Share
 
Comments
লৈবাক শিনবা থুংনা ঈশিং য়োকশিন্নবগীদমক পাইখৎপা য়াবা থৌরাং পাইখৎলি; মীদিয়ানা ঈশিং য়োকশিন্নবগীদমক অনৌবা খোংজং কয়া পাইখৎপা হৌরেঃ #মন কী বাত্তা প্রধান মন্ত্রী
অৱাং নোংপোক্কী অঙকপা রাজ্য মেঘালয়না লৈবাক অসিগী অহানবা ৱাতর পোলিসী চৎনবা অহানবা রাজ্য ওইরেঃ #মন কী বাত্তা প্রধান মন্ত্রী
#মন কী বাত্তা প্রধান মন্ত্রীঃ ঈশিং য়োকশিন্নবগী পাওজেল পীনবগীদমক মেলাবু পাম্বৈ অমা করিগী ওইহল্লোইদৌরিবনো?
#মন কী বাত্তা প্রধান মন্ত্রীঃ প্রধান মন্ত্রীনা কেন্সরবু মাইথিবা পীখিবা অমদি ভারতকী শান্ন-খোৎনবগী অথোই অহেন তান্নবদা মাই পাক্লকখিবা নহা ওইরিবা অঙাংশিংবু ‘চেম্পিয়ন’ হায়দুনা শিংথাখ্রে
২০১৯ অসি ভারতকী স্পেস মিশনগী মশক থোকপা চহি অমা ওইরগনিঃ #মন কী বাত্তা প্রধান মন্ত্রী
চন্দ্রয়ান-২ থাগৎখিবা অসিনা ইরৈবাকচা পুম্নমক্কী পুক্নিংদা চাউথোকচবা অমদি থৱাই য়াওবা অমসুং হরাওবা ফাওহল্লেঃ #মন কী বাত্তা প্রধান মন্ত্রী
চন্দ্রয়ান-২না থাগী মরমদা ঐখোয়দা হেন্না খঙবা ঙমহল্লগনিঃ #মন কী বাত্তা প্রধান মন্ত্রী
চন্দ্রয়ান-২ অসি মপুং ফানা ইরমদমগী পোৎথোক্নি। মসিগী থমোই ভারতীয়নি অমসুং থৱাই ভারতীয়নিঃ #মন কী বাত্তা প্রধান মন্ত্রী
ঐখোয়না ঐখোয়গী পুন্সিদা মতম খরগী ওইবা মাই পাক্তবা কয়া থেংনরি, অদুবু মসিদগী লান্থোক্নবগী থৌনা ঐখোয়গী নুংদা য়াওরি হায়বসি মতম পুম্নমক্তা কাওরোইদবনিঃ #মন কী বাত্তা প্রধান মন্ত্রী
#মন কী বাত্তা প্রধান মন্ত্রীঃ প্রধান মন্ত্রী মোদীনা স্কুলগী অঙাংশিংগীদমক ক্বিজ কম্পিতিসন অমা লাওথোকখ্রে, খ্বাইদগী হেনবা অদু চন্দ্রয়ান্না থাগী লৈমাইদা তাবা অদু য়েংহনগদৌরি!
চহি মঙাগী মমাংদা হৌদোকখিবা স্বচ্ছতাগী ওইবা মীয়ামগী ইহৌ অসি অনৌবা মফম অমা কনবা ঙমলেঃ #মন কী বাত্তা প্রধান মন্ত্রী
#মন কী বাত্তা প্রধান মন্ত্রীঃ প্রধান মন্ত্রীনা জম্মু অমসুং কশ্মীরদা পাংথোকখিবা ‘বেক তু ভিলেজ’ (খুঙ্গংদা হল্লকপা) থৌরম শিংথাখ্রে
‘বেক তু ভিলেজ’ (খুঙ্গংদা হল্লকপা) থৌরম অসি জম্মু অমসুং কশ্মীরগী মীয়াম্না অফবা লৈঙাক পাম্মি হায়বগী খুদমনিঃ #মন কী বাত্তা প্রধান মন্ত্রী
জুলাই ১ ফাওবদা লাখ অহুমদগী হেনবা লাইনীংবশিংনা শেংলবা অমরনাথকী লাইশঙদা লাকখ্রেঃ #মন কী বাত্তা প্রধান মন্ত্রী
উত্তরাখন্দা চারধাম য়াত্রা হৌখিবদগী, থা অমগা মখাইগী মনুংদা লাইনীংবা লাখ নিপাল হেনবনা কেদরনাথ ধামদা লাকখ্রেঃ #মন কী বাত্তা প্রধান মন্ত্রী
ঈশিং ইচাউনা শোকহল্লবা মীয়ামদা কেন্দ্র অমসুং রাজ্য সরকারনা য়াম্না অথুবা মওংদা মখল খুদিংমক্কী তেংবাং ফংহনগনি হায়না ঐনা থাজবা পীজরিঃ #মন কী বাত্তা প্রধান মন্ত্রী

