২৮.০৬.২০২৬দা শন্দোকপা মন কী বাতকী ১৩৫শুবা তাঙ্কক্তা ৱা ঙাংবদা থমখিবা পি.এম.গী ৱারোলগী মনিপুরী ৱাহন্থোক
June 28th, 11:30 am
'মন কী বাত'কী খুত্থাংদা অমুক হন্না ময়াম পুম্নমক্কা কন্নেক্ত তৌবা অসিদা ঐহাক য়াম্না নুংঙাইবা ফাওই। ২০২৬কী চহিগী তংখায় অমা লোইশিল্লক্লে। হৌখিবা থা তরুক অসিদা, ঐখোয়না 'মন কী বাত্তা' ঐখোয়গী লৈবাক মীয়ামগী মাইপাকপা কয়া খন্নখ্রে। জুন থা অসিদসু, লৈবাক অসিনা নাগরিক খুদিংমকপু চাউথোকচবা পোকহল্লিবা মখল কয়াগী মাইপাকপশিং ফংলে। মসিগী মাই পাকপা অসি লৈবাক অসিগী সেক্যুরিতী অমসুং মশা-মরোমদোম লেপচবা ঙম্বগা মরী লৈনৈ। হন্দক্তা, ঐহাক্না কোলকাতাদা নেভীগা মরী লৈনবা থৌরম অমদা শরুক য়াবগী খুদোংচাবা ফংখি। মফম অদুদা আই.এন.এস. দুনাগিরী, আই.এন.এস. সনশোধক অমসুং আই.এন.এস. অগ্রয় অসি ইন্দিয়ন নেভীগী ফ্লিত্তা য়াওহনখি। পোৎলম খুদিংমক - মসিগী জহাজশিং অসি দিজাইন তৌবদগী হৌরগা শাবা ফাওবা - অসি ইন্দিজিনস ওইখি।