Share
 
Comments
লুপা করোর ১০০০গী স্তার্দঅপ ইন্দিয়া সিদ ফন্দ লাউথোক্লে
হৌজিক মতমদা ললোন-ইতিক পাংথোক্লিবা মীওইশিংগী মওং-মতৌদা স্তার্দঅপশিংনা অহোঙবা পুরক্লে: প্রধান মন্ত্রী
‘নহারোলগী, নহারোলশিংনা, নহারোলগীদমক’ স্তার্দঅপকী ফিবম অমা শেমগৎনবা ভারতনা থবক পায়খৎলি: প্রধান মন্ত্রী
স্তার্দঅপ লিশিং ৮ জি.ই.এমদা রেজিস্তার তৌরে, লুপা করোর ২৩০০গী ললোন-ইতিক পাংথোকখ্রে: প্রধান মন্ত্রী

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা স্তার্দঅপশিংগা ৱারি শানখ্রে অমসুং ‘প্রারম্ভ: স্তার্দঅপ ইন্দিয়া ইন্তরনেসনেল সমিৎ’তা ৱা ঙাংখ্রে। থৌরম অদুদা বিমস্তেক লৈবাকশিংগী মিনিস্তরশিং অমসুং য়ুনিয়ন মিনিস্তরশিং শ্রী প্রকাস জাবরেকার, শ্রী পিয়ুস গোয়াল অমসুং শ্রী সোম প্রকাস শরুক য়াখি।

থৌরম অদুদা প্রধান মন্ত্রীনা হায়খি স্তার্দঅপশিংনা ঙসিগী ললোন-ইতিক্কী লমদা মীয়ামগী মওং-মতৌ অমসুং লিচৎ-শাজৎশিংদা অহোঙবা পুরক্লে। মশক খঙলবা স্তার্দঅপশিংগী চাদা ৪৪ নুপীশিংনা দিরেক্তরশিং ওইরি অমসুং হায়রিবা স্তার্দঅপশিং অসিদা নুপী মশিং য়াম্না থবক তৌরি। স্তার্দঅপশিংগী চাদা ৪৫ তয়ার-২ অমসুং তয়ার-৩গী সহরশিংদা লৈরি অমসুং মফম অমগী পোৎথোকশিংগী ব্রান্দ এম্বেসেদর ওইনা থবক তৌরি। লমদম অমগী অঙম্বা থাক্তা রাজ্য খুদিংমক স্তার্দঅপশিং য়োকখৎলি অমসুং হৌজিক লৈবাক অসিগী জিলাশিংগী চাদা ৮০ স্তার্দঅপ মিসনগী শরুক অমা ওইরে। মসিগী ফিবম অসিদা নহারোল কয়া মখোয়গী হৈশিংবা কয়া থবক ওইনা পাংথোকপা ঙমগনি। ‘করিগী অদোম থবক অমা ফংদ্রিবনো? করিগী স্তার্দ-অপ অমা পায়খৎলিবনো? হায়বা ৱাখল্লোল অসিদগী ‘থবক ফংবা য়াম্না ফরে অদুবু করিগী নহাক্না নশাগী স্তার্দ-অপ হৌদ্রিবনো! হায়বা অসিদা হোঙলে। ২০১৪দা ‘য়ুনিকোর্ন ক্লব’ অসিদা শুপ্নগী ভারতকী স্তার্দঅপ ৪ খক লৈরম্মী, হৌজিক বিল্লিয়ন ১ হেল্লবা স্তার্দঅপ ৩০ হেন্না লৈরে।

