രാജ്ഘട്ടിൽ രാഷ്ട്രപിതാവ് മഹാത്മാഗാന്ധിക്ക് ശ്രദ്ധാഞ്ജലിയർപ്പിച്ച് പ്രധാനമന്ത്രി
January 30th, 01:54 pm
രാഷ്ട്രപിതാവ് മഹാത്മാഗാന്ധിക്ക് അദ്ദേഹത്തിന്റെ ചരമവാർഷിക ദിനമായ ഇന്ന് രാജ്ഘട്ടിൽ ശ്രദ്ധാഞ്ജലിയർപ്പിച്ച് പ്രധാനമന്ത്രി ശ്രീ നരേന്ദ്ര മോദി. ബാപ്പുവിന്റെ കാലാതീതമായ ആദർശങ്ങൾ നമ്മുടെ രാജ്യത്തിന്റെ പ്രയാണത്തിന് ഇന്നും വഴികാട്ടുന്നുവെന്ന് ശ്രീ മോദി പറഞ്ഞു. അദ്ദേഹത്തിന്റെ തത്വങ്ങളിലും നീതി, ഐക്യം, മാനവ സേവനം എന്നിവയിൽ അധിഷ്ഠിതമായ ഒരു ഇന്ത്യ കെട്ടിപ്പടുക്കുന്നതിലുമുള്ള ഞങ്ങളുടെ പ്രതിജ്ഞാബദ്ധത ഞങ്ങൾ വീണ്ടും ഉറപ്പിക്കുന്നു, ശ്രീ മോദി പറഞ്ഞു.ഇന്ത്യാ ഗവൺമെന്റും ഫിലിപ്പീൻസ് ഗവൺമെന്റും തമ്മിൽ തന്ത്രപരമായ പങ്കാളിത്തം സ്ഥാപിക്കുന്നതുമായി ബന്ധപ്പെട്ട പ്രഖ്യാപനം
August 05th, 05:23 pm
ഇന്ത്യൻ പ്രധാനമന്ത്രി ശ്രീ നരേന്ദ്ര മോദിയുടെ ക്ഷണപ്രകാരം, ഫിലിപ്പീൻസ് പ്രസിഡന്റ് ഫെർഡിനാൻഡ് ആർ. മാർക്കോസ് ജൂനിയർ 2025 ഓഗസ്റ്റ് 4-8 തീയതികളിൽ ഇന്ത്യയിൽ ഔദ്യോഗിക സന്ദർശനം നടത്തി. പ്രസിഡന്റ് മാർക്കോസിനൊപ്പം പ്രഥമ വനിത ലൂയിസ് അരനെറ്റ മാർക്കോസും ഫിലിപ്പീൻസിലെ നിരവധി ക്യാബിനറ്റ് മന്ത്രിമാരും ഉന്നതതല വ്യാവസായിക പ്രതിനിധിസംഘവും ഉണ്ടായിരുന്നു.മഹാത്മാഗാന്ധിയുടെ ജന്മദിനത്തിൽ പ്രധാനമന്ത്രി അദ്ദേഹത്തിന് ശ്രദ്ധാഞ്ജലി അർപ്പിച്ചു
October 02nd, 03:43 pm
രാഷ്ട്രപിതാവ് മഹാത്മാഗാന്ധിയുടെ ജന്മദിനത്തിൽ പ്രധാനമന്ത്രി ശ്രീ നരേന്ദ്ര മോദി രാജ്ഘട്ടിൽ ശ്രദ്ധാഞ്ജലി അർപ്പിച്ചു.പ്രധാനമന്ത്രി ശ്രീ. നരേന്ദ്ര മോദി 2023 സെപ്റ്റംബർ 24 ന് രാവിലെ 11 മണിയ്ക്ക് ആകാശവാണിയിലൂടെ നടത്തിയ പ്രത്യേക പ്രക്ഷേപണത്തിന്റെ മലയാള പരിഭാഷ
September 24th, 11:30 am