ঐগী নুংশিজরবা ইরৈচাশিং, খুরুমজরি। মন কী বাত অসি মহৌশাগুম ঐহাক্নসু অদুগা ময়াম্নসু লাংতক্ননা ঙাইদুনা লৈ। হন্দকসু চিথী ময়াম অমা, ফোন কোল ময়াম অমা লাকই – ৱারী কয়া অমা, পামজবা ফোংদোরকপা ময়াম অমা, মীয়ামদগী লৌবা য়াবা ৱাখল্লোন কয়া অমা – মীপুম খুদিংনা করিনো খরদি হায়নীংলি, করিনো খরদি পাংথোক্নীংলি, ইনোৎ অমনি। ময়াম অদুদগী ঐ খরা লৌখৎচগে, লোইনমক লৌখৎচনীংই অদুবু মতমগী ঙমখৈ হায়বা অমা লৈবনিনা লৌখৎপা ঙমজদ্রে। ঐদি ময়াম্না ঐবু চাংয়েংলিব্রা হায়না খঞ্জিল্লকপা য়াওরবনি, অদুম ওইনমক ময়ামগী ৱাফম অদু মন কী বাতকী লংলাদা লেংলগা অমুক হন্না ময়ামগী মফমদা লান্থোকচরি।

মমাংদা ঐহাক্না প্রেমচন্দজীগী ৱারী মচাগী মরমদা পঞ্জখিবা অদু নীংশিংবীরমগনি, লোইননা লাইরিক অদু পাবীবশিংনা মদুগী মরমদা নরেন্দ্র মোদী এপকী খুত্থাংদা মীয়ামদা খঙহন্ননবা য়ৌহনবীরক্নবা হায়জখি। অদুবু মীয়াম্না অতোপ্পা লাইরিক কয়া পারুরগা মদুগী মরম অদুসু খঙহনবীরকখি। মীয়াম্না বিজ্ঞান, তেক্নোলোজী, অনৌবা পুথোকপা, পুৱারী, চৎন- লোনচৎ, ললোন- ইতিক, পুন্সি ৱারী কয়া অসিদা য়ুম্ফম ওইবা লাইরিকশিং নৈনবীরকই। মী খরনসু ঐঙোন্দা অতোপ্পা লাইরিকশিংগী মরমদা হায়বীরক্নবসু খঙহনবীরকখি। হোয়, ঐ অতোপ্পা লাইরিকশিংগী মরমদসু ময়ামদা খঙহঞ্জগে, অদুবু ৱাফম অদি মসি ময়াম্না য়াবীগনি খল্লি মদুদি ঐ হৌজিক লাইরিক পাবদা মতম য়াম্না পীবা ঙমজদ্রে। অদুবু কান্নবা অমদি ময়াম্না ইরগা থাবীরকপদগী অতোপ্পা লাইরিক কয়া অমগী মরমদা খঙহঞ্জবগী খুদোংচাবা ফংজরে। অদুবু হৌখিবা থা অমগী এক্সপিরিয়েন্সতগী ঐহাক্না ৱাফম অসি খুমাং চাউশিনবনা ফগনি খল্লি। ঐখোয়না নরেন্দ্র মোদী এপতা পর্মনেন্ত বুক কোর্নর অমা শেম্বা য়াইনা। কনাগুম্বা অমনা অনৌবা লাইরিক অমা হেক পাবগা মদুগী মরমদা মফমদুদা ইবা, নৈনবা অমদি ময়াম্না বুক কোর্নর অসিদা চান্নবা ফজবা মমিং অমা থোনবীবসু য়াইনা। লাইরিক পাবা পামজবশিংগী অচম্বা প্লেৎফোর্ম অমা বুক কোর্নর অসিনা ওইহনবা য়াই। ময়াম্না পাবীয়ু, ইবীয়ু অমসুং মন কী বাতকী মরূপশিংগা লোইননা পাও ফাওদোকমিন্নসি।

মরূপশিং ঈশিং য়োকশিনবগী মরমদা ঐহাক্না মন কী বাত্তা পনজখি অদুবু ঙসিদি ঐহাক্না খঙজরে ঐহাক্না হায়দ্রিঙৈদা ঈশিং য়োকশিনবগী থবক অসি ময়ামগী থমোইদা তিং পানবা হিরম অমা ওইনা মীচম মীয়ামগী খ্বাইদগী পামজবা হিরম্নি। ঈশিংগী ৱাফমদা হিন্দুস্তানগী মীয়ামগী থৱাই হকচাং য়াওরিবনি। ঈশিং য়োকশিনবগী খোংজং অসিদা লৈবাক অসিগী মীয়াম হুপ্না লেপ্পা লৈতনা হোৎনরি। মীয়াম্না থাইনদগী চৎনরবা থৌওংশিংবু অমুক মীয়ামদা খঙহল্লি। মীদিয়ানসু ঈশিং য়োকশিনবগী থৌরাং অসিদা ইনোবেতিব ওইবা কেম্পেন কয়া হৌখ্রে। লৈঙাক, এন.জি.ও.শিং পুম্নমক্না অকনবা থৌরাং তৌরি। অপুনবগী শক্তম থৌনা, তৌবা ঙম্বা অসি উবদা থমোইদা য়াম্না নুংঙাইবা অমা ফাওই পেঞ্জৈ। খুদম ওইনা হায়রবদা ঝার্খন্দা রাঞ্চিদগী খরা লাপথোক্না ওরামাঞ্চি ব্লোক্কী আরা কেরম খুঙ্গংদা খুলগী মীশিংনা ঈশিং য়োকশিন্নবা তৌরিবা থৌরাং অদু লৈবাক পুম্বগী তমজনীংঙাই ওইরে। খুলগী মীশিংনা চিংদগী চেন্থরকপা ইচেল অদু কন্না হোৎনদুনা মায়কৈ চুম্না চেন্থহল্লে, মদুসু তশেং তশেংবা থাইনগী মওংদা, মসিদা লৈবাক চেন্থবা অমদি মহৈ মরোংদা ঈশিং থুমজিনবা কোকহনবতা নত্তনা লৌবুকশিংদসু ঈশিং ফজনা ফংহল্লে। ময়াম্না ৱাফম অসি খঙবদা নুংঙাইবা ফাওগনি মদুদি অৱাং নোংপাক ভারতকী মেঘালয় রাজ্যনা লৈবাক অসিগী অহানবা ৱাতর পোলিসী লৈবা রাজ্য ওইরে। ঐহাক্না মফম অসিগী সরকারবু থাগৎপা ফোংদোকচরি।

