প্রধান মন্ত্রীনা কবি অমসুং থিঙ্কর অন্দে শ্রীনা লৈখিদবদা অৱাবা ফোংদোকখ্রে
November 10th, 03:02 pm
প্রধান মন্ত্রী, শ্রী নরেন্দ্র মোদীনা ইকাই খুম্নরবা কবি অমসুং থিঙ্কর, অন্দে শ্রীনা লৈখিদবদা থমোই শোক্না অৱাবা ফোঙদোকখ্রে। শ্রী মোদীনা হায়খি মদুদি অন্দি শ্রীনা লৈখিদবদা ঐখোয়গী কলচরেল অমসুং ইন্তেলেকচুৱল লেন্দস্কেপতা মেনশিনবা ঙম্লরোইদবা অহোবা অমা লৈহৌরে। “মহাক্কী ৱাখল্লোনশিং অদুনা তেলঙ্গনাগী নুংগী ওইবা ৱাখল্লোন অদুবু নিংথিনা ফোংদোকই। মহাক্কী ৱাখল্লোনশিংনা তেলঙ্গনাগী নুংগী ৱাখল্লোন অদু উৎলি। মগুন লৈরবা কবি অমসুং থিঙ্কর অমা ওইদুনা, মহাক্না মীয়ামগী খোঞ্জেল ওইখি, মখোয়গী অৱাবশিং, মখোয়গী অনিংবা অপাম্বা অমসুং মখোয়গী নিংহন্নবা লৈত্রবা ৱাখল্লোনশিং অদুবু ফোংদোকখি। মহাক্কী ৱাহৈশিং অদুদা পুক্নিং ওলহনবা ঙম্বগী শক্তি লৈ, খোঞ্জেলশিংবু অমত্তা ওইনা পুনশিনহনবা খুন্নাইগী অপুনবা ইহুল অমা ওইনা শক্লোন লৌবগী শক্তি লৈ। মহাক্না খুন্নাইগী ওইবা ৱাখল্লোনবু শৈরেংগী ফজবগা লোয়ননা পুন্সিনখিবা মওং অসি থোইদোক-হেন্দোক্না শিংথানিংঙাইনি”, হায়না শ্রী মোদীনা হায়খি।