নই দিল্লীদা পাংথোকপা জ্ঞান ভারতমগী ইন্তর্নেস্নেল কনফরেন্সতা ৱা ঙাংবদা থমখিবা পি.এম.গী ৱারোল
September 12th, 04:54 pm
ঙসিদি, বিজ্ঞান ভবন অসি ভারতকী অরিবা মতমগী অশেংবা পুৱারী নৌনা হিংলকপগী খুদম্নি। নুমিৎ খরনিগী মমাংদা, ঐহাক্না জ্ঞান ভারতম মিসন লাউথোকখি। অমসুং ঙসি, অতেনবা মতমগী মনুংদা, ঐখোয়না জ্ঞান ভারতম ইন্তর্নেস্নেল কনফরেন্স পাংথোক্লি। মসিগা মরী লৈনবা পোর্তেল অমসু হৌদোকখ্রে। মসি সরকারগী নৎত্রগা একাদেমিক্কী থৌরম অমা নত্তে, জ্ঞান ভারতম মিসন অসিনা ভারতকী নাৎ, সাহিত্য অমসুং ৱাখল্লোনবু শন্দোক্না তাক্কনি। চহি লিশিং কয়াগী কান্নরবা ৱাখল্লোনশিং, ভারতকী অথোইবা ৱাখল লৈবা মীওইশিং, আচার্য়শিং অমসুং স্কোলরশিংগী ৱাখল্লোনশিং, ঐখোয়গী লৌশিংগী চৎনবীশিং, ঐখোয়গী সাইন্তিফিক হেরিতেজ অসি ঐখোয়না জ্ঞান ভারতম মিসনগী খুত্থাংদা দিজিতাইজ ওইহল্লগনি। ঐহাক্না লৈবাক অসিগী মীওই পুম্নমকপু মিসন অসিগীদমক থাগৎচরি। ঐহাক্না জ্ঞান ভারতম অমসুং কলচর মন্ত্রালয়গী তীম পুম্নমকপু য়াইফ-পাউজেল পীজরি।প্রধান মন্ত্রী শ্রী নরেন্দ্র মোদীনা নই দিল্লীদা পাংথোকপা জ্ঞান ভারতমগী ইন্তর্নেস্নেল কনফরেন্সতা ৱা ঙাংখ্রে
September 12th, 04:45 pm
প্রধান মন্ত্রী শ্রী নরেন্দ্র মোদীনা ঙসি নই দিল্লীগী বিজ্ঞান ভবনদা জ্ঞান ভারতমগী মতাংদা পাংথোকপা ইন্তর্নেস্নেল কনফরেন্সতা ৱা ঙাংখ্রে। থৌরম অদুদা মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি ঙসি ভিজ্ঞান ভবন অসিনা ভারতকী অরিবা মতমগী অশেংবা পুৱারী অমুক হন্না উবা ফংলি। মহাক্না হায়খি মদুদি নুমিৎ খরনিগী মমাংদা, মহাক্না জ্ঞান ভারতম মিসন লাউথোকখি অমসুং অতেনবা মতমগী মনুংদা, জ্ঞান ভারতম ইন্তর্নেস্নেল কনফরেন্স পাংথোকখি। মিসন অসিগা মরী লৈনবা পোর্তেল অমসু হৌদোক্লে হায়না শ্রী মোদীনা পাউদমখি। মসি সরকারগী নৎত্রগা একাদেমিক্কী থৌরম অমা নত্তে হায়না পল্লদুনা প্রধান মন্ত্রীনা হায়খি মদুদি জ্ঞান ভারতম মিসন অসি ভারতকী নাৎ, সহিত্য অমসুং কন্সিয়সনেসকী প্রোক্লেমেসন অমা ওইনবা শেম-শারি। মহাক্না মীরোল লিশিং কয়াগী ৱাখল্লোনগী ওইবা কন্তেমপ্লেতিব লিগেসী অদুগী মতাংদা ফোংদোকখি। মহাক্না ভারতকী লৌশিং, চৎনবী অমসুং সাইন্তিফিক হেরিতেজবু ময়েক শেংনা ফোংদোক্লদুনা ভারতকী অচৌবা অখঙ-অহৈশিং, আচার্য়শিং অমসুং স্কোলরশিংগী লৌশিং অমসুং রিসর্চবু শকখঙখি। শ্রী মোদীনা হায়খি মদুদি জ্ঞান ভারতম মিসনগী খুত্থাংদা, মসিগী লেগেসীশিং অসি দিজিতেলাইজ তৌরি। মহাক্না মিসন অসিগীদমক্তা নাগরিক পুম্নমকপু থাগৎপা ফোংদোকখি অমসুং জ্ঞান ভারতম তীম অমসুং কলচর মন্ত্রালয়দা য়াইফ-পাউজেল পীখি।প্রধান মন্ত্রী ওগষ্ট ২ দা বারানাসীদা চৎকনি
