প্রধান মন্ত্রীনা ইথোপীয়াগী অদিস অবাবাদা অদৱা ভিক্তোরি মোনুমেন্তদা ইকায়খুম্নবা উৎখ্রে
December 17th, 01:44 pm
ঙসি প্রধান মন্ত্রী শ্রী নরেন্দ্র মোদীনা ইথোপীয়াগী অদিস অবাবাদা অদৱা ভিক্তোরি মোনুমেন্তদা লৈ কত্তুনা ইকায়খুম্নবা উৎখ্রে। মখোয়গী লৈবাক মনিংতম্বা পুরক্নবগীদমক ১৮৯৬ গী অদৱাগী লানফমদা থৱায় কৎখ্রবা থৌনা ফরবা ইথোপীয়াগী লান্মীশিংদমক মেমোরিএল অসি কৎথোকখিবনি। অদৱাগী অথৌবশিং অমসুং নিংতম্বা, ইকায়খুম্নবা অমসুং অৱাবা খাংবা ঙম্বা লৈবাক অসিগী পুৱারিদা ইকায়খুম্নবা উৎনবা মেমোরিএল অসি শেমগৎখিবনি।প্রধান মন্ত্রীনা ইথিওপিয়াগী পার্লিয়ামেন্তকী জোইন্ত সেসন্দা পীখিবা ৱারোল
December 17th, 12:25 pm
ঐহাক্না গনতন্ত্রগী লাইশঙ ওইরিবা, অরিবা মতমগী লৌশিং অমসুং মোদর্ন এস্পিরেসনশিং লৈবা লৈবাক ওইরিবা মফম অসিদা লাকপা ফংবা অসি লাইবক ফবনি। ঐহাক্না অদোমগী পার্লিয়ামেন্ত, অদোমগী মীয়াম অমসুং অদোমগী দেমোক্রেসিগী খোঙচৎকীদমক চাউনা ইকায় খুম্নবা উৎচরি। ভারতকী মীওই বিল্লিয়ন ১.৪গী মায়কৈদগী ঐহাক্না মরূপ ওইবগী, অফবা মঙলানগী অমসুং ইচিল ইনাও ওইবগী য়াইফ পাউজেল পীজরি।প্রধান মন্ত্রীনা ইথিওপিয়াদা পার্লিয়ামেন্তকী অপুনবা সেসন্দা ৱা ঙাংখ্রে
December 17th, 12:12 pm
প্রধান মন্ত্রীনা মহাক্কী ৱারোল হৌরকপদা ভারতকী মীয়ামদগী ইথিওপিয়াগী আইন শেম্বা মীওইশিংদা মরুপ-মপাং ওইবগী অমসুং অফবা মঙলানগী য়াইফ পাউজেল পীখি। মহাক্না হায়খি মদুদি পার্লিয়ামেন্ততা ৱা ঙাংবা ফংদুনা দেমোক্রেসীগী লাইশং অসিগী থোংদা ইথিওপিয়াগী মীচম প্রজাশিং- লৌমীশিং, ওন্ত্রপ্রিনরশিং, লৈবাক অসিগী তুংলমচৎ শেম্লিবা চাউথোকচনীংঙাই ওইরবা নুপীশিং অমসুং নহাশিংগা ৱারী শাবা অসি মহাক্কীদমক চাউথোকচনিংঙাই অমনি। মহাক্না ইথিওপিয়াগী খ্বাইদগী ৱাংবা এৱার্দ- গ্রেৎ ওনর নিসান ওফ ইথিওপিয়া পীবীবগীদমক ইথিওপিয়াগী মীয়াম অমসুং সরকারদা থাগৎপা ফোংদোকখি। মরী অসিগী মরুওইবা অদু পল্লদুনা, প্রধান মন্ত্রীনা লৈবাক অনিগী মরক্তা চহী কয়াগী মমাংদগী লৈরক্লবা মরী অসি খোংচৎ অসিগী মনুংদা স্ত্রেতেজিক পার্তনরশিপ অমদা হেনগৎলকপদা চাউথোকচবা ফোংদোকখি।প্রধান মন্ত্রীনা ইথিওপিয়াগী খ্বাইদগী ৱাংবা ইকাই খুম্ননিংঙাই ওইরবা মিংথোল ফংবদা পীখিবা ৱারোলগী মৈতৈলোন্দা হন্দোকপা
December 17th, 09:25 am
ঙসি ইথিওপিয়াগী শক্তি লৈরবা লমদম অসিদা পুম্নমক্কী মরক্তা তিনবা ফংবা অসি ঐহাক্কীদমক্তা য়াম্না লাইবক ফবনি। ঐহাক ঙসি নুমিদাংৱাইরমদা ইথিওপিয়াদা থুংলখি, অমসুং ঐহাক মফম অসিদা থুংলবা মতমদগী হৌনা, মফম অসিগী মীয়ামগী নুংশিবা অমসুং চান্নবগী মতৌ উবা ফংবদা অদুক্কী মতীক অপেনবা পোকই। প্রধান মন্ত্রী মশামক্না ঐহাকপু এয়রপোর্ত্তা তরাম্না ওকখি অমসুং ঐহাকপু ফ্রেন্দশিপ পার্ক অমসুং সাইন্স ম্যুজিয়মদা পুবীখি।India and Ethiopia have shared continuous contact, dialogue and exchanges for thousands of years: PM Modi during meeting with Ethiopian PM Abiy Ahmed Ali
