নই দিল্লীগী 7, লোক কল্যান মার্গতা নেস্নেল এৱার্দী ওজাশিংগা লোয়ননা উন্নবদা পি.এম.না থমখিবা ৱারোল
September 04th, 05:35 pm
ঐখোয়না ওজাশিংদা মহৌশানা ইকায় খুম্নবা উৎলি অমসুং মখোয় অসি খুন্নাই অসিদা অচৌবা শক্তি অমনি। অমসুং ওজাশিংবু য়াইফ-মঙ্গোল পীনবগীদমক লেপচবা অসি পাপ অমনি। মরম অদুনা ঐনা অসিগুম্বা পাপ অসি তৌবা পামদে। ঐহাক্না অদোমগা পাউ ফাওনবা য়াম্না পাম্মি। পুম্নমকপু উবা ফংজবা অসি ঐহাক্কী ওইনা য়াম্না নুংঙাইবা অমনি, তশেংনমক্কীদি ঐহাক্না পুম্নমকপু পামজৈ, মরমদি নখোয় খুদিংমক্না নখোয়গী পুন্সিদা ৱারী অমা লৈরমগনি মরমদি মদু য়াওদনা অদোম্না মফমসিদা য়ৌরকলোই। অদুবু মতম ময়াম্না কাইথোকপা হায়বসি অরুবা ওইগনি, অদুবু ঐহাক্না পুম্নমকপু মশক খঙবগী খুদোংচাবা ফংজবা অসি য়াম্না ইথিল পীনীংঙাই ওই অমসুং মসিগীদমক্তা ঐহাক্না পুম্নমকপু থাগৎচরি। মরম অদুনা নেস্নেল এৱার্দ অসি ফংলকপা অসিনা লোইবা নত্তে। হৌজিক মীপুম খুদিংমক্কী মীৎয়েং অদোমদা থম্মি, মসিগী এৱার্দ অসিগী মতুংদা মীপুম খুদিংমক্কী মীৎয়েং অদোমদা থমগনি। মসিনা তাকপদি অদোমগী এচিবমেন্ত অসি য়াম্না হেনগৎলে। মমাংদা নহাক্কী ইথিলগী মফম নৎত্রগা কমান্দগী মফম অসি হৌজিক্তি এৱার্দ অসিগী মতুংদা য়াম্না হেনগৎলকপা য়াই। ঐহাক্না থাজৈ মদুদি হৌরকফম অসি মফমসিদগী হৌগনি, নহাক্না খুদোংচাবা লৌগদবনি, নহাক্না তৌবা য়াবা মখৈদা নহাক্কী খুদোংচাবা পুম্নমক শিজিন্নগদবনি। অমসুং ঐহাক্না থাজৈ মদুদি অদোমগী অপেনবগী থাক অসি হেনগৎলকখিগনি, মরম অদুনা অদোম্না মদুগী মায়কৈদা হোৎনগদবনি। মসিগী এৱার্দ অসিগীদমক্তা অদোমবু খনগৎপা অসি অদোমগী কন্না হোৎনবগী, অদোমগী লেপ্পা লৈতনা চংশিনবগী খুদম্নি। মদুগী মতুংদা খক্তনা মসি পুম্নমক ওইথোকপা ঙমগনি অমসুং ওজা অমা হায়বসি হৌজিক্কী মতমদতা নত্তে, মহাক্না লৈবাক অসিগী তুংগী চারোন-শুরোনসু শেম্মী, মহাক্না তুংগী মতমসু ফগৎহল্লি। অমসুং ঐহাক্না থাজৈ মদুদি মসিসু লৈবাক অসিগীদমক কনাগুম্বা অমনা তৌরিবা সর্বিসকী কেতগোরীদা লৈবাক্কীদমক তৌরিবা সর্বিসতগী হন্থবা অমত্তা নত্তে। ঙসিদি, অদোমগুম্বা ওজা কোতি কয়া লৈবাক অসিগী সেবা তৌবদা মপুং ফানা থৌনা লৈরে। মীপুম খুদিংমক্না মফম অসিদা লাকপগী খুদোংচাবা ফংদে। মীওই কয়ানা হোৎনখিদবসু য়াই, মীওই খরনা খঙখিদবসু য়াই অমসুং মসিগা মান্নবা তৌবা ঙম্বশিং লৈবা মীওই কয়া লৈরম্বা য়াই, মীওই কয়া লৈরম্বা য়াই অমসুং মখোয়গী অপুনবা হোৎনবগী মহৈদি লৈবাক অসিনা লেপ্তনা খুমাং চাউশিল্লকপা, অনৌবা চারোন-শুরোন শেমগৎলকপা, লৈবাক অসিগীদমক হিংলিবা অমসুং মীপুম খুদিংমক্না থৌদাং লৌরিবা অসিনি।প্রধান মন্ত্রী নরেন্দ্র মোদীনা নেস্নেল এৱার্দী ওজাশিংদা ৱা ঙাংখ্রে