July 31st, 06:59 pm
সহরগী অওনবা পুরক্নবা, নাৎ অমুক হন্না হিঙ্গৎহন্নবা, লম্বী-থোং ফগৎহন্নবা অমসুং বারানসীদা পুন্সি মহিং ফগৎহন্নবা পান্দমদা প্রোজেকশিং অদুদা য়াওরিবা হিরমশিংগী মনুংদা ইনফ্রাষ্ট্রকচর, লাইরিক-লাইশু, অনা-লায়য়েং, তুরিজম, সহর শেমগৎপা, নাৎ অমসুং চৎনবীশিংনি য়াওরি।PM chairs 47th Annual General Meeting of Prime Ministers Museum and Library (PMML) Society in New Delhi
June 23rd, 09:35 pm
PM Modi chaired the 47th AGM of the Prime Ministers Museum and Library (PMML) Society. He put forward the vision of a “Museum Map of India” and suggested the development of a comprehensive national database of all museums in the country. He highlighted the need to create committee to bring out fresh ideas on museums. He advised compiling documents related to the Emergency period to aid researchers.পোদকাস্ত অমদা লেক্স ফ্রিদমেনগা লোয়ননা পি.এম.গা ৱারী শাখিবগী ৱারোল
March 16th, 11:47 pm
প্রধান মন্ত্রী - ঐগী শক্তি অসি মোদী নত্তে, মসি লৈবাক অসিগী মীওই করোর 140নি, চহি লিশিং কয়াগী নাৎ, চৎনবী, মসি ঐগী শক্তিনি। মরম অসিনা ঐহাক্না মফম অমা হেক্তদা চৎপা মতমদা মোদী নত্তে, বেদতগী হৌরগা বিবেকানন্দ ফাওবা চহি লিশিং কয়াগী চাউরবা চৎনবীগা লোয়ননা ঐহাক্না চৎলি, ঐহাক্না মীওই করোর 140গা লোইননা মখোয়গী মঙলানশিং, মখোয়গী অপাম্বশিংগা লোয়ননা চৎলি। মরম অসিনা ঐহাক্না মালেমগী লুচিংবা অমহেক্তগা খুৎ শোক্নবা মতমদা, মোদী নত্তে, মীওই করোর 140গী খুৎ শোক্নবনি। মরম অদুনা শক্তি অসি মোদীগী নত্তে, মসি ভারতকী শক্তিনি। ঐখোয়না শান্তিগী মতাংদা ৱারী শানবা মতম খুদিংমক্তা মালেম অসিনা ঐখোয়গী ৱা তারি। মরমদি মসি বুদ্ধগী লমনি, মসি মহাত্মা গান্ধীগী লমনি, মালেমনা ঐখোয়গী ৱা তারি অমসুং ঐখোয়না লানগী মায়কৈদা লৈতে। ঐখোয়না কোওর্দিনেসনগী মায়কৈদা লৈ। ঐখোয়না মহৌশাগা লান শোক্নবা পামদে, লৈবাকশিংগী মরক্তা লান শোক্নবা পামদে, ঐখোয় অসি কোওর্দিনেসন পাম্বা মীওইশিংনি। অমসুং করিগুম্বা ঐখোয়না মসিদা করিগুম্বা থৌদাং অমা লৌবা ঙম্লবদি, ঐখোয়না মদু তৌনবা লেপ্পা লৈতনা হোৎনরি। ঐগী পুন্সি অসি য়াম্না লাইরনা হৌরকই। অদুবু ঐহাক্না লায়রবগী অৱাবদু ফাওখিদে, ফজবা খোঙউপ তোংবা মীওই অমনা করিগুম্বা মহাক্না খোঙউপ অদু তোংদ্রবদি, মদু মসিনি হায়না মহাক্না খল্লি।প্রধান মন্ত্রী শ্রী নরেন্দ্র মোদীনা পোদ কাষ্ট অমদা লেক্স ফ্রিদমেনগা ৱারি শানখ্রে