হরিয়ানাদা ঈশিং য়াম্না চংদবা অমদি লৌমীশিংদা খুদোংচাদবা কয়া থোকহন্দবা মহৈ- মরোং থাবদা হেন্না মায় ওন্সিল্লি। লৌমীশিংদা হকথেংননা ৱারী শাদুনা মখোয়না থাইনদগী চৎনরকপা লৌউ পথাপতগী হন্দোরক্লগা ঈশিং য়াম্না চংদবা মহৈ মরোং থাবদা মায় পাকপগীদমক হরিয়ানা সরকারবু ঐনা হন্না হন্না থাগৎচরি।

হৌজিক্তি কুমহৈ ফিয়োংশিংগী মতম ওইরক্লে। তঞ্জাশিং অসিদা মেলা কয়া তৌই। মেলাশিংগী মতেংনা ঐখোয়না ঈশিং য়োকশিনবগী থৌরাং অসি হেঙ্গৎহনবা য়াই। মেলাশিংদা খুন্নাইগী কাংলুপ খুদিং অমদি জাৎ খুদিংগী মী লাকই। মেলাশিং অসিনা ঈশিং য়োকশিন্নবা পাওজেল অসি মায়পাক্না পীবা য়াই, উত্তুনা য়েংহনবা য়াই, স্ত্রীৎ কোর্নর প্লে তৌবা য়াই, অসুম্না তৌরবদি হরাও তয়াম্বগা লোইননা ঈশিং য়োকশিন্নবা পাওজেল অসি মীপুম খুদিংদা য়ৌহনগনি।

মরূপশিং, পুন্সিদা ৱাফম খরনা ঐখোয়বু নুংঙাইহল্লি অদুগা থোইদোক্না অঙাংশিংগী মায় পাকপা, মখোয়গী থবক থৌরমশিং অসিনা ঐখোয়দা থৌনা হাপ্পি। মরম অসিনা ঙসি ঐহাক্না অঙাং খরগী মরমদা পঞ্জগে। মখোয় অদুদি নিধী বাইপোতু, মোনিশ জোশী, দেবনশি রাৱৎ, তনুশ জেন, হর্শ দেবধর্কার, অনন্ত তিৱারী, প্রীতি নাগ, অথরবা দেশমুখ অরোনয়াতেশ গাঙ্গুলী অমদি রিতিক অলামানদানি।

ঐ মখোয়গী মরমদা হায়জগে, মদু তাবদা ময়ামসু চাউথোকচবা অমদি নুংঙাইবনা লোয়গনি। কেন্সর হায়বা ৱাহৈ অসিদা ময়াম পুম্নমক্না কিনৈ হায়বসি খঙনরবা ৱাফম্নি, অশিবনা থোংজিলদা লেপলরে হায়না খন্নরিবনি। অদুবু অঙাং তরা অসিনা পুন্সিগী লানফমদা শুপ্নতংগী কেন্সর হায়বা কিনরবা লৈনা অসিবু মায়থিবা পীবদা নত্তনা মখোয়না তৌথোরকপা থবক্না মালেমদা ভারতকী মীংচৎ পুরকখি। শান্নবদা ঐখোয়না খঙবদা শান্নরোই অদুনা তুর্নামেন্ত অদু থোইরবা অমদি মেদল ফংলবা মতুংদা চেম্পিয়ন ওই। অদুবু মসি অতাংবা থৌদোক্নি, মখোয়না শান্নবা য়াওদ্রিঙৈ মমাংদা হান্ননা চেম্পিয়ন ওইরে, অদুসু পুন্সিগী লানফমদা চেম্পিয়ন।