December 17th, 09:12 am
During his remarks at the meeting with Ethiopian PM Abiy Ahmed Ali, PM Modi announced that India–Ethiopia relations have been elevated to the level of a Strategic Partnership. The PM noted that both countries are democratic forces committed to peace and the welfare of humanity. He also expressed satisfaction over the decision to double the number of student scholarships for Ethiopia in India.প্রধান মন্ত্রীনা ইথোপীয়াগী প্রধান মন্ত্রীগা লোয়ননা লৈবাক অনিগী ৱারি শানখ্রে
December 17th, 12:02 am
লুচিংবা অনি অকক্নবা ওইনা অমসুং মীহুৎ কাংবুগী থাকশিংদা উনখি। চহি চা কয়াগী সভেত্যগী মরীশিং অমসুং মপাঙ্গল কনবা মীগা মীগা লৈনবা মরীশিংদা য়ুম্ফম ওইবা লৈবাক অনিগী মরীগী হিরম কয়া মখোয়না খন্নখি। ভারত-ইথোপীয়াগী মরীশিং ষ্ট্রাতেজিক পার্তনরশিপকী থাক্ত পুখৎপা লুচিংবশিংনা য়ানরে। গ্লোবেল সাউথকী মরুপশিং ওইনা, লৈবাক খুদিংমক কোনশিনবা মালেম অমা শেমগৎনবা লৈবাক অনি মখা তানা থবক তৌমিন্নবা হায়না মখোয়না য়ানরে। প্রধান মন্ত্রী মোদীনা হায়খি মদুদি ২০২৩ দা লৈবাক অসিনা জি-২০ গী প্রসিদেন্ত ওইরিঙৈদা অফ্রিকান য়ুনিয়ন জি-২০ গী মেম্বর অমা ওইহনখিবা অসি ভারতকীদমক ইকায়খুম্নবা অমনি। পহালগাম তেরর এক্তেক্ত লৈবাক অসিনা অমতা ওইনা লেপ্পগীদমক অমসুং তেরোরিজমগী মায়োক্ত মালেম্না লান্থেংনরিবা অসিদা শৌগৎপগীদমক প্রধান মন্ত্রীনা ইথোপীয়া থাগৎপা ফোঙদোকখি।প্রধান মন্ত্রী ইথোপীয়াগী খ্বাইদগী চাউবা মনা ফংলে
December 16th, 11:52 pm
প্রধান মন্ত্রী শ্রী নরেন্দ্র মোদী দিশেম্বর ১৬-১৭,২০২৫ দগী লৈবাক অনিগী মহাক্কী অহানবা খোঙচৎ ওইনা ইথোপীয়াদা লৈরি। ঙসি অদিস অবাবা ইন্তরনেসনেল কনভেন্সন সেন্তরদা পাংথোকপা অখন্নবা ওইকপগী থৌরম অমদা, ইথোপীয়াগী প্রধান মন্ত্রী দোক্তর অবিয় অহমদনা প্রধান মন্ত্রী শ্রী নরেন্দ্র মোদীদা ইথোপীয়াগী খ্বাইদগী চাউবা মনা ‘গ্রেত ওনর নিসান ওফ ইথোপীয়া’ পীখ্রে, মসিনা ভারত-ইথোপীয়াগী মরীশিং ফগৎনবা মহাক্না পাংথোকখিবা অখন্নবা থবকশিং অমসুং মালেমগী লুচিংবা অমনা ওইনা মীৎয়েং শানবা মহাক্কী লুচিংবগী থবকশিংগীদমক পীবনি।প্রধান মন্ত্রী অখন্নবা অমা ওইনা তরাম্না ওক্তুনা ইথোপীয়াদা থুংখ্রে
December 16th, 06:21 pm
ইথোপীয়াদা চৎপা মহাক্কী অহানবা খোঙচৎ ওইনা প্রধান মন্ত্রী শ্রী নরেন্দ্র মোদী অদিস অবাবদা থুংখ্রে। এয়ারপোর্ততা থুংলবদা, মহাক ইথোপীয়াগী প্রধান মন্ত্রী দোক্তর অবিয় অহমদনা তরাম্না ওকখি অমসুং মচু কয়াগী নাৎকী চৎনবী অমগা লোয়ননা ওকপগী থৌরম অমা পাংথোকখি।