প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
November 25th, 10:20 am
উত্তর প্রদেশকী রাজ্যপাল অনন্দিবেন পতেল জী, রাস্ত্রিয় স্বয়মসেবক সংঘগী মশক নাইরবা সরসঙ্ঘচালাক, দা. মোহন ভাগৱতজী, উত্তর প্রদেশকী মুখ্য মন্ত্রী যোগী অদিত্যনাথজী, শ্রী রাম জনমভূমি তীরথ ক্ষেত্রা ত্রস্তকী প্রসিদেন্ত, শক্নাইরবা মহন্ত নৃত্যা গোপাল দাসজী, শক্নাইরবা সন্ত কম্ম্যুনিতী, মফম অসিদা লৈরিবা ভক্ত পুম্নমক, লৈবাক অসিদগী অমসুং মালেমগী মফম কয়াদগী লাকপা রাম ভক্ত করোর কয়া অমসুং মসিগী পুৱারী ওইরবা তাঙ্কক অসিদা শরুক য়ারিবা ভক্ত পুম্নমক, নুপীমচাশিং অমসুং নুপাশিং!প্রধান মন্ত্রী শ্রী নরেন্দ্র মোদীনা অয়োধ্যাদা শ্রী রাম জন্মভূমি মন্দির ধৱাজারোহন উৎসবতা ৱা ঙাংখ্রে
November 25th, 10:13 am
শান্নরোই লৈবাক অসিগী সোসিও-কলচরেল অমসুং স্পিরিচুএল লেন্দস্কেপতা য়াম্না মরু ওইবা থৌরম অমা পাংথোকপদা, প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী অয়োধ্যাদা লৈবা শেংলবা শ্রী রাম জন্মভূমি লাইশঙগী শিখরদা জফ্রান ফিরাল অমা উরেপ উয়ুং তমখ্রে। ধৱাজারোহন উৎসব অসিনা মন্দির শাবগী থবক লোইশিনখিবগী মশক উৎলি অমসুং কলচরেল সেলেব্রেসন অমসুং নেস্নেল য়ুনিতীগী অনৌবা চেপ্তর অমা হৌদোক্লি। থৌরম অদুদা মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি ঙসি অয়োধ্যা শহর অসি ভারতকী কলচরেল কন্সয়সনেসকী অতোপ্পা অৱাংবা থাক্কী খুদম অমা ওইরে। শ্রী মোদীনা হায়খি, ঙসিদি ভারত পুম্বা অমসুং মালেম পুম্বনা ভগবান শ্রী রামগী পুক্নিং থৌগৎলি। রামগী ভক্ত খুদিংমক্কী থম্মোয়দা অচেৎপা অপেনবা, ঙমখৈ লৈতবা থাগৎপা অমসুং অৱাংবা থাক্কী নুংঙাইবা লৈ হায়না মহাক্না হায়খি। চহি চা কয়াদগী লৈরক্লবা অশোক-অপনশিং অদু ফগৎলক্লি, চহি চা কয়াদগী চত্থরক্লবা অৱা-নুংঙাইশিং অদু লোইশিল্লক্লি, অমসুং চহি চা কয়াদগী চত্থরক্লবা ৱারেপশিং অদু ঙসিদি মপুং ফাহল্লক্লি হায়না মহাক্না ফোংদোকখি। মহাক্না হায়খি মদুদি মসিনা চহি ৫০০গী মমাংদগী মৈ হৌদুনা লাক্লবা, থাজবদা অমুক্তা থিংজিনখিদবা, থাজবা অমুক্তা থুগাইখিদবা মপোক অমগী মপুং ফারকপনি। মহাক্না হায়খি মদুদি ঙসিদি প্রভু শ্রী রামগী অশেংবা শক্তি অমসুং শ্রী রামগী মগুন অসি অৱাংবা থাক্কী লাইশঙ অসিদা ধর্ম ধৱাজাগী মওংদা থম্মি।