প্রধান মন্ত্রীনা অসোম দিবসনা লাকপদা অসামগী মীয়ামদা য়াইফ-পাউজেল পীখ্রে
December 02nd, 03:56 pm
প্রধান মন্ত্রী, শ্রী নরেন্দ্র মোদীনা অসামগী ইচিল-ইনাওশিংদা অসোম দিবসনা লাকপদা য়াইফ-পাউজেল পীখ্রে। শ্রী মোদীনা হায়খি মদুদি ঙসি অসি স্বর্গদেও চাওলুং সুকাফাগী মংলান অদু মপুং ফাহন্নবগীদমক ঐখোয়গী ফিরেপ অদু অমুক হন্না ফোংদোকপগী তাঞ্জা অমনি। হৌখিবা চহি খরা অসিদা, কেন্দ্র অমসুং অসামগী এন.দি.এ. সরকারনা অসামগী চাউখৎ-থৌরাংবু খুমাং চাউশিলহন্নবা কন্না হোৎনরি। ফিজিকেল অমসুং সোসিএল ইনফ্রাস্ত্রকচর হেনগৎহনবদা চাউনা খুমাং চাউশিল্লে। তাই-অহোমগী চৎনবী অমসুং তাই লোলবু মীয়ামদা খঙনহন্নবা খোংথাং কয়া অমা লৌখৎলি। মসিনা অসামগী নহারোলশিংদা চাউনা কান্নবা ফংহল্লগনি, হায়না শ্রী মোদীনা মখা তাখি।