হায়দরাবাদতা সফ্রান এয়রক্রাফ্ত ইঞ্জিন সর্ভিসেস ইন্দিয়া ফেসিলিতী শঙ্গাবদা ভি.সি.গী থোংদা থমখিবা পি.এম.গী ৱারোলগী মনিপুরী ৱাহন্থোক
November 26th, 10:10 am
ঐহাক্না মতম খরা খুয়ৌনরে মরমদি ঐহাক্না পার্লিয়ামেন্তদা চৎকদবনি; ইকাই খুম্নরবা রাস্ত্রপতি লোয়ননা প্রোগ্রাম অমা লৈরি। মরম অদুনা, ঐহাক্না শাংনা ঙাংদুনা লৈবা তৌদনা ঐহাক্না ৱাফম খরা খক্তা থুনা থমজগনি অমসুং ঐহাক্কী ৱারোল লোইশিনগনি। ঙসিদগী ভারতকী এভিএসন সেক্তরনা অনৌবা খোঙজং অমা চংশিনগনি। সফ্রানগী অনৌবা ফেসিলিতী অসিনা ভারতপু মালেমগী MRO হব অমা ওইনা মশাবু লিংখৎপদা মতেং পাংগনি। MRO ফেসিলিতী অসিনা হায়-তেক এরোস্পেসকী লমদা নহাশিংগীদমক অনৌবা খুদোংচাবশিংসু শেমগনি। ঐহাক্না নবেম্বর 24দা সফ্রান বোর্দ অমসুং মেনেজমেন্তগা উন্নখি, অমসুং ঙসিসু মখোয়গা উন্নখি। অমসুং খন্ন-নৈনবা খুদিংদা, ঐহাক্না ভারতকী মতাংদা মখোয়গী থাজবা অমসুং আশা অদু উখি। ভারত্তা সফ্রানগী ইনবেস্তমেন্ত অসি মখা তানা চত্থখিগনি হায়না ঐহাক্না থাজবা থম্লি। ঙসি, মসিগী ফেসিলিতী অসিগীদমক্তা ঐহাক্না সফ্রান তীমদা নুংঙাইবা ফোংদোকচরি।প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা হায়দরাবাদতা সাফ্রান এয়রক্রাফ ইঞ্জিন সর্বিসেস ইন্দিয়া (এস.এ.ই.এস.আই.) ফেসিলিতী শঙ্গাখ্রে
November 26th, 10:00 am
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা হৈদরাবাদকী রাজীব গান্ধী ইন্তরনেস্নেল এয়রপোর্তকী জি.এম.আর. এরোস্পেস অমসুং ইন্দস্ত্রীএল পার্ক এস.ই. জেদতা লৈবা সাফ্রান এয়রক্রাফ ইঞ্জিন সর্বিসেস ইন্দিয়া (এস.এ.ই.এস.আই.) শঙ্গাখ্রে। থৌরম অদুদা ৱা ঙাংলদুনা প্রধান মন্ত্রীনা হায়খি, ঙসিদগী ভারতকী এভিএসন সেক্তরনা অনৌবা খোঙজং অমা চংশিল্লি। সাফ্রানগী অনৌবা ফেসিলিতী অসিনা ভারতপু গ্লোবেল মেনতেন্সন, রিপেয়র, অমসুং ওভরহোল (এম.আর.ও.) হব অমা ওইনা লিংখৎপদা মতেং পাংগনি। এম.আর.