তশেংনা থা অসিদা মোস্কোদা ৱার্ল্দ চিলদ্রেন্স ৱিনর্স গেম পাংথোকখি। মসি অঙকপা স্পোর্তস তুর্নামেন্ত অমনি। মসিদা নহা ওইরিবা কেন্সরদগী হিংহৌরবা নহাশিংনা শরুক য়াই। তুর্নামেন্ত অসিদা শুতিং, শত্রং, ইরোইবা, লমজেল, ফুৎবোল অমসুং তেবল তেনিসনচিংবা মশান্নশিং য়াওরি। ঐখোয়গী লৈবাক্কী চেম্পিয়ন তরা অসিনা তুর্নামেন্ত অসিদা মেদল ফংলকখি। মখোয়গী মরক্তগী শান্নরোই খরদি মশান্না অমদগী হেনবদা মেদল ফংলকখি।

ঐগী নুংশিজরবা ইরৈবাকচাশিং, ময়াম্না অতিয়াগী ৱাংমদা শুন্দ্রংদা ভারতনা মায় পাকপগী ৱারীদা শোয়দনা চাউথোকচরমগনি… চন্দ্রয়ান ২।

রাজস্থানগী জোধপুরদগী সঞ্জিব হরিপুরা, কোলকতাদগী মহেন্দ্র কুমার দাগা, তেলঙ্গনাদগী পি. অর্বিন্দ রাওনচিংবা লৈবাক্কী তোঙান তোঙানবা মফম কয়াদগী মীওই কয়ানা নরেন্দ্র মোদী এপ অমদি মাই গোবতা মন কী বাত্তা চন্দ্রয়ান ২গী মরমদা শোয়দনা ঙাংবীনবা ইবীরকই।

তশেংনমক শুন্দ্রংগী মায়কৈদা ২০১৯ অসি ভারতকী ওইনদি য়াম্না ফবা চহী ওইরে। ঐখোয়গী বিজ্ঞানিকশিংনা মার্সতা এ – সেত লোঞ্চ তৌখি। মদুগী মতুংদা চন্দ্রয়ান ২, মীখলগী চরাংনবা মরক্তুদা এ – সেৎকুম্বা মরুওইবা থৌদোক অসিগী মরমদা কয়া নৈনখিদ্রে। অদুবু ঐখোয়না এ – সেৎ মিসাইলগী মতেংনা শুপ্নতংগী মিনিৎ অহুমদা কিলোমীতর ৩০০ লাপ্না লৈবা সেতেলাইত অমা কাপথবা ঙম্বগী শক্তি অদু লৈরে। ভারত অসিগুম্বা মীংচৎ অসি ফংলবা মালেমগী মরিশুবা লৈবাক্নি। হন্দক জুলাইগী তাং ২২দা শ্রীহরিকোতাদগী চন্দ্রয়ান ২ খোংশানখিবা অদু লৈবাক মীয়াম্না য়াম্না চাউথোকচনা য়েংনখি। চন্দ্রয়ান ২ পায়খৎখিবগী ফোতোশিংনা লৈবাক মীয়াম্বু চাউথোকচবা অমদি হরাও নুংঙাইবনা থনখি।

চন্দ্রয়ান ২ মসিগী খোংজং অসি মায়কৈ কয়াদা থোইদোক হেন্দোকই। মসিনা ঐখোয়না থাগী মরমদা খঙলিবা অসি অমুক্কা হেন্না ফজনা ময়েক শেংহল্লগনি। ঐখোয়না থাগী মরমদা হেন্না খঙবা ঙম্লগনি অদুবু করিগুম্বা ঐঙোন্দা চন্দ্রয়ান ২দগী করি খঙলবগে হংলক্লবদি ঐনা হায়গনি, ৱাফম অনিখক খঙহৌরে মদুদি থাজবা অমদি অকিবা লৈতবা। ঐখোয়না ইশাগী তেলেন্ত অমদি কেপাসিতীদী থাজবা থমগদবনি; ময়াম্না মসি তাবদা য়াম্না হরাওগনি মদুদি চন্দ্রয়ান ২ অসি তশেংনা হায়রবদা ভারতকী অশেংবা পোত্থোক্নি, পুক্নিং হকচাং অনিমক ভারতনি, মপুং ফারবা ইরৈবাক্কী খোংজংনি। খোংজং অসিনা মসি তশেংনা তাক্লি মদুদি অনৌবা লমদা অনৌবা খরা তৌগে, অনৌবা পুথোক্কে খল্লবদি ঐখোয়গী বিজ্ঞানিকশিং অসি ময়ামদগী থোইদোক হেন্দোকই, মালেমগী থাক্তা লৈরিবনি।

