Share
 
Comments
এদমিনিস্ত্রেসন্না বরানাসিগী কা হেন্না শোকশিল্লবা মফমশিংদা লৈবা মীয়ামদা অঙম্বা মতেং পীগদবনি: পি.এম.
“য়ার্দ অনি থাপ্না লৈনবা, মাস্ক শিজিন্নবা” অসি ঙাক্না চৎপা অমসুং এদমিনিস্ত্রেসন্না চহি ৪৫ মথক্কী মীওইশিংবু শোইদনা ভেক্সিন কাপকদবনি: পি.এম.
প্রধান মন্ত্রীনা ত্রেকিং, ত্রেসিং অমসুং তেস্তিং অসিদা অমুক হন্না মরুওইবা পিখ্রে। অহানবা ৱেবকী মতৌগুম, অনিশুবা ৱেব অসিদসু লান্থেংনবা মরুওইরি
কোবিদকী লায়না অসি ঙাকথোক্নবা সরকার অমসুং সমাজ অনিমক পুন্না চৎমিন্নবা মথৌ তাই: পি.এম.

প্রধান মন্ত্রী. শ্রী নরেন্দ্র মোদীনা, ঙসি ভিদিও কনফরেন্সকী খুত্থাংদা বরানাসি দিস্ত্রীক্তা কোবিদ-১৯গী ফিবম হন্না য়েংশিনখ্রে। মিতিং অসিগী মনুংদা, প্রধান মন্ত্রীনা কোরোনা ঙাকথোক্নবা অমসুং কোরোনানা নারবা মীওইশিং লায়েংনবা তেস্তিংগী স্তোক, ফমুংগী অৱাৎপা, হিদাক-লাংথক, ভেক্সিন অমসুং থবক তৌরিবা মীওইশিং য়েংশিনখি। মহাক্না ওফিসরশিংদা হেক ঙম্লিবমখৈ অথুবা মতমদা মীয়ামদা মতেং পীনবা পাউতাক পীখি।    

খন্ন-নৈনবা অসিগী মনুংদা, প্রধান মন্ত্রীনা “য়ার্দ অনি থাপ্না লৈনবা, মাস্ক শিজিন্নবা” অসি ঙাক্না চৎনবা মরুওইবা পীখি। ভেক্সিনেসন কেম্পেইনগী মরুওইবা পীরদুনা প্রধান মন্ত্রীনা হায় মদুদি এদমিনিস্ত্রেসন্না চহি ৪৫গী মথক্তা লৈবা মীপুম খুদিংমক হায়রিবা অসি খঙহনগদবনি। মহাক্না এদমিনিস্ত্রেসন্দা বরানাসিগী কা হেন্না শোকশিল্লবা মফমশিংদা লৈবা মীয়ামদা অঙম্বা মতেং পীগদবনি হায়না হায়খি।

প্রধান মন্ত্রীনা লৈবাক অসিগী দোক্তর অমসুং মেদিকেল স্তাফশিং অসিবু থাগৎপা ফোংদোরক্লি অমসুং হায়খি মদুদি অৱাবা তারবা পুংফমশিংদা মখোয়না মখোয়গী মথৌশিং থম্মোয় শেংনা তৌখি। মহাক্না হায় মদুদি ঐখোয়না মমাংগা চহিদা থেংনখিবা অদুদগী তমজগদবনি অমসুং য়াম্না চেকশিন্না মাংলোমদা চংশিনগদবনি।

প্রধান মন্ত্রীনা হায় মদুদি বরানাসিগী মীহুৎ অমা ওইনা, মহাক্নসু লেপ্পা লৈতনা প্রজা মীয়ামদগী ফীদবেক লৌরি হায়খি। মহাক্না হায় মদুদি বরানাসিদা হৌখিবা চহি ৫-৬ অসিদা মেদিকেলগী ওইবা ইনফ্রাস্ত্রকচর চাওথোকখিবা অমসুং মতমগা চুন্নবা শেগৎখিবা অসিনা কোরোনা থেংনবদা য়াম্না মতেং পাংলি। মরক অসিদা বরানাসিদা ফমুং, আই.সি.য়ু. অমসুং ওক্সিজেনগী মশীং হেনগৎহনখি। প্রধান মন্ত্রীনা মরুওইবা পীরদুনা হায় মদুদি অনাবা মশীং হেনগৎপগী অৱাবা অসি কোক্নবা থাক পুম্বাদা হোৎনবা অসি হেনগৎহনবা মথৌ তাই। মহাক্না হায় মদুদি বরানাসিগী এদমিনিস্ত্রেসন্না লম খুদিংদা থবকশিং অসি হেন্না য়াংশিনবা মসিগা লোয়ননা ‘কাশি কোবিদ রেস্পোন্স সেন্তর’ অমা লিংখৎপা অসিনি।

