থবক তৌগনি হায়বগী থাজবা থম্লি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India on track to become $10 trillion economy, set for 3rd largest slot: WEF President Borge Brende

Media Coverage

India on track to become $10 trillion economy, set for 3rd largest slot: WEF President Borge Brende
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 23 ফেব্রুৱারি, 2024
February 23, 2024

Vikas Bhi, Virasat Bhi - Era of Development and Progress under leadership of PM Modi