അമേരിക്കൻ ഐക്യനാടുകളുടെ സ്വാതന്ത്ര്യത്തിന്റെ 250-ാം വാർഷികത്തിൽ പ്രധാനമന്ത്രി യുഎസ് പ്രസിഡന്റിന് ആശംസകൾ നേർന്നു
July 04th, 09:40 pm
അമേരിക്കൻ ഐക്യനാടുകളുടെ സ്വാതന്ത്ര്യത്തിന്റെ 250-ാം വാർഷികം എന്ന ചരിത്രപരമായ അവസരത്തിൽ പ്രധാനമന്ത്രി ശ്രീ നരേന്ദ്ര മോദി യുഎസ് പ്രസിഡന്റ് ഡൊണാൾഡ് ജെ. ട്രംപിനും അമേരിക്കൻ ജനതയ്ക്കും ആശംസകൾ നേർന്നു. ഇന്ത്യ-അമേരിക്കൻ പങ്കാളിത്തത്തിന്റെ നിലനിൽക്കുന്ന കരുത്തിന് ശ്രീ മോദി അടിവരയിട്ടു. ഇരു ജനാധിപത്യ രാജ്യങ്ങളും തമ്മിലുള്ള ബന്ധം ഒരു തന്ത്രപരമായ പങ്കാളിത്തത്തിനും അപ്പുറമാണെന്നും അത് ജനാധിപത്യം, നിയമവാഴ്ച, ജനങ്ങളുടെ പരിധിയില്ലാത്ത ശേഷിയിലുള്ള വിശ്വാസം എന്നീ പങ്കുവെക്കപ്പെട്ട മൂല്യങ്ങളിൽ അധിഷ്ഠിതമാണെന്നും അദ്ദേഹം ചൂണ്ടിക്കാട്ടി.