ജൻജാതീയ ഗൗരവ് ദിവസിനോടനുബന്ധിച്ച് നവംബർ 15-ന് പ്രധാനമന്ത്രി ഗുജറാത്തിലെ നർമ്മദാ ജില്ല സന്ദർശിക്കും
November 14th, 11:41 am
പ്രധാനമന്ത്രി ശ്രീ നരേന്ദ്ര മോദി നവംബർ 15-ന് ഗുജറാത്ത് സന്ദർശിക്കും. ഉച്ചയ്ക്ക് 12:45-ഓടെ അദ്ദേഹം നർമ്മദാ ജില്ലയിലെ ദേവ്മോഗ്ര ക്ഷേത്രത്തിൽ പൂജയും ദർശനവും നടത്തും. അതിനുശേഷം, ഉച്ചയ്ക്ക് 2:45-ഓടെ, നർമ്മദാ ജില്ലയിലെ ദേദിയാപാഡ സന്ദർശിക്കുന്ന പ്രധാനമന്ത്രി, ധർത്തി ആബാ ഭഗവാൻ ബിർസ മുണ്ടയുടെ 150-ാം ജന്മവാർഷികാഘോഷ പരിപാടിയിൽ പങ്കെടുക്കും. ചടങ്ങിൽ 9,700 കോടിയിലധികം രൂപയുടെ വിവിധ അടിസ്ഥാന സൗകര്യ വികസന പദ്ധതികളുടെ ഉദ്ഘാടനവും തറക്കല്ലിടലും അദ്ദേഹം നിർവ്വഹിക്കുകയും പരിപാടിയെ അഭിസംബോധന ചെയ്യുകയും ചെയ്യും.