প্রধান মন্ত্রীনা হায়খি ২০২০গী কোরোনা মনুংদা স্তার্দঅপ ১১ ‘য়ুনিকোর্ন ক্লব’তা য়াওরে অমসুং অৱাবা মনুংদা মখোয়না অত্মানির্ভর ভারত্তা মতেং পাংখি। সেনিতাইজরশিং, পি.পি.ই কিৎশিং অমসুং মরী লৈনবা পোৎলমশিং ফংহনবদা স্তার্দঅপশিংনা মরুওইবা থৌদাং অমা লৌখি। মীয়ামগী চানবা পোৎলমশিং, হিদাক-লাংথকশিং থোঙজিলদা ফংহনবা, মমাঙ থানা থবক তৌরিবা শিন্মীশিংগী চৎথোক-চৎশিন অমসুং ওনলাইন স্তদি মেতরিএল ফংহনবদা মখোয়না মরুওইবা থৌদাং অমা লৌখি। অৱাবা মতমদা খুদোংচাবা থিরিবা স্তার্দঅপকী থৌনা অদু প্রধান মন্ত্রীনা থাগৎখি।

শ্রী মোদীনা ‘প্রারম্ভ’ কয়া হায়বদি ঙসিদগী থবক হৌখিবা কয়া পনখি। ঙসি অহানবা বিমস্তেক লৈবাকশিংগী স্তার্দঅপ মীফম পাংথোক্লে। মাইপাক্না ভারত্তা স্তার্দঅপ ইন্দিয়াগী খোঙজং চৎথরকপা ঙসি ৫ মপুংফারে অমসুং ঙসি ভারত্তা খ্বাইদগী চাউবা তিকা থাবগী থবক হৌদোক্লে। মহাক্না হায়খি ঐখোয়গী নহারোলশিং, সাইন্তিস্তশিং অমসুং ওন্ত্রেপ্রেনিউয়রশিং, ঐখোয়গী দোক্তরশিং, নর্সশিং অমসুং হকশেলগী মীওইশিংগী তৌবা ঙম্বা অমসুং থবক কন্না শুবা অমসুং কৎথোকপা ঙসিগী নুমিৎ অসিদা উবা ফংলে।

 

প্রধান মন্ত্রীনা হায়খি বিমস্তেক লৈবাকশিং হায়বদি বঙ্গলাদেস, ভুতান, ভারত, নেপাল, শ্রী লঙ্কা, ম্যন্মার অমসুং থাইলেন্দা স্তার্দঅপকী অকনবা ইহৌ লৈরে। চৎলিবা চহিচা অসি দিজিতেলগী রিভোলুসন অমসুং অনৌবা পুথোকপগী নৌবা মতমনি। মসিগী চহিচা অসি এসিয়াগী চহিচানি। মরম অদুনা তুংগী তেক্নোলোজি অমসুং ওন্ত্রেপ্রেনিউয়রশিং লমদম অসিদা লাক্কদবনি হায়বা অসি ঐখোয়গী অপাম্বনি। মসিগীদমক এসিয়াগী লৈবাকশিং দাইত্ব লৌনবা পুন্না থবক তৌমিন্নগদবনি। মীওইবা খুন্নাইগী শরুক মঙা থোকপগী শরুক অমগী ঐখোয়না থবক তৌবা মরম্না বিমস্তেক লৈবাকশিংনা মসিগী থৌদাং অসি লৌগদবনি।

