পি.এম. মোদীনা কালেনগী মৈশা মায়োক্ননবা পাম্বৈশিং শিয়র তৌখ্রে, মন কী বাত্তা মীয়ামদা ঈশিং মরাং থক্নবা খঙহনখ্রে
May 31st, 11:30 am
ঐহাক্কী নুংশিরবা ইরৈবাকচাশিং, খুরুমজরি। ঐহাক্না অমুক্কা হন্না 'মন কী বাত'কী থৌরম অসিদা ময়ামগা কন্নেক্ত তৌবা ফংজবা অসিদা নুংঙাইবা ফাওই। লৈবাক অসিগী তোঙান তোঙানবা মফমশিংদগী লাকপা মীওইশিংনা লৈবাক অসিগী, খুন্নাই অসিগী কান্ননবগীদমক থোইদোক হেন্দোকপা থবকশিং পাংথোক্লি... অমসুং ঐখোয়না মখোয়গী মরমদা তাবগা, ঐখোয়না অনৌবা ইথিল অমা ফংই। ঙসি, ঐহাক্না এথলেতিক্সতা লৈবাক্কী অসিগুম্বা মায় পাকপা অমগা লোয়ননা প্রোগ্রাম অসি হৌরগনি। নুমিৎ খরনিগী মমাংদা, নেস্নেল সেনিয়র এথলেতিক্স ফেদরেসন কম্পিতিসন ঝারখন্দগী রাঞ্চীদা পাংথোকখি। লৈবাক অসিগী মফম কয়াদগী শান্নরোই ৮০০ রোম্না শরুক য়াখি। মসিগী মনুংদা তোঙান তোঙানবা ইভেন্ত মরিদা নেস্নেল রেকোর্দ মরি থুগাইখি। গুরিন্দর বীর সিংহ, বিশাল তি.কে., তেজস্বিন শঙ্কর, দেব মীনা, অমসুং কুলদীপ কুমার... মরুপশিং অসিনা তোঙান তোঙানবা কাংলুপশিংদা অনৌবা রেকোর্দশিং শেমখি। অহানবদা, ঐনা মখোয় পুম্নমকপু থাগৎচরি।