September 04th, 05:33 pm
প্রধান মন্ত্রী শ্রী নরেন্দ্র মোদীনা ঙসি নই দিল্লীদা নেস্নেল এৱার্দী ওজাশিংদা ৱা ঙাংখ্রে। শ্রী মোদীনা ভারতকী খুন্নাইনা ওজাশিংদা পীরিবা মহৌশা ওইরবা ইকাই খুম্নবা অদুগী থাগৎপা ফোংদোকখি। মহাক্না অকনবা ৱাফম থমখি মদুদি ওজাশিংবু ইকায় খুম্নবা অসি চৎনবী অমা খক্তা নত্তে অদুবু মখোয়গী পুন্সি চুপ্পা কত্থোকখিবা অমসুং ইথিলবু মশক খঙবনি।প্রধান মন্ত্রীনা ওজাশিংগী নুমিত্তা লাইরিক লাইশু তাকপী তম্বীরিবশিংগী মফমদা ইকাইখুম্নবা উৎখ্রে
September 05th, 09:51 pm
প্রধান মন্ত্রী, শ্রী নরেন্দ্র মোদীনা ঙসি ওজাশিংগী নুমিৎ অসিদা মঙলান কয়াগী ইথিল পীবীরিবা, তুংলমচৎ তাকপীরিবা অমসুং খঙনিংবগী মঙাল পীবীরিবা ওজাশিংবু শিংথাখি।প্রধান মন্ত্রীনা ওজাশিংগী নুমিত্তা ওজাশিংগী মফমদা ইকায় খুম্নখ্রে
September 05th, 09:58 am
প্রধান মন্ত্রী, শ্রী নরেন্দ্র মোদীনা ওজাশিংগী নুমিৎ লাকপদা মখোয়গী নিংহন্নবা লৈতনা খোঙফম চেৎপা অমসুং তুংগী মতম শেম্বা অমসুং মঙলান কয়া মংহনবদা ইথিল কয়া পীবগীদমক্তা ওজাশিংগী মফমদা ইকায় খুম্নবা উৎখ্রে।ওজাশিংগী নুমিৎকী মাংওইননা পি.এম.না নেস্নেল তীচর্স এৱার্দ 2023 ফংখ্রবশিংগা ৱারী শাখ্রে
September 04th, 10:33 pm
ওজাশিংগী নুমিৎকী মাংওইননা প্রধান মন্ত্রী শ্রী নরেন্দ্র মোদীনা ঙসি 7, লোক কল্যান মার্গতা নেস্নেল তীচর্স এৱার্দ 2023 ফংখ্রবশিংগা লোয়ননা ৱারী শাখ্রে। ৱারী শাবগী থৌরমদা এৱার্দ ফংখ্রবা মীওই 75না শরুক য়াখি।পি.এম.না নেস্নেল এৱার্দ ফোর তীচর্স, ২০২২ মনা ফংলবা মীওইশিংগা সেপ্তেম্বর ৫দা ৱারী শানগদৌরি
September 04th, 01:29 pm
ওজাশিংগী নুমিৎকী থৌরমদা প্রধান মন্ত্রী শ্রী নরেন্দ্র মোদীনা নেস্নেল এৱার্দ ফোর তীচর্স, ২০২২ ফংলবা মীওইশিংগা ৭ লোক কল্য়ান্দা সেপ্তেম্বর ৫, ২০২২গী নুংথিল পুং ৪:৩০ তাবা মতমদা ৱারী ৱাতায় শানগদৌরি।প্রধান মন্ত্রীনা নেস্নেল তিচর এৱার্দ ২০১৮ ফংলবশিংগা উন্নদুনা ৱারী শানখ্রে
September 03rd, 06:14 pm
প্রধান মন্ত্রীনা মনা ফংলবশিংবু মখোয়গী থোইদোক হেন্দোকপা থবক্কীদমক থাগৎপা ফোংদোকখি। মহৈরোই খুদিংমক্কী পুন্সিদা অহোংবা পুরক্নবা মখা তানা কন্না হোৎননবা মহাক্না মখোয়দা তকশিনখি।