প্রধান মন্ত্রীনা “তেস্ত, ত্রেক অমসুং ত্রীত” অসিদা মরুওইবা পীরি অমসুং হায়খি মদুদি অহানবা ৱেব অদুদা তৌখিবগুম, চপ মান্নবা লাল্লোং পাংথোক্তুনা ভাইরস অসিদা মায় পাক্নবা হোৎনগদবনি। মহাক্না অমুকশু অনাবা মীওইশিংগী কন্ত্রেক্ত ত্রেসিং অমসুং তেস্ত রিপোর্ত অথুবা মতমদা পীনবা মরুওইনা হায়খি। মহাক্না এদমিনিস্ত্রেসনশিংদা অনাবা অমসুং মখোয়গী ইমুংদা মথৌদাং পীদুনা ময়ুমদা নাইতোম লৈহন্নবা খঙহল্লি।

প্রধান মন্ত্রীনা বরানাসিগী ভোলুন্তরী ওর্গানাইজেসনশিংবু সরকারগা য়াম্না নক্না থবক তৌমিন্নবগী থাগৎপা ফোংদোরক্লি অমসুং হায়খি মদুদি মখোয় অসি হেন্না পুক্নিং থৌগৎকদবনি। মহাক্না ফিভম অসিদা হেন্না য়েংশিনবা অমসুং চেকশিন থৌরাং লৌনব মরুওইবা পীখি।

বরানসিগী পব্লিক্কী মীহুৎশিং অমসুং ওফিসিএলশিংনা ভিদিও কনফরেন্সকী খুত্থাংদা কোবিদকী ঙাকথোক্নবা অমসুং লায়েংগী শেম শারিবা পুম্বা প্রধান মন্ত্রীদা খঙহনখি। হিরম অসিদা কন্তেক্ত ত্রেসিং, য়ুমদা নাইতোম লৈবগী কম্মান্দ অমসুং কন্ত্রোল সেন্তর লিংখৎপা, ফোন লাইনগী এম্বুলেন্স পীরিবা, কন্ত্রোল রুমদগী তেলিমেদিসিন পীরিবা, আর্বানগী মফমশিংদা অহেনবা রেপিদ রেস্পোন্স তীম হাপ্লিবা অসিনচিংবা অসিগী মরমদা প্রধান মন্ত্রীনা শম্লপনা পীখি। প্রধান মন্ত্রীনা খঙহনখি মদুদি হৌজিক ফাওবদা কোবিদ অসি ঙাকথোক্নবা মীওই ১৯,৮,৩৮৩দা অহানবা দোজ ফংখ্রে অমসুং মীওই ৩৫,০১৪না ভেক্সিনেসনগী দোজ অনিমক ফংখ্রে।   

ভিদিও কনফরেন্স অসিগী মনুংদা, এম.এল.সি. অমসুং বরানাসিগী কোবিদ ইন-চার্জ শ্রী এ.কে. শর্ম্মা, জোনেল মকোক শ্রী দীপক আগর্ৱাল, পুলিস কম্মিস্নর শ্রী এ. সাতিশ গনেশ, দিস্ত্রীক্ত কলেক্তর শ্রী কৌশাল রাজ শর্ম্মা, ম্যুনিসিপাল কম্মিস্নর শ্রী গৌরাঙ রাথী, চীফ মেদিকেল ওফিসর দাঃ এন. পি. সিংহ, দাইরেক্তর আই.এম.এস. বি.ঐচ.য়ু. প্রোফেসর বি.আর. মিত্তল, স্তেত মিনিস্তর শ্রী নীলকান্ত তিৱারি অমসুং শ্রী রাবিন্দ্রা জাইসৱাল, রোহানিয়াদগী লেজিসলেতর শ্রী সুরেন্দ্র নারায়ন সিংহ, এম.এল.সি. শ্রী আশোক ধাৱান অমসুং শ্রী লক্সমন আচার্য়্যাশু শরুক য়াখি।

 

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Govt saved ₹1.78 lakh cr via direct transfer of subsidies, benefits: PM Modi

Media Coverage

Govt saved ₹1.78 lakh cr via direct transfer of subsidies, benefits: PM Modi
...

Nm on the go

Always be the first to hear from the PM. Get the App Now!
...
PM congratulates Class X students on successfully passing CBSE examinations
August 03, 2021
Share
 
Comments

The Prime Minister, Shri Narendra Modi has congratulated Class X students on successfully passing CBSE examinations. He has also extended his best wishes to the students for their future endeavours.

In a tweet, the Prime Minister said, "Congratulations to my young friends who have successfully passed the CBSE Class X examinations. My best wishes to the students for their future endeavours."