2047তা চাউখৎপা ভারতকী লম্বেল অসি আত্মনির্ভরতাদগী হৌরগা চৎলিঃ মন কী বাত্তা পি.এম. মোদী
July 27th, 11:30 am
'মন কী বাত' অসিদা, ঐখোয়না অমুক্কা হন্না লৈবাক অসিগী মাইপাকপশিং, লৈবাক মীয়ামগী মাইপাকপশিং অদুগী মতাংদা ৱারী শাগনি। হৌখিবা চয়োল খরা অসিদা, শান্ন-খোৎনবা, সাইন্স নৎত্রগা কলচর ওইগেরা, ভারত মচা খুদিংমক্না চাউথোকচবা পোক্কদবা কয়া অমা থোকখ্রে। হন্দক্তা লৈবাক অসিদা শুভান্সু শুক্লাগী স্পেসতগী হল্লকপগী মতাংদা য়াম্না ঙাংনখি। শুভান্সুনা মালেমদা শাফনা য়ৌরকপা মতমদা, মীয়াম্না নুংঙাইবা পোকহনখি; থমোয় খুদিংমক্তা হরাও-তয়াম্বগী ইথিল অমা পোকখি। লৈবাক শীনবা থুংনা চাউথোকচবা ফাওখি। ঐহাক্না নীংশিংলি মদুদি 2023গী ওগস্ততা চন্দ্রয়ান-3 মাইপাক্না লেন্দ তৌরকপা মতমদা লৈবাক অসিদা অনৌবা ফিভম অমা লাকখি। অঙাংশিংগী মরক্তা সাইন্স, স্পেসকী মতাংদা অনৌবা মওংদা খঙনীংবা পোকপা হৌরকখি। হৌজিক্তি অপীকপা অঙাংশিংনা হায়রি, ঐখোয়না স্পেসতা চৎকনি; থাদা লেন্দ তৌরগনি - ঐখোয়না স্পেস সাইন্তিস্ত ওইগনি।