মুম্বাইদা পাংথোকপা WAVES সম্মিৎতা থমখিবা পি.এম.গী ৱারোল
May 01st, 03:35 pm
ঙসি অসি গুজরাতকী ফাউন্দেসন দেনি, গুজরাতকী ফাউন্দেসন দেনা লাকপদা মালেম শিনবা থুংনা লৈরিবা গুজরাতকী ইচিল-ইনাওশিংদা য়াইফ-পাউজেল পীজরি।
প্রধান মন্ত্রী শ্রী নরেন্দ্র মোদীনা ৱেব্স ২০২৫ হৌদোকখ্রে
May 01st, 11:15 am
প্রধান মন্ত্রী শ্রী নরেন্দ্র মোদীনা ঙসি মুম্বাইগী জিও ৱর্ল্দ সেন্তরদা ভারতকী অসিগুম্বা মখলগী ইহান হানবা ৱর্ল্দ ওদিও ভিজুএল এন্দ এন্তরতেনমেন্ত সম্মিত, ৱেব্স ২০২৫ হৌদোকখ্রে। থৌরমদুদা তিল্লিবা মীয়ামদা ৱা ঙাংলদুনা, মহাক্না ঙসি পাঙথোক্লিবা মহারাস্ত্রগী নুমিৎ অমদি গুজরাত স্তেতহুদকী য়াইফ পাউজেল পীখি। মালেমগী মীথুংশিং, এম্বেসেদরশিং, অমদি ক্রিএতিব ইন্দস্ত্রীগী লুচিংবশিং য়াওরিবা পুম্নমকপু তরাম্না ওক্লদুনা, প্রধান মন্ত্রীনা থৌরম অদুগী মরুওইবা ৱাফমশিং থম্লদুনা, লৈবাক ১০০ হেনবগী আর্তিস্ত, ইনোভেতর, ইনভেস্তর, অমদি পোলিসীমেকরশিংনা তেলেন্ত অমদি ক্রিএতিবিতীগী মালেমগী ওইবা ইকোসিস্তেম অমগী য়ুম্ফম থোন্ননবা মফমসিদা পুল্লি হায়বা ৱাফম থমখি। “ৱেব্স, অসি এক্রোনীম অমখক্তা নত্তে, মসি কলচর, ক্রিএতিবিতী অমসুং য়ুনিভর্সেল কন্নেক্তিবিতীগী ঈথক ইপোম অমনি,” হায়রদুনা সম্মিত অসিনা ফিল্ম, ঈশৈ-নোংমাই, গেমিং, এনিমেসন, অমদি ৱারী লিবগী পাক চাউরবা তাইবং অসিবু উৎলি অমদি আর্তিস্ত অমসুং ক্রিএতরশিংবু মরী শাগৎনবা অমদি খুৎশম্ননা চৎমিন্ননবা মালেমগী ওইবা ফম্পাক অমা পীরি হায়খি। প্রধান মন্ত্রীনা শরুক য়ারিবা পুম্নমক্কী মফমদা পুৱারী ওইরবা থৌরম অদুগীদমক থাগৎপা ফোঙদোকখি অমদি ভারত অমসুং মপান লৈবাকশিংদগী লেঙলক্লিবা মশক নাইরবা মীথুংশিংবু তরাম্না ওকখি।
সংবিধান অসি ঐখোয়গী লমজিং মৈরানিঃ মন কী বাত্তা পি.এম. মোদী
December 29th, 11:30 am
মন কী বাতকী তাঙ্কক অসিদা পি.এম. মোদীনা কন্সতিত্যুশনগী 75শুবা কুমওন অমসুং প্রয়াগরাজদা পাংথোক্কদৌরিবা কুম্ভ মেলাগী শেম-শাবা য়াওনা ভারতকী মায় পাকপশিংগী মতাংদা নৈনখি। মহাক্না বস্তর ওলেম্পিক্কী মায় পাকপা অদুবু শিংথাখি অমসুং হকশেলগা মরী লৈনবা মরুওইবা মায় পাকপশিং খুদম ওইনা মেলেরিয়া মুথৎপদা অমসুং আয়ুশ্মান ভারত স্কিমগী মখাদা কেন্সর লায়েংবদা খোঙজেল য়াংশিনবগী মতাংদা ফোংদোকখি। মসিদা নত্তনা, মহাক্না ওরিশাগী কালাহন্দীদা পাংথোকখিবা এগ্রিকলচর ত্রান্সফোর্মেশনগী মতাংদা থাগৎপা ফোংদোকখি।স্মার্দ ইন্দিয়া হেক্কাথোন ২০২৪ দা ফোঙদোকখিবা প্রধান মন্ত্রীগী মপুংফাবা ৱারোল
