২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
April 27th, 11:30 am
ঙসি ঐনা মন কি বাত্ত অদোমগী মফমদা ৱা ঙাংবগা লোয়ননা, ঐগী থম্মোয়দা য়াম্না নুংঙাইতবা অমা ফাওরে। এপ্রিল ২২ দা পহালগামদা থোকখিবা তমথিরবা থৌদোক অদুনা লৈবাক অসিগী মীওই খুদিংমক নুংঙাইহন্দ্রে। অৱাবা নংলবা ইমুংশিংগীদমক ভারতমচা খুদিংমক থম্মোয় শোক্না অৱাবা ফোঙদোক্লি। করম্বা রাজ্যগী মীওইনো হায়বা লৈতনা, ঙাংলিবা লোলগী ৱাফম থিদনা, থৌদোক অসিদা লৈখিদ্রবশিংগীদমক চপ মান্নবা অৱাবা ফাওরি। তেরোরিস্তনা খুৎথারকপগী ফোতোশিং উবদা ভারতমচা খুদিংমক শাওবনা ঈ কারে হায়না ঐনা খল্লি। তেরোরিজম য়োকখৎলিবশিং নিংবা কাইবা অদু পহালগামগী থৌদোক অসিদগী খঙলে; কাস্মিরদা শান্তি হঞ্জিল্লকপদা, স্কুলশিং অমসুং কলেজশিং ফজনা হাংলকপদা, মমাংদা অমুক্ত ওইখিদ্রিবা খোঙজেলদা শেমগৎ-শাগৎপগী থবক পায়খৎলকপদা, গনতন্ত্র মপাঙ্গল কনখৎলকপদা, রেকোর্দ রেত অমদা লমকোয়বা মীওইশিং মশিং হেনগৎলকপদা, মীয়ামগী শেন্থোক হেনগৎলকপদা, নহারোলশিংগী অনৌবা খুদোংচাবশিং ফংহনবদা… মখোয়গী পাংদবা অদু উৎথোক্লকপনি। লৈবাক অসিগী য়েক্নবশিং, জম্মু অমসুং কাস্মিরগী য়েক্নবশিংনা মসি পামদে। তেরোরিস্তশিং অমসুং তেরর শৌগৎলিবশিংনা কাস্মির অমুক হন্না মাঙহনবা পাম্মী অমসুং মরম অদুনা অসিগুম্বা অচৌবা লৌতুনবা অমা মখোয়না পাংথোকপনি। তেরোরিজমগী মায়োক্ত চৎথরিবা লাল অসিদা, লৈবাক্কী অপুনবা, ভারতমচা করোর ১৪০ গী অমতা ওইবা অসি ঐখোয়গী খ্বাইদগী কনবা থৌনানি। মসিগী অপুনবা অসি ঐখোয়না তেরোরিজম থেংনবগী য়ুম্ফমনি। লৈবাক্কী মাঙদা থেংনরিবা শিংনবা অসি মায়োক্ননবা ঐখোয়না ঐখোয়গী ৱারেপ কনখৎহনগদবনি। লৈবাক অমা ওইনা ঐখোয়না অকনবা থৌনা উৎথোক্কদবনি। তেরোরিস্তশিংগী থৌদোক অসিগী মতুংদা, ঙসি মালেম্না য়েংলি, লৈবাক শীনবা থুংনা খোল্লাউ অমা লাউরি।
মহা কুম্ভগী মতাংদা লোক সভাদা প্রধান মন্ত্রীনা ফোঙদোকখিবা ৱারোল
March 18th, 01:05 pm