অনিশুবা মরুওইবা পারা অমনা করিগুম্বা অয়েৎ অপন অমত্তদা পাখৎলোয়দবনি নীংহন্নরোইদবনি। ঐখোয়গী বিজ্ঞানিকশিংনা অকক্নবা মতমদা অহিং নুংথিল খাক্তনা থবক শুদুনা, তেক্নিকেল ওইবা থবক থৌরম কয়া শেম্দুনা চন্দ্রয়ান ২ থাগৎখিবা অসি অঙকপা থৌদোক অমনি। বিজ্ঞানিকশিংগী অকনবা লাইনীং অদু মালেম পুম্বনা উরে। মসিদা ঐখোয়গী চাউথোকচনীংঙাইনি অদুগা অয়েৎ অপন কয়া য়াওরবসু মফম অদুদা থুংলুবগী মতম হোংদোক্তবা অসিনি, মসিদনি মীয়াম্না ঙক্নরিবা অসি। ঐখোয়গী পুন্সিদা থুদক্তা লাকপা খুদোংথিবা অয়েৎপা কয়া লাকই অদুবু মদুবু মায়োক্নবগী থৌনা অদু ঐখোয়দা য়াওজরি। চন্দ্রয়ান ২গী খোংজং অসিনা লৈবাক অসিগী নহাশিংদা সাইন্স অমসুং ইনোবেসনগী ৱাখল্লোন শোয়দনা পোকহনগনি। তশেংনমক বিজ্ঞান হায়বসি চাউখৎপগী লম্বেলনি। হৌজিক ঐখোয় লাংতক্ননা সেপ্তেম্বর থা ফাওবা ঙাইমিন্নরশি, মতমদুদা থাগী লৈমায়দা তারুগদৌরিবা লেন্দর বিক্রম অমসুং বোভর প্রগ্যান্না থাদা তাবা অদু য়েংমিন্নরশি।
ঙসি মন কী বাতকী খুথাংদা লৈবাক অসিগী নহাশিংদা য়াম্না নুংঙাইবা চাংদম্নবা অমা পাউদমজনীংই… মসিগা লোইননা লৈবাক অসিগী নহারোলশিংদা ক্বিজ চাংদম্নবা অমা য়াওনবা হায়জরি। চাংদম্নবা অসিগী মরুওইবা হিরমশিংদি শুন্দ্রংগা মরী লৈনবা ৱাফম, ভারতকী সুন্দ্রংগী খোংচৎ অমদি সাইন্স অমসুং তেক্নোলোজীনি। খুদম ওইনা হায়রবদা রোকেৎ লোঞ্চ তৌনবগীদমক করি করি চংবগে, সেতেলাইত অদু মতৌ করম্না ওর্বিত্তা থম্বগে অদুগা সেতেলাইত্তগী ঐখোয়না করি করি খঙবা ঙম্বগে, এ – সেৎ হায়বসি করিনো… অসিনচিংবা ৱাফম য়াম্না লৈখ্রে। মাই গোব ৱেবসাইত্তা চাংদম্নবা অসিগী অকুপ্পা ৱারোল থাগৎলক্কনি।

ঐহাক্না নহারোল অমদি মহৈরোই মরূপশিংদা হায়জনীংবদি ক্বিজ কম্পিতিসন অসিদা শরুক য়াবীয়ু, চাংদম্নবা অসি কাওঙমদবা অমা ওইহনবীয়ু। ঐহাক্না স্কুলশিংদা থৱাই য়াওবা মহৈরোইশিং ওজাশিংদা হায়জনীংবদি ইশা ইশাগী স্কুলনা মকোক ওইনবা কন্না হোৎনসি, মহৈরোই পুম্নমকপু ক্বিজ অসিদা য়াওহন্নবা পুক্নিং থৌগৎসি। অদুগা নুংঙাইবা ৱাফম অমনা রাজ্য খুদিংমক্কী মকোক ওইবা মহৈরোই অদু ভারত সরকারনা শেল পুথোক্লগা শ্রীহরিকোতাদা পুরগা সেপ্তেম্বর থাদা চন্দ্রয়ান্না থাগী লৈমায়দা তাবা অসি উহনগনি। মায় পাকপা মহৈরোইশিং অদুগী পুন্সিদা য়াম্না নুংঙাইবা কাউঙম্লরোইদবা থৌদোক ওইগদৌরিবনি অদুবু মসিগীদমক ক্বিজ চাংদম্নবা অসি য়াওবা তাবনি, খ্বাইদগী হেন্না স্কোর তৌবা তাই মকোক ওইবা তাই।
ঐগী নুংশিরবা ইরৈবাকচাশিং, ময়াম্না ৱাফম অমা থেংনবীরমগনি। ঐখোয়গী মন কী বাতকী খোংচৎ অসিদা লু হেনবগী খোংচৎপু মতম মতমগী ওইনা খুমাং চাউশিলহল্লি। মতৌ অসুম তৌনা লু নান্না লৈনবগী থৌরমশিংনা মন কী বাতপু মতম লৈবা খিবিক্তা ইনোৎ হাপলি। চহী মঙাগী মমাংদা হৌরকখিবা খোংচৎ অসি মীপুম তিংনা শরুক য়াবদগী লু হেন্না লৈননবা অনৌ অনৌবা থৌরাংশিং পায়খৎলক্লে, ঐখোয়না লু হেনবা অসিদা তমজনীংঙাই ওইবা থাক য়ৌরে হায়বা য়াদ্রি। অদুম ওইনমক ও.দি.এফ.তগী হৌরগা মীয়াম তিনবা মফমশিংদা লু হেনবগী খোংচৎ অসি মায় পাক্লে।

