অসামগী গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্ত শঙ্গাবদা ৱা ঙাংবদা থমখিবা পি.এম.গী ৱারোল
December 20th, 03:20 pm
অসামগী লমদমগা ঐহাক্কা লৈনরিবা মরী, মসিগী মীয়ামগী নুংশিবা অমসুং অখন্ননা অসাম অমসুং অৱাং নোংপোক্কী ঐহাক্কী ইচিল-ইনাওশিংদগী ঐহাক্না ফংলিবা নুংশিবা অমসুং সেন্স ওফ বিলোংগিংনেস অদুনা ঐহাকপু লেপ্পা লৈতনা পুক্নিং থৌগৎলি অমসুং অৱাং নোংপোক্কী চাউখৎ-থৌরাংগীদমক ঐখোয়গী ৱারেপ অদু মপাঙ্গল কনখৎহল্লি। ঙসি, অসামগী চাউখৎ থৌরাংগী অনৌবা পন্দুপ অমা হাপচিল্লক্লি হায়না ঐনা উরি। অমসুং মসিগী মতাং অসিদা, ভারত রত্ন ভুপেন হাজরিকানা হায়রম্বা অসি য়াম্না চানরি: লুইতোর পের জিলিকাবো, অন্ধারোর প্রোতিতি দেৱাল ভঙ্গি জবো, অমি প্রোতিগ্যাবোদ্বো, অমি সঙ্কলপবদ্ধো! মসিনা তাকপদি লুই তুরেলগী তোর্বানশিং অসি মঙাল থোক্লগনি, অমুবা ফক্লাং খুদিংমক থুগায়রগনি, অমসুং মসি তশেংনা থোক্লগনি; মসি ঐখোয়গী ৱারেপনি, মসি ঐখোয়গী অচেৎপা ৱাশকনি।প্রধান মন্ত্রী শ্রী নরেন্দ্র মোদীনা অসামগী গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী অনৌবা তর্মিনেল বিল্দিং শঙ্গাখ্রে
December 20th, 03:10 pm
অসামগী কন্নেক্তিবিতী, ইকোনোমিক এক্সপান্সন অমসুং গ্লোবেল এঙ্গেজমেন্তদা অহোংবা পুরকপা মাইলস্তোন অমা ওইনা, প্রধান মন্ত্রী শ্রী নরেন্দ্র মোদীনা ঙসি গুৱাহাতিদা লোকপ্রিয়া গোপিনাথ বরদোলোই ইন্তর্নেস্নেল এয়রপোর্তকী অনৌবা তর্মিনেল বিলদিং শঙ্গাখ্রে। থৌরম অদুদা মীয়াম তিনখিবা অদুদা ৱা ঙাংলদুনা শ্রী মোদীনা হায়খি মদুদি ঙসি অসি অসাম অমসুং অৱাং-নোংপোক্কী চাউখৎ-থৌরাং অমসুং খুমাং চাউশিনবগী কুম্মৈনি। মহাক্না ফোংদোকখি মদুদি চাউখৎপগী মঙালনা মীওইবদা য়ৌরকপা মতমদা, পুন্সিগী লম্বী খুদিংমক অনৌবা অৱাংবা থাক্তা য়ৌরকই। প্রধান মন্ত্রীনা মখা তারদুনা হায়খি মদুদি অসামগী লমদমগা মহাক্কী নক্নবা মরী, মসিগী মীয়ামগী নুংশিবা অমসুং মীনুংশি, অমসুং মরু ওইনা অসাম অমসুং অৱাং নোংপোক্কী মমা অমসুং ইচে-ইচলশিংগী নুংশিবা অমসুং মরী লৈনবগী ৱাখল্লোন অসিনা মহাকপু লেপ্পা লৈতনা পুক্নিং থৌগৎলি অমসুং লমদম অসিগী চাউখৎ-থৌরাংগীদমক অপুনবা ৱারেপ অদু মপাঙ্গল কনখৎহল্লি। মহাক্না হায়খি মদুদি ঙসি অসামগী চাউখৎ-থৌরাংদা অনৌবা পন্দুপ অমা হাপচিল্লে। ভারত রত্ন ভুপেন হাজরিকাগা মরী লৈনবা ৱাহৈশিং পল্লদুনা শ্রী মোদীনা হায়খি মদুদি মসিগী ৱাহন্থোক্তি শক্তি লৈরবা ব্রহ্মপুত্রা তুরেলগী তোর্বান্না মঙাল ফংগনি, অমম্বা ফক্লাং খুদিংমক কায়থরগনি, অমসুং মসি তশেংনা থোক্লগনি মরমদি মসি লৈবাক অসিগী ৱারেপ অমসুং শেংলবা ৱাশক অমনি।পি.এম.না মার্চ ৯দা ইন্দিয়া অমসুং বঙ্গলাদেশ অনিগী মরক্তা লৈবা ‘মাইত্রি সেতু’ শঙ্গারগনি
March 07th, 08:50 pm
প্রধান মন্ত্রী শ্রী নরেন্দ্র মোদীনা ইন্দিয়া অমসুং বঙ্গলাদেশ অনিগী মরক্তা লৈবা ‘মাইত্রি সেতু’ ২০২১গী মার্চকী ৯গী নুমিৎয়ুংবা পুং ১২দা ভিদিও কনফরেন্সকী খুত্থাংদা শঙ্গারগনি। প্রধান মন্ত্রীনা থৌরম অসিদা ত্রিপুরাদা ইনফ্রাস্ত্রকচর প্রোজেক্ত কয়া অমশু শঙ্গারগনি অমসুং উরেপ উয়ুং তমগদৌরি।