2026-ഖാരിഫ് സീസണിലെ (01.04.2026 മുതൽ 30.09.2026 വരെ) ഫോസ്ഫേറ്റിക്, പൊട്ടാസിക് (പി&കെ) വളങ്ങളുടെ പോഷക അധിഷ്ഠിത സബ്സിഡി (എൻബിഎസ്) നിരക്കുകൾക്ക് കേന്ദ്ര മന്ത്രിസഭയുടെ അംഗീകാരം
April 08th, 04:18 pm
പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്ന് ചേർന്ന കേന്ദ്ര മന്ത്രിസഭാ യോഗം, 2026-ഖാരിഫ് സീസണിലേക്ക് (2026 ഏപ്രിൽ 1 മുതൽ 2026 സെപ്റ്റംബർ 30 വരെ) ഫോസ്ഫേറ്റിക്, പൊട്ടാസിക് (P&K) വളങ്ങൾക്കുള്ള പോഷക അധിഷ്ഠിത സബ്സിഡി (എൻബിഎസ്) നിരക്കുകൾ നിശ്ചയിക്കുന്നതിനുള്ള വളം വകുപ്പിന്റെ നിർദ്ദേശത്തിന് അംഗീകാരം നൽകി.2026-ലെ ഖാരിഫ് സീസണിലേക്കുള്ള ഏകദേശ ബജറ്റ് വിഹിതം 41,533.81 കോടി രൂപയായിരിക്കും. ഇത് 2025-ലെ ഖാരിഫ് സീസണിലെ ബജറ്റ് വിഹിത്തേക്കാൾ ഏകദേശം 4,317 കോടി രൂപ കൂടുതലാണ്.2025 ഖാരിഫിനുള്ള ബജറ്റ് 37,216.15 കോടി രൂപയായിരുന്നു.