“তেক্নোলোজী, রিফোর্ম্স এন্দ ফাইনান্স ফোর ভিক্সিত ভারত” কী পোস্ত বজেত ৱেবিনারদা প্রধান মন্ত্রীনা পীখিবা ৱারোল
February 27th, 01:01 pm
চহি অসিগী অহানবা বজেত ৱেবিনার অসিদা ঐনা ময়াম্বু তরাম্না ওকচরি। হৌখিবা চহি খরসিদা বজেত ৱেবিনারশিং অসি চৎনবী অমা ওইরক্লি। বজেত অসি তোঙান তোঙানবা পেরামিতরশিংদা হেক হেক নৈনৈ: করিগুম্বা মতমদা স্তোক মার্কেতকী খোঙজেলদা, করিগুম্বা মতমদনা ইনকম তেক্সকী ৱাফমদা খন্ন-নৈনৈ। অশেঙবদি লৈবাক্কী বজেত অসি অতেনবা মতমগী লল্লোন ইতিক্কী চে-চাং নত্তে; মসি খুজিল থৌরাংগী য়াত্থোক্লবা লম্বী অমনি। মরম অদুনা বজেতকী মতিং অসি মশক লেপথোকপা য়াবা পেরামিতরশিংদা য়ুম্ফম ওইরগা নৈনগদবনি। ইনফ্রাস্ত্রকচর পাকথোক চাউথোকহনবা, ক্রেদিত ফ্লো লৈহনবা, ইজ ওফ দুইং বিজিনেস ফগৎহনবা, লৈঙাক্তা অরোন অথুপ লৈহন্দবা হেনগৎহনবা, অমদি মীয়ামগী পুন্সি কোমহনবা অমসুং মখোয়গীদমক অনৌবা খুদোংচাবশিং শেম্নবা খুজিল থৌরাংনি। শেন্মিৎলোন্দা মতম শাংনা মপাঙ্গল হাপকদবা বজেতকী ফিরেপ মরু ওই। অদুগা খ্বায়দগী মরুওইনা, বজেত অমত্তা নাইতোম ওইনা য়েংলোইদবনি। লৈবাক শেমগৎপা হায়বসি লেপ্পা নাইদবা থৌওং অমনি। বজেত খুদিংমক হেন্না পাক চাউবা পান্দম অমগী মায়কৈদা থাংজিনবা খোঙথাং অমনি, অমদি ঐখোয়গী মাঙদা তারিবা হেন্না পাক চাউবা পান্দম অদুদ ২০৪৭ ফাওবদা চাওখৎপা ভারত অমা শেমগৎপনি। রিফোর্ম খুদিংমক, এলোকেসন খুদিংমক, অহোংবা খুদিংমক অশাংবা খোঙচৎ অমগী শরুক অমা ওইনা উগদবনি। মরম অদুনা চহি খুদিংগী বজেত মতুংদা পাঙথোক্লিবা ৱেবিনার অসি য়াম্না মরু ওই। ঐহাক্না ৱেবিনারশিং অসি ৱাখল্লোন ফোঙদোক্নবখক্তদা লোইশিনফম থোক্তে, মসি মতিং লৈবা ৱাখল পুথোক্তুনা নৈনবগী থৌরম অমা ওইগনি হায়না ঐনা থাজৈ। অদোম্না থেংনরকপশিং অমদি হকথেংননা থেংনরিবা শিংনবশিংদা য়ুম্ফম ওইবা অদোমগী ৱাফমশিংনা শেন্মিৎলোনগী লাল্লোং য়াৎপদা অমদি পাম্বৈ পুথোকপদা তশেংনা মতেঙ ওইগদৌরিবনি। ইন্দস্ত্রী, একাদমিয়া, এনালিস্ত, অমদি খুজিল থৌরাং য়াৎলিবশিংনা পুন্না ৱাখল খনমিন্নবা মতমদা খুজিল থৌরাংশিং থবক ওইনা পায়খৎপগী মওং হেন্না ফগৎলকই অমদি মদুগী মহৈ চপ চানা ফংবা ঙম্মি। মসিমক ৱেবিনার পরিং অসিগী মরুমদা লৈরিবা ৱাখল্লোন অদুনি।“বিকসিত ভারতকীদমক তেক্নোলোজিগী অওনবশিং অমসুং ফাইনান্স” দা বজেত মতুংগী ৱেবিনারদা প্রধান মন্ত্রী শ্রী নরেন্দ্র মোদীনা ৱা ঙাংখ্রে
February 27th, 11:30 am
“বিকসিত ভারতকীদমক তেক্নোলোজিগী অওনবশিং অমসুং ফাইনান্স” থিমদা ২০২৬-২৭ গী বজেত মতুংগী ৱেবিনারদা প্রধান মন্ত্রী শ্রী নরেন্দ্র মোদীনা ৱা ঙাংখ্রে। প্রধান মন্ত্রীনা হায়খি মদুদি লৈবাক্কী বজেত অসি অতেনবা মতম অমগী ললোন-ইতিক্কী চে-চাং অমা ওইবগী মথক্ত থৌশিলগী লম্বী অমনি। ২০৪৭ ফাওবা বিকসিত ভারত অমগী পান্দম ফংনবা অপুনবা ওইনা থবক পায়খৎপা দরকার ওই।প্রধান মন্ত্রীনা দিল্লীদা পাঙথোক্কদৌরিবা এ.আই.ইম্পেক্ত সমীত্তা মালেমগী লুচিংবশিং তরাম্না ওকখ্রে
February 16th, 10:27 am
প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী ভারত মন্দপমদা পাঙথোক্কদৌরিবা এ.আই. ইম্পেক্ত সমীত্তা মালেম পুম্বদগী মালেমগী লুচিংবশিং, ইন্দস্ত্রীগী কেপ্তেনশিং, ইনোবেতরশিং, পোলিসীমেকরশিং, রিসর্চরশিং অমসুং তেক্নোলোজিবু নুংশিজবশিংবু তরাম্না ওকখ্রে।প্রধান মন্ত্রীনা ন্যু দিল্লিদা ওগষ্ট ৭ দা এম.এস শ্বামিনাথন সেন্তেনারি ইন্তরনেসনেল কনফরেন্স হৌদোক্কনি
August 06th, 12:20 pm
প্রধান মন্ত্রী শ্রী নরেন্দ্র মোদীনা ন্যু দিল্লিগী আই.সি.এ.আর পুসাদা ওগষ্ট ৭ গী অয়ুক পুং ৯ রোম তাবদা এম.এস শ্বামিনাথন সেন্তেনারি ইন্তরনেসনেল কনফরেন্স হৌদোক্কনি। থৌরম অদুদা মহাক্না মীয়ামদা ৱা ঙাংগনি।