10,998.32 കോടി രൂപ ചെലവിൽ ഉത്തർപ്രദേശിലെ വരുണാ നദീതീരത്ത് ഹൈബ്രിഡ് ആന്വിറ്റി മോഡലിൽ 6/4 വരി എലിവേറ്റഡ് കോറിഡോറും അതിന്റെ റാംപുകളും/ലൂപ്പുകളും വികസിപ്പിക്കുന്നതിന് കേന്ദ്ര മന്ത്രിസഭാ അംഗീകാരം
July 15th, 04:47 pm
ഉത്തർപ്രദേശിലെ വാരാണസി നഗരത്തിൽ ഗതാഗതക്കുരുക്ക് കുറയ്ക്കുന്നതിനായി വരുണാ നദിക്ക് സമാന്തരമായി NH-31-നെയും വാരാണസി റിംഗ് റോഡിനെയും ബന്ധിപ്പിക്കുന്ന 43.218 കിലോമീറ്റർ നീളമുള്ള ലിങ്ക്/കണക്ടർ കോറിഡോർ വികസിപ്പിക്കുന്നതിന് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന സാമ്പത്തിക കാര്യ മന്ത്രിസഭാ സമിതി ഇന്ന് അംഗീകാരം നൽകി. പ്രധാന ക്യാരേജ് വേ, ഫ്ലൈഓവറുകൾ, ലൂപ്പുകൾ, റാംപുകൾ, സർവീസ് റോഡുകൾ എന്നിവ ഉൾപ്പെടെ പ്രധാനമായും 6/4 വരിയിൽ ഒരു എലിവേറ്റഡ് കോറിഡോറാണ് ഈ പദ്ധതിയിൽ ഉൾപ്പെടുന്നത്. നിർമ്മാണച്ചെലവായ 4,565.33 കോടി രൂപയും ഭൂമി ഏറ്റെടുക്കൽ ചെലവായ 934.91 കോടി രൂപയും ഉൾപ്പെടെ ആകെ 10,998.32 കോടി രൂപ ചെലവിൽ നാഷണൽ ഹൈവേ അതോറിറ്റി ഓഫ് ഇന്ത്യ (NHAI) ഹൈബ്രിഡ് ആന്വിറ്റി മോഡലിൽ (HAM) ആയിരിക്കും ഈ പദ്ധതി നടപ്പിലാക്കുക.ഉത്തർപ്രദേശിലെ NH-34-ന്റെ ഭാഗമായ കാൺപൂർ-കബ്രായ് സെക്ഷൻ 7145.14 കോടി രൂപ ചെലവിൽ, 4/6 വരി പ്രവേശന നിയന്ത്രിത പാതയായി ബി.ഒ.റ്റി (ടോൾ) അടിസ്ഥാനത്തിൽ നിർമ്മിക്കുന്നതിന് കേന്ദ്ര മന്ത്രിസഭയുടെ അംഗീകാരം
July 01st, 03:09 pm
നാഷണൽ ഹൈവേസ് (O) പ്രോഗ്രാമിന് കീഴിലുള്ള ഭോപ്പാൽ-കാൺപൂർ സാമ്പത്തിക ഇടനാഴിയുടെ പ്രധാന ഭാഗമായ 117.7 കിലോമീറ്റർ ദൈർഘ്യം വരുന്ന കാൺപൂർ-കബ്രായ് പ്രവേശന നിയന്ത്രിത ഗ്രീൻഫീൽഡ് ഹൈവേയുടെ നിർമ്മാണത്തിന് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്ന് ചേർന്ന സാമ്പത്തിക കാര്യങ്ങൾക്കായുള്ള മന്ത്രിസഭാ സമിതി (CCEA) അംഗീകാരം നൽകി. ഭാവിയിൽ ആറുവരിപ്പാതയാക്കി മാറ്റാൻ കഴിയുന്ന രീതിയിൽ നിർമ്മിക്കുന്ന നിർദിഷ്ട നാലുവരി പ്രവേശന നിയന്ത്രിത ഇടനാഴിയുടെ മൊത്തം മൂലധനചെലവ് 7145.14 കോടി രൂപയാണ്. ദേശീയപാതാ അതോറിറ്റി (NHAI) ബി.ഒ.റ്റി (ടോൾ) അടിസ്ഥാനത്തിലാണ് പദ്ധതി നടപ്പിലാക്കുന്നത്. എൻ.എച്ച്-34-ന്റെ നിലവിലുള്ള കാൺപൂർ-കബ്രായ് ഭാഗത്തിന്റെ പ്രവർത്തനവും പരിപാലനവും ഇതിൽ ഉൾപ്പെടും.