প্রধানমন্ত্রীনা ইকোনোমীক সর্ভে অসি ভারতকী রিফোর্ম এক্সপ্রেসকী অপুনবা শক্তম অমা ওইনা ফোংদোক্লি, মসিনা শিংননিংঙাই ওইরবা মালেমগী অকোয়বগী ফীভমদা লেপ্পা লৈতবা খুমাং চাউশিনবা অদু উৎলি
January 29th, 08:31 pm
প্রধানমন্ত্রী, শ্রী নরেন্দ্র মোদীনা হায়খি মদুদি ঙসি তেবল তৌরিবা ইকোনোমীক সর্ভে অসিনা ভারতকী রিফোর্ম এক্সপ্রেসকী অপুনবা শক্তম অমা পিরি, মসিনা শিংননিংঙাই ওইরবা মালেমগী অকোয়বগী ফীভমদা লেপ্পা লৈতবা খুমাং চাউশিনবাঅদু উৎলি। শ্রী মোদীনা নোৎ তৌখি মদুদি ইকোনোমীক সর্ভে অসিনা অচেৎপা মেক্রো-ইকোনোমীক ফন্দামেন্তেলশিং, সস্তেনেবল গ্রোথ মোমেন্তম অমসুং নেসন-বিল্দিংদা ইনোবেসন, ওন্তর্প্রিন্যোর্শিপ অমসুং ইনফ্রাস্ত্রকচরগী থৌদাং পাকথোক-চাওথোক্লক্লিবা অসি ফোংদোক্লি। শ্রী মোদীনা হায়খি, সর্ভে অসিনা ইনক্লুসিব দিবেলপমেন্তকী মরুওইবা অদু ফোংদোক্লি, মসিদা লৌমীশিং, এম.এস.এম.ই.শিং, নহাশিংগী থবক পীবা অমসুং খুন্নাইগী য়াইফনবা মীৎয়েং চংলি। মসিনা মেন্যুফেকচরিং মপাঙ্গল কনখৎহন্নবা, পোত্থোক পুথোকপা হেনগৎহন্নবা অমসুং বিকসিৎ ভারত অমা ওইবগী মায়কৈদা ঐখোয়গী খোংচৎ অসি খোংজেল য়াংশিনবগী রোদমেপসু ফোংদোক্লি।