March 16th, 05:30 pm
ঙসি প্রধান মন্ত্রী শ্রী নরেন্দ্র মোদীনা লেক্স ফ্রিদমেনগা লোয়ননা পোদ কাষ্ট অমদা তোঙান তোঙানবা হিরমশিংদা ৱারি শানখ্রে। ইচম চম্না ৱারি শানবা অমদা, করিগীদমক মহাক্না চারা হেল্লিবনো অমসুং কমদৌনা চারা হেনবগে হায়বগী মতাংদা হংবদা, প্রধান মন্ত্রী ইকায়খুম্নবা উৎপা ওইনা চারা হেনবগীদমক প্রধান মন্ত্রীনা লেক্স ফ্রেদমেন থাগৎপা ফোঙদোকখি। প্রধান মন্ত্রীনা হায়খি ভারত্ত, লাইনিংগী চৎনবীশিংগা নোংমগী পুন্সিগা অচেৎপা মরী লৈনৈ। ভারতকী সুপ্রিম কোর্তনা হায়বগুম্না, হিন্দু লাইনিং অসি ইচম চম্বা লাইশোন তিনশোনগী থৌরমশিং খক নত্তে, মসি পুন্সি লমজিংবা ৱাঙুলোন অমনি। চারা হেনবা অসি থকশি-খাসি লৈনবা অমসুং নুঙ অমসুং পান অনিম খল চানা থম্নবা খুৎলায় অমনি। চারা হেনবনা মীৎশিং-নাশিংবা হেনগৎহল্লি। চারা হেল্লিঙৈ মনুংদা, কনাগুম্বা অমনা য়াম্না কুপ্পা মনমশিং ফাওবা নম্বা ঙম্মী। চারা হেনবনা ৱাখল খনবগী থবকশিং ফগৎহল্লি, অনৌবা মীৎয়েং লৈহল্লি অমসুং অনৌবা ৱাখল্লোনশিং পুক্নিং থৌগৎলি। চারা হেনবা অসি শুপ্নগী চাক চাদবা অদু খক নত্তে, মসিদা থৌরাং তৌবা অমসুং হু লৌথোক্নবগী সাইন্তিফিক ওইবা থৌরাং অমা য়াওরি। নুমিৎ কয়ানগী মমাঙদগী অয়ুর্বেদা অমসুং য়োগ পাংথোক্তুনা চারা হেন্নবগীদমক মহাক্না মহাক্কী হকচাং থৌরাং তৌই অমসুং চারা হেল্লিঙৈদা মহি-মনাই শীজিন্নবা অসি য়াম্না মরুওই। চারা হেনবা হেক হৌখিবগা, মসি মহাক্না কৎথোকপা অমসুং ইশানা ইশাবু থকশি-খাসি লৈহন্নবা থবক অমনি হায়না লৌই অমসুং পুক্নিং ৱাখল চঙনা থবক তৌবা হেনগৎহল্লি। মহাক্না স্কুল কারিঙৈদা মহাত্মা গান্ধীনা ইথিল পীদুনা খোঙজং অমা হৌদোক্তুনা, মহাক্না চারা হেনবা হৌখিবগী ৱারি অমা প্রধান মন্ত্রীনা লিখি। মহাক্না অহানবা ওইনা চারা হেল্লিঙৈ মনুংদা পাঙ্গল কনখৎলকপা অমসুং লৌশিং হেনগৎলকপা অমা মহাক্না ফাওখি, চারা হেনবগী কান্নবা মহাক খঙবা ঙমখি। চারা হেনবনা মহাক শোন্থহন্দে; মদুগী মহুত্ত, মসিনা মহাক কান্নবা হেন্না ফংখি হায়না প্রধান মন্ত্রীনা ফোঙদোকখি। মহাক্না হায়খি মহাক্না চারা হেল্লিঙৈ মনুংদা, মহাক্কী ৱাখল হেন্না মনিং তমখি অমসুং অফবা ৱাখল খনখি অমসুং মসি মশামক মশক খঙজনবগী অফবা থবক ওইখি।