প্রায়াগ্রাজদা পাংথোকখিবা অচৌবা মহা কুম্ভগী মতাংদা ৱারোল অমা থম্নবা ঐ মফম অসিদা লৈরে। হাওস অসিগী খুৎথাংদা, মখোয়গী থবকশিংনা মাইপাক্না মহা কুম্ভ পাংথোকপা ঙমখিবদা ঐনা মশিং থিঙমদ্রবা লৈবাক অসিগী মীয়াম থম্মোয় শেংনা থাগৎপা ফোঙদোকখি। মহা কুম্ভ মাইপাক্না তোঙান তোঙানবা মীওইশিং অমসুং কাংবুনা অপুনবা ওইনা পাংথোকখিবা থবকশিং অদুগীদমক ঐনা ইকায়খুম্নবা উৎচরি।সরকার, খুন্নাই অমসুং কৎথোক্লবা শিন্মীশিংগী থবকশিং থাগৎপা ফোঙদোকচরি। লৈবাক শীনবা থুংবগী ভক্তশিং, মরুওইনা উত্তর প্রদেসকী মীয়াম অমসুং প্রায়াগ্রাজগী মীয়াম, মখোয়গী মমল নাইদ্রবা মতেং অমসুং শরুক য়াবগীদমক ঐনা তৌবীমল খঙবা উৎচরি।
মাইপাক্না মহা কুম্ভ লোইশিনখিবদা প্রধান মন্ত্রী শ্রী নরেন্দ্র মোদীনা লোক সভাদা ৱা ঙাংখ্রে
March 18th, 12:10 pm
উত্তর প্রদেসকী প্রায়াগ্রাজদা মাইপাক্না মহা কুম্ভ লোইশিনখিবদা ঙসি প্রধান মন্ত্রী শ্রী নরেন্দ্র মোদীনা লোক সভাদা ৱা ঙাংখ্রে। মখোয়গী থবকশিংনা মাইপাক্না মহা কুম্ভ পাংথোকপা ঙমখিবদা মহাক্না মশিং থিঙমদ্রবা লৈবাক অসিগী মীয়াম থম্মোয় শেংনা থাগৎপা ফোঙদোকখি। মহা কুম্ভ মাইপাক্না তোঙান তোঙানবা মীওইশিং অমসুং কাংবুনা অপুনবা ওইনা পাংথোকখিবা থবকশিং পল্লদুনা মহাক্না ইকায়খুম্নবা উৎখি অমসুং সরকার, খুন্নাই অমসুং কৎথোক্লবা শিন্মীশিংগী থবকশিং থাগৎপা ফোঙদোকখি। লৈবাক শীনবা থুংবগী ভক্তশিং, মরুওইনা উত্তর প্রদেসকী মীয়াম অমসুং প্রায়াগ্রাজগী মীয়াম, মখোয়গী মমল নাইদ্রবা মতেং অমসুং শরুক য়াবগীদমক প্রধান মন্ত্রীনা মহাক্কী তৌবীমল খঙবা উৎখি।প্রধান মন্ত্রীনা মহাত্মা গান্ধি অমসুং পুৱারি ওইরবা দান্দিগী খোংচত্তা শরুক য়াখিবা মীপুম খুদিংমকপু ইকাইখুম্নবা উৎখ্রে
March 12th, 09:01 am
প্রধান মন্ত্রী, শ্রী নরেন্দ্র মোদীনা ঙসি ভারতকী নিংতম লানদা য়াম্না মরু ওইবা পন্দুপ অমা ওইরিবা, পুৱারি ওইরবা দান্দিগী খোংচত্তা শরুক য়াখিবা মীপুম খুদিংমকপু ইকাইখুম্নবা উৎখ্রে। শ্রী মোদীনা হায়খি মদুদি মহাত্মা গান্ধিনা লুচিংদুনা, মসিগী খোংচৎ অসিনা মীপাল তাংদনা মরোমদোম লেপচবা ঙম্বগী অমসুং নিংখা তম্বগী ঈহৌ অমা লৈবাক শিনবা থুংনা শাগৎলকখি। “দান্দিগী খোংচত্তা শরুক য়াখিবা মীপুম খুদিংমক্কী মথৌনা-মরিংজেল, কত্থোকপা অমসুং অশেংবা অমসুং অহিংশাগী নিংহন্নবা লৈত্রবা ফিরেপ অদুনা মীরোল কয়া কয়াবু লেপ্পা লৈতনা পুক্নিং থৌগৎলি”, হায়রদুনা শ্রী মোদীনা মখা তারকখি।