ঐগী নুংশিরবা ইরৈবাকচাশিং, ঐহাক্না মাই গোবতা য়াম্না নুংঙাইবা ৱাফম অমা পাখি। ৱাফম অদু জম্মু কশ্মীরগী শোপিয়ান্দা লৈবা মহম্মদ অস্লমগীনি।

মহাক্না অসুম্না ইবীরকই, “মন কী বাত থৌরম তাবসি ঐহাক য়াম্না নুংঙাই। ঐহাক্না ঐখোয়গী রাজ্য জম্মু কশ্মীরদা কম্ম্যুনিতী মোবিলাইজেসন প্রোগ্রাম – বেক তু ভিলেজকী থৌরম পাংথোকপদা মরুওইবা থৌদাং য়াই হায়বসি খঙজবদা থোইদোক্না নুংঙাইবা ফাওজৈ। থৌরম অসি জুন থাদা পাংথোকখি। ঐহাক্না খনজবদা অসিগুম্বা থৌরম অসি থা অমদা অহুমলক পাংথোকপা চুমগনি। মসিগা লোইননা থৌরম অদু ওনলাইন মোনিতরিং তৌবগী খুদোংচাবসু লৈগদবনি। ঐহাক্কী ৱাখলদা থৌরম অসি মীয়াম্না সরকারগা হকথেংননা ৱারী শাবগী থৌরম্নি হায়না খঞ্জৈ।”

ইনাও মহম্মদ অস্লমগী পাওজেল অসি পারুরবা তুংদা বেক তু ভিলেজ হেন্না খঙনীংবগী ইহুল অমা লাকখি। খঙলবা তুংদা লৈবাক পুম্বসু মসিগী মতাংদা খঙবা চুমগনি খল্লি। কশ্মীরগী মীয়াম্না চাউখৎপগী লমজেলদা কয়ামুক য়াম্না য়াওনীংবগে হায়বদু থৌরম অসিদগী খঙবা ঙমই।

থৌরম অসিদা মকোক থোংবা ওফিসিয়েলশিংনা খুঙ্গংদা চৎলি। খুঙ্গংশিংদা অমুক্তসু উবা ফংদ্রিবা ওফিসিয়েলশিংনা মখোয়গী থোংজিলদা লাক্লগা মখোয়গী খুদোংচাদবশিং খঙদোক্লগা মতেং পাংবী। থৌরম অসি চয়োল অমা চুপ্না পাংথোকই অদুগা রাজ্য অমদি চাউরাক্না পঞ্চায়ৎ ৪৫০০দা সরকারগী থৌমীশিংনা সরকারগী থৌরমশিংগী মরমদা শন্দোক্না তাকখি। মখোয়না সরকারনা পীবা খুদোংচাবশিং ফংলিব্রা নত্ত্রগা ফংদব্রা হায়বদু খঙদোক্নবা হোৎনখি।

পঞ্চায়ৎশিংবু মতৌ করম্না মপাঙ্গল কনখৎহনগনি? মখোয়গী শেন্থোক করম্না হেঙ্গৎহনগনি হায়বসু খন্নখি। খুঞ্জাশিংনসু মখোয়গী খুদোংচাদবশিং ফোংদোকখি। লাইরিক ময়েক চৎহনবা, সেক্স রেসিও, হকশেল, লু – হেনবা, ঈশিং য়োকশিনবা, মৈ, ঈশিং নুপীমচা মহৈ তমহনবা, অহলশিংগী ৱাকৎনচিংবা হিরম কয়া খন্নখি।

মরূপশিং, থৌরম অসি সরকারগী থৌরম অমা ওইনা ওফিসরশিংনা খুঙ্গংদা নুমিৎ চুপ্পা অমা কোইরুরগা হল্লকপা অদু নত্তে। হন্দক্কী অসিদি ওফিসরশিং অদু অহিং অমা লেক্লগা পঞ্চায়ৎতা লৈখি। অসিদা মখোয়না খুঞ্জা খুদিংমক্কা উন্নবগী খুদোংচাবা ফংখি। থৌরম অসি নুংঙাইহনবা অতোপ্পা ৱাফম কয়া অমা হাপচিনখি। খেল্লো ইন্দিয়াগী মনুং চন্না অঙাংশিংগী শান্ন – খোৎনবগী থৌরম অমা হাপচিনখি। মফম অদুদা শান্ন – খোৎনবগী পোৎলমশিং, মনরেগাগী জোব কার্দশিং অমদি সেদুল ত্রাইব/সেদুল কাস্তকী সার্তিফিকেৎশিং য়েন্থোকখি। ফাইনান্সিয়েল লিতরেসী কেম্প পাংথোকখি অমদি এগ্রীকলচর অমসুং হোর্তিকলচর দিপার্তমেন্তশিংগী স্তোলশিং শেমগৎখি লোইননা সরকারগী থৌরাংশিংগী মতাংদা মীয়ামদা খঙহন্নবা হোৎনখি। মসি চাউখৎপগী থৌরম অমা ওইখ্রে।