എന്റെ പ്രിയപ്പെട്ട കുടുംബാംഗങ്ങളെ, നമസ്കാരം. മറ്റൊരു എപ്പിസോഡില് രാജ്യത്തിന്റെ എല്ലാ വിജയങ്ങളും നമ്മുടെ നാട്ടുകാരുടെ വിജയവും അവരുടെ പ്രചോദനാത്മകമായ ജീവിതയാത്രയും നിങ്ങളുമായി പങ്കിടാന് എനിക്ക് അവസരം ലഭിച്ചു. ഈ ദിവസങ്ങളില് എനിക്ക് ലഭിച്ച കത്തുകളും സന്ദേശങ്ങളും മിക്കതും രണ്ട് വിഷയങ്ങളെ സംബന്ധിച്ചുള്ളതാണ്. ആദ്യ വിഷയം ചന്ദ്രയാന് 3 ന്റെ വിജയകരമായ ലാന്ഡിങ് ആണ്, രണ്ടാമത്തേത് ഡല്ഹിയില് ജി-20 യുടെ വിജയകരമായ സംഘാടനമാണ്. എല്ലാ പ്രായത്തിലുമുള്ള ആളുകളില് നിന്നും, രാജ്യത്തിന്റെ എല്ലാ പ്രദേശങ്ങളില് നിന്നും സമൂഹത്തിലെ എല്ലാ വിഭാഗങ്ങളില് നിന്നും എനിക്ക് എണ്ണമറ്റ കത്തുകള് ലഭിച്ചിട്ടുണ്ട്. ചന്ദ്രയാന് 3 ന്റെ ലാന്ഡര് ചന്ദ്രനില് ഇറങ്ങാന് ഒരുങ്ങുമ്പോള് കോടിക്കണക്കിന് ആളുകള് വിവിധ മാധ്യമങ്ങളിലൂടെ ഒരുമിച്ച് ഈ സംഭവത്തിന് അനുനിമിഷം സാക്ഷ്യം വഹിച്ചിരുന്നു. ഐ.എസ്.ആര്.ഒ.യുടെ യൂട്യൂബ് ചാനലില് 80 ലക്ഷത്തിലധികം ആളുകള് ഈ പരിപാടി തത്സമയം കണ്ടു. ചന്ദ്രയാന് 3മായി കോടിക്കണക്കിന് ഭാരതീയര് എത്ര ആഴത്തില് ബന്ധപ്പെട്ടിരിക്കുന്നു എന്ന് ഇത് കാണിക്കുന്നു. ചന്ദ്രയാന്റെ ഈ വിജയത്തെക്കുറിച്ച്, ഈ ദിവസങ്ങളില് രാജ്യത്ത് വളരെ മനോഹരമായ ഒരു ക്വിസ് മത്സരം നടക്കുന്നുണ്ട് - ചോദ്യോത്തര മത്സരം, അതിന് 'ചന്ദ്രയാന്-3 മഹാക്വിസ്' എന്നാണ് പേരിട്ടിരിക്കുന്നത്. ഇതുവരെ 15 ലക്ഷത്തിലധികം പേരാണ് MyGov പോര്ട്ടലില് നടന്ന മത്സരത്തില് പങ്കെടുത്തത്.MyGov ആരംഭിച്ചതിനുശേഷം നടത്തിയ ഏതൊരു ക്വിസ് മത്സരത്തിലെയും ഏറ്റവും വലിയ പങ്കാളിത്തമാണിത്. നിങ്ങള് ഇതുവരെ അതില് പങ്കെടുത്തിട്ടില്ലെങ്കില്, ഞാന് നിങ്ങളോടും പറയുന്നു ഇനിയും വൈകിക്കരുത്, അതില് പങ്കെടുക്കാന് ഇനിയും ആറു ദിവസം ബാക്കിയുണ്ട്. ഈ ക്വിസില് തീര്ച്ചയായും പങ്കെടുക്കുക.ജി20 രാഷ്ട്രത്തലവന്മാർ രാജ്ഘട്ടിൽ മഹാത്മാഗാന്ധിക്കു ശ്രദ്ധാഞ്ജലിയർപ്പിച്ചു
September 10th, 12:26 pm
പ്രധാനമന്ത്രി ശ്രീ നരേന്ദ്ര മോദിയും ജി20 അംഗരാജ്യങ്ങളുടെ തലവന്മാരും ഇന്നു രാജ്ഘട്ടിലെത്തി മഹാത്മാഗാന്ധിക്കു ശ്രദ്ധാഞ്ജലി അർപ്പിച്ചു. ഗാന്ധിജിയുടെ കാലാതീതമായ ആദർശങ്ങൾ ഒത്തൊരുമയുള്ളതും ഏവരെയും ഉൾക്കൊള്ളുന്നതും സമൃദ്ധവുമായ ആഗോള ഭാവിക്കായുള്ള നമ്മുടെ കൂട്ടായ കാഴ്ചപ്പാടിനു മാർഗദർശനമേകുന്നുവെന്നു പ്രധാനമന്ത്രി പറഞ്ഞു.