25.05.2025দা শন্দোকখিবা ‘মন কী বাত’কী 122শুবা তাঙ্কক্তা থমখিবা পি.এম.গী ৱারোলগী মনিপুরী ৱাহন্থোক
May 25th, 11:30 am
ঐহাক্কী নুংশিরবা ইরৈবাকচাশিং, খুরুমজরি। ঙসিদি লৈবাক পুম্বনা তেরোরিজমগী মায়োক্তা অমত্তা ওইনা লেপ্পী; অশাউবা অমসুং ফিরেপনা থল্লি। ঙসিদি ভারত মচা খুদিংমক্না তেরোরিজম মুত্থৎনবা চপ মান্নবা ৱারেপ লৌরে। মরুপশিং, ওপরেসন সিন্দুরগী মতমদা ঐখোয়গী ফোর্সশিংনা উৎখিবা থৌনা অদুনা ভারত মচা খুদিংমকপু চাউথোকচবা পোকহল্লি। ঐখোয়গী লান্মীশিংনা ঙমখৈগী ৱাংমদা লৈবা তেরোরিস্তশিংগী অরোনবা মফমশিংবু থুগাইবগী প্রিসিজন অমসুং এক্যুরেসী অসি য়াম্না শিংথানীংঙাইনি। ওপরেসন সিন্দুরনা মালেম শিনবা থুংনা তেরোরিজমগা লান্থেংনবদা অনৌবা থাজবা অমসুং থৌনা পীরি।