ভারতকী চহি ৫গী স্তার্দঅপকী খোঙচৎকী অকুপ্পা থৌদোকশিং য়াওবা ‘ইভোলুসন ওফ স্তার্দঅপ ইন্দিয়া’ কৌবা লাইরিকমচা অমশু প্রধান মন্ত্রীনা ফোঙখি। মহাক্না হায়খি স্তার্দঅপ লিশিং ৪১ হেনবগা লোয়ন্না মালেমদা খ্বাইদগী চাউবা স্তার্দঅপ ইকোসিস্তেম অমা শেম্নবা অহানবদা খুদোংচাদবা কয়া লাকশিনখি। হায়রিবা স্তার্দঅপশিং অসিগী মনুংদা, আই.তি সেক্তরগী স্তার্দঅপ ৫৭০০, হেল্থ সেক্তরগী স্তার্দঅপ ৩৬০০ অমসুং লৌউ-শিংউগী স্তার্দঅপ ১৭০০ হৌজিক থবক ফজনা পাংথোক্লি। মখোয়গী চীঞ্জাক্কী মরমদা মীয়াম ৱাখল তাবা হেনগৎল্লকপদগী চীঞ্জাক অমসুং লৌউ-শিংউগী লমদা অনৌবা খুদোংচাবা কয়া লৈরে। লুপা করোর লাখ ১গী শেল্লেপকা লোয়ন্না এগ্রি ইনফ্রা ফন্দ অমা শেমদুনা হায়রিবা সেক্তরশিং অসি চাউখৎনবা ভারতনা মিৎয়েং চঙলে। হায়রিবা অনৌবা খুদোংচাবশিং অসিগা লোয়ন্না, লৌবুক্তগী তেবল ফাওবা অফবা মখলগী পোৎথোকশিং য়াম্না লাইনা য়ৌনবা স্তার্দঅপশিংনা লৌমীশিংগা থবক তৌমিন্নরি অমসুং মরুওইবা থৌদাং অমা লৌরি।

 

প্রধান মন্ত্রীনা হায়খি স্তার্দঅপ তাইবংগী অঙকপা মগুন অসি ময়ামদগী তোঙানবা অমসুং মখল কয়া লৈবা অসিনি। ময়ামগী তোঙানবা হায়বদি অনৌবা থবক মওংশিং, অনৌবা তেক্নোলোজি অমসুং অনৌবা পাম্বৈশিংনি অমসুং মমাঙদা অমুক্তা ওইখিদ্রিবা পাক-চাউবা মওংদা মখলগী কয়াগী থবকশিং পায়খৎলকই। মসিগী থবক অসিগী খ্বাইদগী মরুওইবা শক্তমদি পামজবনা লমজিংবা অসিনি। ঙসি ভারতনা পায়খৎলিবা থবক অসিদা ‘থবক অমা হেক্তা পাংথোকপা ঙমগনি’ হায়বগী থৌনা উবা ফংলে।

প্রধান মন্ত্রীনা হায়খি ২০২০গী দিশেম্বরদা ভিম য়ু.পি.আইগী খুৎথাংদা ভারত্তা লুপা করোর লাখ ৪গী ত্রান্সসেক্সনশিং পাংথোকখি। ভারতনা সোলার অমসুং এ.আই সেক্তরদশু মাঙজিল থারি। দাইরেক্ত বেনিফিদ ত্রান্সফর সিস্তেম্না লায়রবশিং, লৌমীশিং অমসুং মহৈরোয়শিংগী একাউন্তশিংদা হকথেংন্না শেন হাপচিন্দুনা মখোয়গী অৱাবশিং কোকহল্লে অমসুং নারোলদা হুখিগদবা লুপা করোর লাখ ১.৭৫গী শেনফম কনবা ঙম্লে।

প্রধান মন্ত্রীনা হায়খি সরকারগী পোৎ-চৈ লৈনবা পোর্তেল জি.ই.এমগী মখাদা স্তার্দঅপ লিশিং ৮ রেজিস্তার তৌরে অমসুং অনৌবা খুদোংচাবা কয়া ফংলে অমসুং জি.ই.এমগী খুৎথাংদা মখোয়না লুপা করোর ২৩০০গী ললোন-ইতিক পাংথোকখ্রে। তুংদা জি.ই.এমদা স্তার্দঅপশিং শরুক য়াবা হেনগৎলক্লগনি। মসিনা লমদম অসিদা পোৎ পুথোকপা, থবক পীবা অমসুং স্তার্দঅপ রিছর্স অমসুং ইন্নোবেসন্দা শেন থাদবা হেনগৎলক্কনি।

