প্রধান মন্ত্রীনা মিয়াগী প্রিফেকচরগী সেন্দাইদা লৈবা সেমিকন্দক্তর ফেসিলিতী অমদা চৎখ্রে
August 30th, 11:52 am
প্রধান মন্ত্রী শ্রী নরেন্দ্র মোদীনা জপানগী প্রধান মন্ত্রী ঐচ.ই. মিস্তর শিগেরু ইশিবাগা লোয়ননা ঙসি মিয়াগী প্রিফেকচরগী সেন্দাইদা চৎখ্রে। সেন্দাইদা লুচিংবা অনিনা সেমিকন্দক্তর সেক্তরদা মকোক থোংবা জপানগী কম্পনী অমা ওইরিবা তোকিও ইলেক্ত্রোন মিয়াগী লিমিতেদ (TEL মিয়াগী) দা চৎখি। গ্লোবেল সেমিকন্দক্তর ভেল্যু চেনদা TELগী থৌদাং, মাগী এদভান্স মেন্যুফেকচরিং কেপাবিলিতীশিং অমসুং ভারতকা লোয়ননা হৌজিক চত্থরিবা অমসুং থৌরাং তৌরিবা কোলাবোরেসনশিংগী মতাংদা প্রধান মন্ত্রীদা পাউদমখি। ফেক্টরীদা চৎপদা অসিনা লৈবাক অনিগী মরক্তা সেমিকন্দক্তর সপ্লাই চেন, ফেব্রিকেসন অমসুং তেস্তিংগী লমদা তেংবাং পীননবা লৈরিবা খুদোংচাবশিংগী মতাংদা লুচিংবশিংদা প্রেক্তুকেল অন্দরস্তেন্দিং অমা পীখি।