কশ্মীরগী মীয়াম্না চাউখৎপগী থৌরম অসিদা মীপুম তিংনা শরুক য়াখি। থোইদোক্না নুংঙাইরিবা ৱাফমদি বেক তু ভিলেজ থৌরম অসি লাপ্ল লাপ্লবা খুঙ্গংশিংদসু পাংথোকখি। মফমশিং অদু য়ৌনবা হোৎনবদা সরকারগী থৌমীশিং অদু চিংগী খুদোংচাদবা লম্বীশিংদা খোংনা নুমিৎ অমা চৎপা ফাওবা য়াওখি। মতম লৈবা খিবিক্তা ক্রোস বোর্দর ফায়রিং তৌদুনা লৈবা বোর্দরদা লৈবা পঞ্চায়ৎশিংদসু থৌমীশিং অদু য়ৌখি, মসিদা নত্তনা শোপিয়ান, পুলৱামা, কুলগাম অমসুং অনন্তনাগ জিলাশিংদা থৌমীশিং অদুনা অকিবা লৈতনা চংখি। ওফিসর কয়া অমদি মখোয়বু তরাম্না ওকপগী মওং অদুদা মফম অদুদা নুমিৎ নিনিদগী হেন্না লৈখি। মফমশিং অসিদা গ্রাম সভা পাংথোকপা, মসিদা মশিং য়াম্লবা মীওইশিংনা শরুক য়াবা অমসুং মশাগী থৌরাং শেমজবা পুম্নমক অসি থোইদোক্না নুংঙাইবা ৱাফম্নি।

ঐগী নুংশিরবা ইরৈবাকচাশিং, গ্যানপীথ মনা ফংলবা শ্রীমান দত্তাত্রায়া রামচন্দ্র বেনদ্রেনা মহাক্কী শৈরেংদা নোংজুথাবু মতৌ অসুম্না শৈথারি।

হোদিগে মদিগে অগ্যেদ লগ্না। অদরাগ ভুমি মগ্না।

হায়বগী অর্থদি নোংগী ইরিক অমসুং ঈশিংগী ইচেলগা অঙকপা মরী অমা লৈনৈ অদুগা মদুগী ফজবা অদু উবদা মালেম অসি হরাও তয়ামজরে। ভারত পুম্বদা তোঙান তোঙানবা চৎনবী লৈবা অমসুং তোঙানবা লোন ঙাংবা কাংলুপশিংনা মখোয় মখোয়গী ওইবা মওংদা নোংজুথা লাকপগী হরাওবা ফোংদোক্নৈ। শেংলবা থা অসিদা লাইনীংবশিংনা কনৱর্দ অমসুং অমর্নাথকীদমক খোংশাল্লি। অতোপ্পা মীওই খরা অমনা চাং নাইনা চরা হেল্লি লোইননা জনমাস্থমি অমসুং নাগ পঞ্চমিগুম্বা কুমহৈবু খৌরাংনা ঙাইজৈ। তঞ্জা অসিদা মচিল মৌপ্বাগী নুংশিনবগী কুমহৈ রক্ষা বন্ধন লাকই।

নোংজুথাগী ৱাফম লাকপা অসিদা ময়াম্না থোইদোক্না নুংঙাইগদবা ৱাফম অমদি হৌখিবা চহী ৪ অসিদা লাকপা ইশ্বরবু থাজবা মীওইশিংদগী অমর্নাথতা লাকপা অসি হন্দক্না য়াম্না হেল্লি। জুলাই ১দগী হৌজিক ফাওবদা মীওই লাখ ৩দগী হেনবনা শেংলবা অমর্নাথকী শুরুং অসি য়েংলুরে। ২০১৫দা নুমিৎ ৬০নিদা লাকপা মশিংদগী হন্দক্কী নুমিৎ ২৮দা লাকপা মীশিংনা হেল্লে।

অমর্নাথ খোংচৎ অসি মায় পাকহনবগীদমক মরুওইনা জম্মু – কশ্মীর মীয়াম অমসুং লমকোইবা লাকপা মীয়াম্বু তরাম্না ওকপগী মখোয়গী থৌওংবু থাগৎচনীংই। খোংচৎ অদুবু লোইরদুনা হল্লক্লবশিংনা মখোয়গী মীনোক মীচানবু কাউঙমদে, ৱাফমশিং অসি তুংদা তুরিজমগীদম য়াম্না কান্নবা ওইগনি। ঐঙান্দা হায়বীরকপদা উত্তরাখন্দা চারধাম হৌবদগী হায়বদি থা অমা মখায় অসিগী মনুংদা লাইনীংবা মীওই লা ৮ হেন্না কেদরনাথ ধামদা লাকখ্রে। ২০১৩দা থোকখিবা লাইবক থিবা থৌদোক অদুগী মতুংদা হন্দক্কী অসিনা মী লাকপা খ্বাইদগী হেল্লে।