December 11th, 05:00 pm
লাল কিলাদগী ঐনা মতম চুপ্পদা হায়বা ৱাফম অমা অদোম নিংশিংলমগনি। ঙসিগী ভারত অসি মীওই খুদিংমক্কী থবকশিংনা য়াংনা চাউখৎপা ঙমগনি হায়না ঐনা হায়খি। ঙসি অসি মদুগী খুদম অমনি। ঐনা মসিগী স্মার্দ ইন্দিয়া হেক্কাথোনগী গ্রান্ত ফিনালে খৌরাংনা ঙাইরক্লি। ঐনা অদোমগুম্বা ইন্নোবেতরশিংগী মরক্তা শরুক য়াবা ফংবা মতমদা, ঐনা খঙনবা, তম্নবা অমসুং ৱাখল তানবা খুদোংচাবা কয়া ফংখি। ঐনা অদোম ময়ামদগী থাজবা কয়া থম্লি। নহা ওইরিবা ইন্নোবেতর কয়ানা ২১শুবা চহিচাগী ভারত্তা তোঙানবা মীৎয়েং অমা থম্লি অমসুং মরম অদুনা অদোমগী পাম্বৈশিং অদুশু তোঙানগনি। মরম অদুনা অদোম্না অনৌবা শিংনবশিং মায়োক্নবা মতমদা, অদোম্না মখোয়গীদমক অনৌবা অমসুং তোঙানবা পাম্বৈশিং ফংগনি। মসিগী মমাঙদা ঐ হেক্কাথোন কয়া শরুক য়াখ্রে। অদোম্না ঐ কৈদৌঙৈদা নিংবা কাইহনখিদে। অদোম্না মতম পুম্নমক্ত ঐগী থাজবা হেনগৎহনখি। অদোম্না পাম্বৈশিং পুথোক্ত্রিঙৈ মমাংদা তিমশিং মফম অসিদা পুল্লে। মখোয় ঙসি তোঙান-তোঙানবা মিনিস্ত্রিশিংনা শীজিন্নরি। হৌজিক মসিগী হেক্কাথোন অসিদা, লৈবাক্কী তোঙান-তোঙানবা মফমশিংদা তিমশিংনা করি পাংথোক্লি? অদোমগী অনৌবা থবকশিং খঙনিংবনা ঐন লাংতক্নরে। মরম অদুনা ঐখোয় হৌরসি,কনানা হান্না ৱা ঙাংগনি।প্রধান মন্ত্রী শ্রী নরেন্দ্র মোদীনা স্মার্ত ইন্দিয়া হেক্কাথোন 2024দা শরুক য়ারিবশিংগা ৱারী শাখ্রে
December 11th, 04:30 pm
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা স্মার্ত ইন্দিয়া হেক্কাথোন 2024গী গ্রান্দ ফিনালেদা নহা ওইরিবা ইন্নোবেতরশিংগা ৱারী শানখ্রে। থৌরম অদুদা তিনখিবা মীয়ামদা ৱা ঙাংলদুনা, প্রধান মন্ত্রীনা লাল কিলাদগী পীখিবা মহাক্কী ৱারোলদা 'সবকা প্রয়াস'কী মতাংদা ফোংদোকখিবা অদু অমুক হন্না পনখি। মহাক্না হায়খি মদুদি ঙসিগী ভারত অসি 'সবকা প্রয়াস' নত্ত্রগা মীপুম খুদিংমক্কী