প্রধান মন্ত্রীনা রোজগার মেলাদা ভিদিও কনফরেন্সিংগী খুত্থাংদা থমখিবা ৱারোল
October 24th, 11:20 am
অসিগুম্বা মতম অসিদা দীপাবলীগী থৌরম অসিনা অদোম পুম্নমক্কী পুন্সিদা অনৌবা মঙাল অমা পুরক্লি। উৎসবশিংগী মরক্তা শোইদবা থবক ফংনবগীদমক এপোইন্তমেন্ত লেত্তর ফংবগী, হায়বদি, উৎসবশিংগী নুংঙাইবা অমসুং মাইপাকপগী অনিরক নুংঙাইবা অসি ঙসি লৈবাক অসিগী নহা ৫১,০০০ হেনবনা ফংলি। অদোম পুম্নমক্কী ইমুং-মনুং অসিদা কয়া য়াম্না নুংঙাইবা ফাওবগে হায়বদু ঐহাক্না খঙবা ঙম্লি। ঐহাক্না অদোম পুম্নমকপু অমসুং অদোমগী ইমুং-মনুংবু নুংঙাইবা ফোংদোকচরি। পুন্সিগী অনৌবা হৌরকফম অসিগীদমক ঐহাক্না অদোমদা য়াইফ-পাউজেল কয়া পীজরি।প্রধান মন্ত্রী শ্রী নরেন্দ্র মোদীনা রোজগার মেলাদা ৱা ঙাংখ্রে
October 24th, 11:00 am
প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা রোজগার মেলাদা ৱা ঙাংখ্রে। থৌরমদুদা ৱা ঙাংলদুনা, প্রধান মন্ত্রীনা চহি অসিগী মৈগী কুমহৈ দিৱালীনা মীপুম খুদিংমক্কী পুন্সিদা মঙাল পীরক্লি হায়খি। কুমহৈগী মরকসিদা পর্মেনেন্ত থবক্কী এপোইন্তমেন্ত লেত্তর ফংবসিনা – কুমহৈগী নুংঙাইবসু অমদি থবক্কী লমদা মায় পাকপদসু হরাওবা শরুক অনি ফংহল্লে। শ্রী মোদীনা ঙসি লৈবাক শিনবা থুংনা নুংঙাইবা অসি নহা ৫১,০০০ য়ৌরে হায়খি। মসিনা মখোয়গী ইমুংশিংদা হরাও তয়াম্বা পুরক্লি হায়রদুনা, মহাক্না এপোইন্তমেন্ত লেত্তর ফংলিবা অমদি মখোয়গী ইমুং মনুংগী মীওইশিংদা নুংঙাইবা ফোঙদোকখি। মহাক্না মখোয়গী পুন্সিদা অনৌবা তাঙ্কক অমা লাকপদা য়াইফ পাউজেল পীখি।