ভোপালগী দেবী অহিল্যাবাই মহিলা শশক্তিকরন মহাসম্মেলন্দা তোঙান তোঙানবা প্রোজেকশিং হৌদোকপদা প্রধান মন্ত্রীনা ফোঙদোকখিবা ৱারোল
May 31st, 11:00 am
মধ্য প্রদেসকী রাজ্যপাল শ্রী মঙ্গুভাই পতেল, ঐখোয়গী চীফ মিনিস্তর শ্রী মোহন যাদব জি, তেক্নোলোজিগী খুৎথাংদা শরুক য়ারিবা য়ুনিয়ন মিনিস্তরশিং, ইন্দোরদগী তোখান সাহু জি, দাতিয়াদগী রাম মোহন নাইদু জি, সাত্নাগী মুরালিদার মোহোল জি, রাজ্য অসিগী দিপুতি চীফ মিনিস্তর জগদিস দেবদা জি, রাজেন্দ্র সুক্লা জি, লোক সভাদা ঐগী মরুপ ভি.দি শর্মা জি, অতোপ্পা মিনিস্তরশিং, মীয়ামগী মীহুৎশিং অমসুং মফম অসিদা তিল্লিবা ঐগী নুংশিরবা ইনাওশিং অমসুং ইচলশিং।
প্রধান মন্ত্রী শ্রী নরেন্দ্র মোদীনা মধ্য প্রদেশকী ভোপালদা লোকমাতা দেবী অহিলয়া বাই হোলকরগী 300শুবা মপোক কুমওনগী থৌরমদা পাংথোকপা মহিলা সাশক্তিকরন মহাসম্মেলনদা ৱা ঙাংখ্রে
May 31st, 10:27 am
লোকমাতা দেবী অহিলিয়া বাই হোলকরগী 300শুবা মপোক কুমওনগী থৌরমদা প্রধান মন্ত্রী শ্রী নরেন্দ্র মোদীনা ঙসি মধ্য প্রদেশকী ভোপালদা লোকমাতা দেবী অহিলয়াবাই মহিলা সাশক্তিকরন মহাসম্মেলন্দা ৱা ঙাংখ্রে। মহাক্না ভোপালদা চাউখৎ-থৌরাংগী প্রোজেক্ত কয়া অমসু শঙ্গাখি অমসুং উরেপ-উয়ুংসু তমখি। থৌরম অদুদা ৱা ঙাংলদুনা মহাক্না 'মা ভারতী'বু ইকায় খুম্নবা উৎখি অমসুং ভারতকী নুপীশিংগী শক্তিবু শকখঙখি। থৌরম অদুদা মঙ্গোল পীনবা লাকখিবা ইচে-ইচলশিং অমসুং ইচানুপীশিংনা মশিং য়াম্না তিনখিবগীদমক মহাক্না থাগৎপা ফোংদোক্লদুনা মহাকপু ইকায় খুম্নবা পোকই হায়না মহাক্না ফোংদোকখি। প্রধান মন্ত্রীনা হায়খি মদুদি ঙসি অসি লোকমাতা দেবী অহিলয়াবাই হোলকরগী 300শুবা মপোক কুমওননি, মসি ভারত মচা করোর 140গী ইথিল ফংনবগী তাঞ্জা অমনি অমসুং লৈবাক শেমগৎপগী চাউরবা খোঙথাংদা শরুক তম্নবা তাঞ্জা অমনি। দেবী অহিলিয়াবাইগী ৱাফম পল্লদুনা মহাক্না অমুক্কা হন্না হায়খি মদুদি অশেংবা লৈঙাকপা হায়বসি মীয়ামগী সেবা তৌবা অমসুং মখোয়গী পুন্সি মহিং ফগৎহনবা হায়বনি। মহাক্না হায়খি ঙসিগী প্রোগ্রাম অসিনা মহাক্কী ভিজন অদু তাক্লি অমসুং মহাক্কী ৱাখল্লোনশিং অদু মাংলোমদা পুখৎলি। প্রধান মন্ত্রীনা ইন্দোর মেত্রো হৌদোকখিবগা লোয়ননা দাতিয়া অমসুং সাৎনাগীদমক এয়র কনেক্তিবিতী লৈহনখিবগী ৱাফম থমখি। প্রোজেক্তশিং অসিনা মধ্য প্রদেশকী ইনফ্রাস্ত্রকচর হেনগৎহল্লগনি, চাউখৎপা খোংজেল য়াঙখৎহল্লগনি অমসুং অনৌবা থবক ফংবগী খুদোংচাবা ফংহল্লগনি হায়না মহাক্না অকনবা ৱাফম থমখি। মহাক্না মীপুম খুদিংমক্তা নুংঙাইবা ফোংদোকখি।
প্রধান মন্ত্রী মধ্য প্রদেশতা মে ৩১ দা চৎকনি
May 30th, 11:15 am
লোকমাতা দেবী অহিল্য বাই হোল্করগী ৩০০শুবা মপোক কুমওন্দা, প্রধান মন্ত্রী মধ্য প্রদেশতা মে ৩১ দা চৎকনি। মহাক্না ভোপালদা অয়ুক পুং ১১.১৫ তাবা মতমদা লোকমাতা দেবী অহিল্যবাই মহিলা সশক্তিকরন মহাসম্মেলন্দা শরুক য়াগদৌরি। মহাক্না ভোপালদা য়াম্লবা চাওখৎ থৌরাংগী প্রোজেক্তশিং শঙ্গাগনি অমদি উরেপ উয়ুং তমগনি লোয়ননা মীয়ামগী মীফম অমদসু ৱা ঙাংগনি।