হোৎনবগা লোয়ননা খোংজেল য়াংনা খুমাং চাউশিল্লক্কনি অমসুং ঙসিগী থৌরম অসি মসিগী খুদম অমনি। প্রধান মন্ত্রীনা হায়খি, ঐহাক্না স্মার্ত ইন্দিয়া হেক্কাথোনগী গ্রান্দ ফিনালেগীদমক খৌরাংনা ঙাইরি। মহাক্না হায়খি মদুদি নহা ওইরিবা ইন্নোবেতরশিংগী মরক্তা য়াওবা মতমদা অনৌবা খরা তম্নবা অমসুং খঙনবগী খুদোংচাবা ফংই। নহা ওইরিবা ইন্নোবেতরশিং অসিদগী মহাক্না চাউনা থাজবা থম্লি হায়না পল্লদুনা প্রধান মন্ত্রীনা হায়খি মদুদি মখোয়দা 21শুবা চহিচাগী ভারত অসি তোঙানবা মওংদা য়েংবগী ৱাখল্লোন লৈ। মরম অদুনা, শ্রী মোদীনা হায়খি, অদোমগী সোল্যুসনশিংসু তোঙান-তোঙানবা ওই অমসুং অনৌবা শীংনবশিং লাকপা মতমদা, অদোম্না অনৌবা অমসুং অখন্নবা সোল্যুসনশিং পুথোকই। প্রধান মন্ত্রীনা মমাংদা হেক্কাথোনদা শরুক য়াখিবা অদু নীংশিংখি অমসুং মহৈশিং অদুদা মহাক্না কৈদৌঙৈদসু নুংঙাইতবা ফাওখিদে হায়না ফোংদোকখি। মহাক্না হায়খি, অদোম্না ঐগী থাজবা অদু হেন্না হেনগৎহনখি। মহাক্না হায়খি মদুদি মমাংদা পীখিবা সোল্যুসনশিং অসি তোঙান তোঙানবা মন্ত্রালয়শিংদা শীজিন্নবা হৌরে। শ্রী মোদীনা শরুক য়ারিবশিং অসিগী মরমদা হেন্না খঙবা পাম্মি হায়না ফোংদোকখি অমসুং ৱারী শানবগী থৌরম অদু হৌদোকখি।ঙসিদি, মালেম অসিদা লৈরিবা মীয়াম্না ভারতকী মরমদা খঙবা পাম্লক্লেঃ মন কী বাত্তা পি.এম. মোদী
October 27th, 11:30 am
মন কি বাতনা তরাম্না ওকচরি। ঐগী পুন্সিদা খ্বাইদগী নিংশিংদুনা লৈহৌরগদবা থৌদোকশিং করিনো হায়না করিগুম্বা অদোম্না ঐঙোন্দা হংলবদি, ঐনা থৌদোক কয়া নিংশিংগনি, অদুবু থোইদোক হেন্দোকপা মিকুপ অমা লৈরি। থৌদোক অদু হৌখিবা চহিগী নবেম্বর ১৫ দা ওইখি, ঐ ভগবান বিরসা মুন্দাগী মপোক নুমিত্তা মহাক্কী পোক্নফম লমদম ঝারখন্দগী উলিহাতু খুঙ্গংদা চৎখি। খোঙচৎ অদুনা ঐঙোন্দা অকনবা ইথিল অমা পীখি। শেংলবা লমদম অসিগী লৈবাক্তা ঐগী লাইবক্না শোকপা ফংখিবা লৈবাক অসিগী অহানবা প্রধান মন্ত্রী ঐনা ওইখি। মিকুপ অউদা, ঐনা নিংতম ইহৌগী থৌনা অদু ফাওবা খক নত্তনা, লমদম অসিগী মপাঙ্গলগা শম্নবগী খুদোংচাবা অমশু ফংখি। ৱাশক অমা ঙাক্নবা থৌনানা কমদৌনা লৈবাক্কী মীওই করোর কয়াগী মরাইবক্তা অহোংবা পুরকপা ঙম্বগে হায়বা ঐ খঙবা ঙমখি।