ফজরবা নোংজুথা অসিনা অদোমগী পুন্সিদা অনৌবা ৱাখল অনৌবা ইনোৎ পুরকপা ওইরসনু হায়না য়াইফ পাওজেল পীজরি। মতৌ অসুম তৌনা ওগস্ত থা অসিনা ভারত থাদোকউ ইহৌবু নীংশিংহল্লনি। ময়াম্না ওগস্ত ১৫গী থোইদোকপা থৌরাং তৌহন্নীংই। নীং তম্বগী কুমহৈ অসি পাংথোক্নবা অনৌবা মওং অমা থিহন্নীংই। ওগস্ত ১৫ অসি মীয়ামগী কুমহৈ ওইহনসি। অমরোমদা লৈবাক অসিগী মফম কয়াদা নোং চুদৌরিবনি। মফম কয়াদা মীয়াম অমা ঈশিং ইচাউগী অৱাবা নংলি। ইচাউ নংলবা মীয়ামদা ঐহাক্না থাজবা পীজরি, কেন্দ্র সরকারনা রাজ্য সরকারগা পুল্লগা অৱাবা তারবশিং তেংবাংনবা কন্না হোৎনরি। তি.ভি. য়েংবদা ঐখোয়না নোংগী মায়থোং অমখক্তমক উই। ঈশিং ইচাউ, ঈশিং থুম্বনা মরম ওইরগা ত্রাফিক জাম। নোংজুগী অতোপ্পা মায়থোং অমসু লৈ, থৱাই নুংঙাইরবা লৌমী, উচেকশিংগী নুংশিরবা খোংজেল, ফজরবা ঈশিং চাইবী, অশংবা ফিজোল শেৎলবী মালেম। পুম্নমক অসি য়েংননবা ইমুং মনুংগী মীয়াম কোয়বা চৎলি। নোংনা হকচাং তেকখৎহল্লি অমদি নুংঙাইহল্ললি। নুংজুথা অসিনা ময়াম্বু নুংঙাইহনবা ওইরসনু হায়না নীজরি।

ঐগী নুংশিরবা ইরৈবাকচাশিং, মন কী বাত অসি করম হায়না হৌশিগে করম্না লোইশিগে হায়বা খনবদা য়াম্না ৱাজৈ। অদুম ওইনমক মতমগী অকক্নবা লৈ। থা অমা ঙাইরবা তুংদা অমুক লাকচগে, অমুক উন্নসি। থা অমসিদা ৱাফম কয়া পাউদম্বীরকউ। লাক্কদৌরিবা মন কী বাতকী থৌরমদা ময়াম্বু শরুক য়াহন্নবা হোৎনজগে অদুগা নহারোল মরূপশিংদা ক্বিজ চাংদম্নবা অসি শোইদনা য়াওননবা অমুক্কা হন্না নীংশিংজরি। শ্রীহরিকোতা চৎপগী খুদোংচাবা অসি মাংহনবীগনু। ময়াম্বু হন্না – হন্না থাগৎচরি। খুরুমজরি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How India is building ties with nations that share Buddhist heritage

Media Coverage

How India is building ties with nations that share Buddhist heritage
...

Nm on the go

Always be the first to hear from the PM. Get the App Now!
...
PM interacts with CEOs and Experts of Global Oil and Gas Sector
October 20, 2021
Share
 
Comments
Our goal is to make India Aatmanirbhar in the oil & gas sector: PM
PM invites CEOs to partner with India in exploration and development of the oil & gas sector in India
Industry leaders praise steps taken by the government towards improving energy access, energy affordability and energy security

Prime Minister Shri Narendra Modi interacted with the CEOs and Experts of the global oil and gas sector earlier today, via video conferencing.

Prime Minister discussed in detail the reforms undertaken in the oil and gas sector in the last seven years, including the ones in exploration and licensing policy, gas marketing, policies on coal bed methane, coal gasification, and the recent reform in Indian Gas Exchange, adding that such reforms will continue with the goal to make India ‘Aatmanirbhar in the oil & gas sector’.

Talking about the oil sector, he said that the focus has shifted from ‘revenue’ to ‘production’ maximization. He also spoke about the need to enhance  storage facilities for crude oil.  He further talked about the rapidly growing natural gas demand in the country. He talked about the current and potential gas infrastructure development including pipelines, city gas distribution and LNG regasification terminals.

Prime Minister recounted that since 2016, the suggestions provided in these meetings have been immensely useful in understanding the challenges faced by the oil and gas sector. He said that India is a land of openness, optimism and opportunities and is brimming with new ideas, perspectives and innovation. He invited the CEOs and experts to partner with India in exploration and development of the oil and gas sector in India. 

The interaction was attended by industry leaders from across the world, including Dr. Igor Sechin, Chairman & CEO, Rosneft; Mr. Amin Nasser, President & CEO, Saudi Aramco; Mr. Bernard Looney, CEO, British Petroleum; Dr. Daniel Yergin, Vice Chairman, IHS Markit; Mr. Olivier Le Peuch, CEO, Schlumberger Limited; Mr. Mukesh Ambani, Chairman & Managing Director, Reliance Industries Limited; Mr Anil Agarwal, Chairman, Vedanta Limited, among others.

They praised several recent achievements of the government towards improving energy access, energy affordability and energy security. They appreciated the leadership of the Prime Minister towards the transition to cleaner energy in India, through visionary and ambitious goals. They said that India is adapting fast to newer forms of clean energy technology, and can play a significant role in shaping global energy supply chains. They talked about ensuring sustainable and equitable energy transition, and also gave their inputs and suggestions about further promotion of clean growth and sustainability.