প্রধান মন্ত্রীনা হিস হোলিনেস দা. শ্রী শ্রী শ্রী শিবাকুমার স্বামীগলুগী মফমদা ইকাই খুম্নবা উৎখ্রে
April 01st, 10:33 am
প্রধান মন্ত্রী, শ্রী নরেন্দ্র মোদীনা হিস হোলিনেস দোক্তর শ্রী শ্রী শ্রী সিবাকুমার স্বামীগলুবু মহাক্কী মপোক নুমিৎনা লাকপদা ইকায় খুম্নবা উৎখ্রে। শ্রী মোদীনা হায়খি মদুদি মহাক অসি মীওইবা খুন্নাইগীদমক মীনুংশি, নোলুকপা অমসুং হনবা লৈতনা শেবা তৌবগী শক্তম অমগী অপুনবা নীংশিং মমি অমা ওইনা লৈরি। পুন্সি চুপ্পা অতোপ্পশিংবু চাউখৎহনবদা কৎথোক্লদুনা, মহাক্না উৎখি মদুদি অশেংবা অথোইবা গুন হায়বসি অতোপ্পশিংবু সেবা তৌবদা য়াওরি। শ্রী মোদীনা হায়খি মদুদি এজুকেসন, খুন্নাইগী য়াইফনবা অমসুং স্পিরিচুএলিতীগী লমদা মহাক্না শিংথানিংঙাই ওইনা শরুক তমখিবা অদুনা খুন্নাই অসিদা মুৎনাইদ্রবা ইথিল অমা পীখি। ঙসি ফাওবদা, মহাক্কী পুন্সি অসিনা মশিং থিঙমদ্রবা মীওই কয়াবু মশাগী ওইবা থাদোকপা অমসুং সেবা তৌবগী লম্বীদা চৎনবা লমজিং-লমতাক্লি অমসুং পুক্নিং থৌগৎলি।পি.এম.না হিস হোলিনেস দা. শ্রী শ্রী শ্রী সিবকুমার স্বামিগালুবু মহাক্কী জয়ন্তিদা হৈকৎ-লৈকৎ তমখ্রে
April 01st, 09:05 am
প্রধান মন্ত্রী, শ্রী নরেন্দ্র মোদীনা ঙসি হিস হোলিনেস দা. শ্রী শ্রী শ্রী সিবকুমার স্বামিগালুবু মহাক্কী জয়ন্তিগী অখন্নবা থৌরম অমদা হৈকৎ-লৈকৎ তমখ্রে। মহাক্কী থোইদোক-হেন্দোকপা থবক-থৌরমশিং অদুবু থাগৎলদুনা, শ্রী মোদীনা মহাকপু মশাগী ওইজবা থিদনা থবক তৌবনা খুনাই অসিদা অওনবা পুরকপা ঙম্মি হায়না উৎখিবা, মীনুংশি অমসুং অৱাবা লৈতনা থবক তৌবগী লমজিং মৈরা অমনি হায়না থাগৎখি।