আই.এন.এস বিক্রান্ত মথক্ত মহাক্না দিৱালি পাংথোকখিবগী শক্তমশিং প্রধান মন্ত্রীনা সিয়ার তৌখ্রে
October 21st, 09:30 am
ভারত নেভিগা লোয়ননা আই.এন.এস বিক্রান্ত মথক্ত মহাক্না দিৱালি পাংথোকখিবগী শক্তমশিং প্রধান মন্ত্রী শ্রী নরেন্দ্র মোদীনা সিয়ার তৌখ্রে। প্রধান মন্ত্রীনা হায়খি নুমিৎ অসি মরুওইবা নুমিৎ অমনি, মরুওইবা মিকুপ অমনি অমসুং মরুওইবা মীৎয়েংফম অমনি। নাকল অমদা পাক্লবা সমুদ্র লৈরি অমসুং নাকল অমদা, ইমা ভারতকী থৌনা ফরবা লান্মীশিং লৈরি। নাকল অমদা মপান নাইদ্রবা অতিয়া লৈরি অমসুং নাকল অমদা, মপান নাইদ্রবা শক্তি উৎলিবা, চাউরবা আই.এন.এস বিক্রান্ত উৎলি। সমুদ্রদা নুমিৎকী মঙাল য়ৈবগী মঙাল অসিগা দিপাৱালি মনুংদা থৌনা ফরবা লান্মীশিংনা থাউমৈ থানবগা মান্নরে, মঙালগী লৈ পরেং অমা শেম্লে। ভারত নেভিগী থৌনা ফরবা লান্মীশিংগী মরক্ত দিৱালি শরুক য়াবাফ অসি মহাক্কী লাইবক ফবনি।