ও. ফেসিলিতী অসিনা হাই-তেক এয়রোস্পেস সেক্তরদা নহারোলশিংগীদমক অনৌবা খুদোংচাবা কয়া অমা পীগনি হায়না প্রধান মন্ত্রীনা ফোংদোকখি। মহাক্না নবেম্বর ২৪দা মহাক্না সাফ্রান বোর্দ অমসুং মেনেজমেন্তগা উনখিবা অদু নীংশিংখি। মমাংদা মখোয়গা ৱারী শানখিবা খুদিংদা, ভারতকী মতাংদা মখোয়গী থাজবা অমসুং আশা অদু মহাক্না উখি। মহাক্না আশা তৌখি মদুদি ভারত্তা সাফ্রানগী ইনবেস্তমেন্ত অসি চপ মান্নবা খোঙজেলদা মখা চত্থখিগনি। মহাক্কী য়াইফ পাউজেল পীরদুনা প্রধান মন্ত্রীনা অনৌবা ফেসিলিতী অসিগীদমক টিম সাফরনবু থাগৎপা ফোংদোকখি।নই দিল্লীগী ভারত মন্দপমদা পাংথোকখিবা ৱার্ল্দ এয়র ত্রান্সপোর্ত সম্মিৎকী প্লেনরী সেসনদা থমখিবা পি.এম.গী ৱারোল
June 02nd, 05:34 pm
কেন্দ্রগী ঐহাক্কী মরুপশিং, রাম মোহন নাইদু জী, মুরালিধর মোহোল জী, IATAগী বোর্দ ওফ গবর্নরসকী চেয়রমেন, পীতর অল্বর্সজী, IATAগী দাইরেক্তর জেনরেল, ৱিল্লি ৱালশজী, ইন্দিগোগী মেনেজিং দাইরেক্তর, রাহুল ভাতিয়াজী, অতৈ মকোক থোংবশিং, নুপীমচাশিং অমসুং নুপাশিং!প্রধান মন্ত্রী শ্রী নরেন্দ্র মোদীনা IATAগী 81শুবা এন্যুএল জেনরেল মীতিং অমসুং ৱার্ল্দ এয়র ত্রান্সপোর্ত সম্মিৎকী প্লেনরী সেসনদা ৱা ঙাংখ্রে
June 02nd, 05:00 pm
মালেমগী থাক্কী এয়র ইনফ্রাস্ত্রকচর শেমগৎনবা অমসুং কন্নেক্তিবিতী হেনগৎহন্নবা মহাক্কী ফিরেপ অদুগী মতুং ইন্না, প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দাপমদা পাংথোকপা ইন্তর্নেস্নেল এয়র ত্রান্সপোর্ত এসোসিএসন (IATA)গী 81শুবা এন্যুএল জেনরেল মীতিং (AGM) অমসুং ৱার্ল্দ এয়র ত্রান্সপোর্ত সম্মিৎ (WATS)গী প্লেনরী সেসনদা ৱা ঙাংখ্রে। থৌরম অদুদা ৱা ঙাংলদুনা প্রধান মন্ত্রীনা মীথুংলেনশিংবু তরাম্না ওক্লদুনা মহাক্না দিকেদ তরাগী মতুংদা ভারত্তা অমুক হন্না থৌরম অসি পাংথোকপগী মরুওইবা অদু পনখি। মহাক্না হায়রিবা মতম অসিগী মনুংদা ভারতনা অচৌবা অহোংবশিং অদু পুরকপা ঙমখি পল্লদুনা মহাক্না হায়খি মদুদি ঙসিগী ভারত অসি হান্নদগী হেন্না কনফিদেন্স লৈরে। মালেমগী এভিএসন ইকোসিস্তেমদা অচৌবা কৈথেল অমা ওইবতা নত্তনা পোলিসী লিদরশিপ, ইন্নোবেসন অমসুং ইনক্লুসিব দিবেলপমেন্তকী খুদম অমা ওইনা ভারতনা লৌরিবা থৌদাং অদু মহাক্না ফোংদোকখি। সিভিল এভিএসন সেক্তরনা হৌখিবা দিকেদ অমদা পুৱারী ওইরবা খুমাং চাউশিল্লকপা উবা ফংখি, মসি নীংথিনা শকখঙখি হায়রদুনা প্রধান মন্ত্রীনা হায়খি মদুদি “ঙসি ভারতনা স্পেস-এভিএসন কনভর্জেন্সতা মালেমগী লুচিংবা অমা ওইনা থোরক্লি”।