প্রধান মন্ত্রী শ্রী নরেন্দ্র মোদীনা জুন ১৪দা মহারাস্ত্রদা চৎকদৌরি। নুংথিল পুং ১:৪৫রোম তারকপদা প্রধান মন্ত্রীনা পুনেগী দেহুদা জগতগুরু শ্রীসন্ত তুকারাম মহারাজ মন্দির শঙ্গাগনি। নুমিদাংৱাইরম পুং ৪:১৪রোম তারকপদা প্রধান মন্ত্রীনা মুম্বাইগী রাজ ভবনদা জল ভুশ ভবন অমসুং রিভোল্যুস্নরীশিংগী গেলরী শঙ্গাগনি। মসিগী মতুং নুমিদাং পুং ৬ তারকপদা প্রধান মন্ত্রীনা মুম্বাইগী বান্দ্রা কুর্লা কম্প্লেক্সতা মুম্বাই সমাচারগী স্বিশতাবদী মহোৎসবতা শরুক য়াগনি।
পুনেদা পি.এম.
প্রধান মন্ত্রীনা পুনেগী দেহুদা জগতগুরু শ্রীসন্ত তুকারাম মহারাজ মন্দির শঙ্গাগনি। সন্ত তুকারাম অসি ৱারকরী সন্ত অমসুং কবি অমনি, মহাক অসি কীর্তন হায়না খঙনবা লাইনীং-লাইশোনগী ঈশৈশিংগী খুত্থাংদা অভঙ্গ ভক্তি শৈরেং অমসুং কম্ম্যুনিতী-ওরিয়েন্তেদ ওইনা থৌনিবগীদমক মশক খঙনৈ। মহাক্না দেহুদা লৈরমখি। মহাক্না লৈখিদ্রবা মতুংদা শিলা মন্দির অমা শাখি, অদুবু মসি মশক মওংদা মন্দির অমা ওইনদি শাখিদে। মসি পীক ৩৬ য়াওহন্দুনা নুংনা অমুক হন্না শাখি অমসুং সন্ত তুকারামগী মীতম অমসু য়াওহনখি।
মুম্বাইদা পি.এম.
প্রধান মন্ত্রীনা মুম্বাইগী রাজ ভবনদা জল ভুশ ভবন অমসুং রিভোল্যুস্নরীশিংগী গেলরী শঙ্গাগনি। জল ভুশন অসি ইং কুমজা ১৮৮৫দগী হৌনা মহারাস্ত্রগী রাজ্যপালগী ওফিসিএল রেসিদেন্স ওইদুনা লাকখি। মাগী মতম লোইরদুনা মসি থুগাইখি অমসুং মসিগী মফম অসিদা অনৌবা বিল্দিং অমা শাহনখি। ইং কুমজা ২০১৯গী ওগস্ততা ভারতকী ইকাই খুম্নরবা রাস্ত্রপতিনা অনৌবা বিল্দিংগী উরেপ-উয়ুং তমখি। নৌনা শারিবা বিল্দিং অসিদা অরিবা বিল্দিংগী অখন্নবা মশক-মওং পুম্নমক ঙাক্তুনা থমখি।
ইং কুমজা ২০১৬দা মহারাস্ত্রগী রাজ্যপাল, শ্রী বিদ্যাসগর রাওনা রাজ ভবন অসিদা বঙ্কর অমা থেংনখি। মসি ঙল্লিঙৈ মতমদা ব্রিতিশশিংনা খুৎলাইশিং থম্নবা অরোনবা কা ওইনা শীজিন্নরমখি। বঙ্কর অসি ইং কুমজা ২০১৯দা নৌনা শেমজিনখি। গেলরী অসি মহারাস্ত্রগী নীংতম লান্মী অমদি রিভোল্যুস্নরীশিংনা শরুক তম্বীরমখিবা অদু ইকাই খুম্নবা উৎপা ওইনা বঙ্কর মনুংদা অখন্নবা মখলগী ম্যুজিয়ম অমা ওইনা শাখি। মসিনা বাসুদেব বলৱন্ত ফদকে, চাপেকর মচিল-মনাওশিং, সাবরকর মচিল-মনাওশিং, মেদম ভীকাজী কামা, ভি.বি. গোগেত, ইং কুমজা ১৯৪৬কী নেবেল ম্যুতিনী অমদি অতোপ্পা কয়ানা শরুক তমখিবশিং অদুবু ইকাই খুম্নবা উৎলি।
প্রধান মন্ত্রীনা মুম্বাইগী বান্দ্রা কুর্লা কম্প্লেক্সতা মুম্বাই সমাচারগী স্বিশতাবদী মহোৎসবতা শরুক য়াগনি। চয়োলগী ওইনা মুম্বাই সমাচার ফোঙবা অসি ফর্দুনজী মরজবানজীনা ইং কুমজা ১৮২২গী জুলাই ১দগী হৌখি। মসি ইং কুমজা ১৮৩২দগী নুমিৎ খুদিংগী ফোঙবা হৌখি। পাউচে অসি চহি ২০০ চুপ্না লেপ্পা লৈতনা ফোঙদুনা লাকখি। অখন্নবা মাইপাকপা অসি পালন তৌবা ওইনা থৌরম অসিদা পোস্তেল স্তাম্প অমসু রিলিজ তৌগনি।