স্তার্দঅপশিংদা মতেং পাংনবা শেন অৱাৎপা লৈতনবা লুপা করোর লিশিং ১গী স্তার্দঅপ ইন্দিয়া সিদ ফন্দ হৌদোক্লে হায়না প্রধান মন্ত্রীনা লাউথোকখি। মসিনা অনৌবা স্তার্দঅপশিং য়োকখৎপদা মতেং পাংলগনি। ফন্দ স্কিমশিংগী ফন্দশিং স্তার্দঅপশিংগী ইকুইতি কেপিতেল শেমগৎপদা মমাঙদা মতেং পাংখ্রে। গরেন্তিশিংগী খুৎথাংদা স্তার্দঅপশিংগী কেপিতেল শেমগৎনবা সরকারনা মতেং পাংগনি। ‘নহারোলগী, নহারোলশিংনা, নহারোলগীদমক’ হায়বা লাইৱা অসিদা য়ুম্ফম ওইদুনা স্তার্দঅপকী ফিবম অমা শেমগৎনবা ভারতনা থবক তৌরি। মথং চহি ৫গী ঐখোয়গী পান্দমশিং থম্লে অমসুং হায়রিবা পান্দমশিং অসি ঐখোয়গী স্তার্দঅপশিংগী ওইগনি অমসুং ঐখোয়গী য়ুনিকোর্নশিং মালেমদা অচৌবা অমা ওইরক্কনি অমসুং তুংগী তেক্নোলোজিশিংদা মাঙজিল থাগনি হায়না প্রধান মন্ত্রীনা ফোঙদোকখি।

Click here to read PM's speech

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 28,300 artisans and 1.49 lakh weavers registered on the GeM portal

Media Coverage

Over 28,300 artisans and 1.49 lakh weavers registered on the GeM portal
...

Nm on the go

Always be the first to hear from the PM. Get the App Now!
...
কিংদম ওফ সৌদি অরাবিয়াগী ফোরেন এফিয়র্সকী মন্ত্রী হিজ হায়নেস প্রিন্স ফায়সাল ফারহান অল সৌদকা প্রধান মন্ত্রী শ্রী নরেন্দ্র মোদীগা উনখ্রে
September 20, 2021
Share
 
Comments

প্রধান মন্ত্রী, শ্রী নরেন্দ্র মোদীনা ঙসি কিংদম ওফ সৌদি অরাবিয়াগী ফোরেন এফিয়র্সকী মন্ত্রী হিজ হায়নেস প্রিন্স ফায়সাল ফারহান অল সৌদকা উনখ্রে।

মীফম অসিনা লৈবক অনিগী মরক্তা শাগৎখিবা স্ত্রাতেজিক পার্তনরশিপ কাউন্সিলগী ঙাক্লৌ মখাদা লৌখৎখিবা য়াওনা হৌজিক চৎথরিবা নাকন অনিগী ওইবা মখল কয়াগী চংশিল্লিবা খোঙথাংশিং য়েংশিনখি। প্রধান মন্ত্রীনা সৌদি অরাবিয়াদগী মরুওইবা সেক্তরশিং হায়বদি ইনর্জী, আই.তি. অমসুং দিফেন্স মেনুফেকচরিং য়াওনা য়াম্না চাউনা ইনভেস্তমেন্ত তৌহল্লকপা পাম্বা ফোংদোকখি।

মীফম অসিনা অফগানিস্তানগী ফিভমশিং য়াওনা রিজনেলগী ওইবা চাউখৎ-থৌরাংশিংদা মিৎয়েংশিং থম্ননবা অয়াবসু পীনখি।

প্রধান মন্ত্রীনা সৌদি অরাবিয়াগী কিংদম্বু কোবিদ-১৯ লায়চৎ মনুংদা মফম অদুদা লৈরিবা ভারত মচাশিংগী য়াইফনবা য়েংশিনবিবগীদমক মহাক্না অখন্ননা থাগৎপা ফোংদোকখি।

প্রধান মন্ত্রীনা সৌদি অরাবিয়াগী হিস মেজেস্তী দ কিঙ অমসুং হিজ হায়নেস ক্রাউন প্রিন্সবু হরাও তয়াম্বা ফোংদোকপগী পাউজেলসু পীখি।